الضفيرة ساحت وضربت والحمد لله العربية ماولعتش
 

السلام عليكم اخوانى الكرام عايز رأى الخبراء والجميع لو حد حصل له موقف مشابة يقولى علشان اعرف اعمل اية و علشان الكل يستفيد....
من كام يوم لقيت انوار الاشارات بتخرف مرة تشتغل ومرة لا رحت لكهربائى قالى الفيوز ضرب وغيرة وبعدها لقيت نفس الموضوع ومعاة كمان لمبة الانتظار مش شغالة رحت تانى لنفس الكهربائى عملها واشتغلت بس تقريبا كان شغال اى كلام, بعدها بكام يوم نسيت لمبة الانتظار فترة طويلة والعربية واقفة المهم لقيت البطارية فضيت فركبت بطارية جديدة .......نيجى للمهم النهاردة كنت فى التوكيل بعمل صيانة 60000 وبحكيلهم عن الكهرباء وكانت المفاجأة بعد ما ضبط الفيوز كلة لقى لسة فى لخبطة , فتح العربية كلها وورانى الضفيرة فيها اسلاك كتيرة جنب بعض وسايحة وقالى كويس ان العربية ما ولعتش ..... دلوقتى التوكيل قالى هانحاول نرمم الضفيرة وهاتكلفك 500 جنية او ها تغير الضفيرة وتقريبا تمنها 6000 جنية مع انى لسة فى الضمان انصحونى بالله عليكم محتاج اى نصيحة

رد: الضفيرة ساحت وضربت والحمد لله العربية ماولعتش
 

هو الفيوز اللى انت ركبتة نفس الامبير ولا لاء
عشان ممكن يكون غير الامبير وكدة انت عندك مشكلة فى دايرة الكهربة عشان المفروض فى حماية على كل حاجة ومعنى ان الاسلاك تسييح ان الامبير او الجهد الكهربائى عللى على الحد
اللى يستحملة السلك وكان المفرووض ان الفيوز هو اللى يضرب الاول ويفصل الدايرة اللى فيها المشكلة فا اكيد انت عندك عيب او مشكلة حصلت

رد: الضفيرة ساحت وضربت والحمد لله العربية ماولعتش
 

صلحها ياباشا طبعا بس قولنا هي نوعها ايه

رد: الضفيرة ساحت وضربت والحمد لله العربية ماولعتش
 

تقريبا الفيوز ما كانتش مظبوطة لكن لو ركبت 20 مكان 10 مثلا يعمل كدة.. ويا ريت تقولولى رأيكم فى الحل انا لسة فى الضمان ؟يا ترى التوكيل المفروض يعمل اية؟

رد: الضفيرة ساحت وضربت والحمد لله العربية ماولعتش
 

لو غلطتك انت اللي هتشيلها وهيبقي حضرتك اللي غلطان عشان مرحتش للتوكيل لما حصل معاك اللخبطه في الاشارات ولو هي لوحدها ساحت يبقي اكيد تبع الضمان ولازم تلزمهم يغيروها ونصيحه متخلهمش يرمموها والكلام ده الضفيره لو حصلها حاجه لازم تتغير الضفيره من اهم الاجزاء واخطرها علي العربيه ولازم تجيبها جديده وقدر الله وما شاء فعل

رد: الضفيرة ساحت وضربت والحمد لله العربية ماولعتش
 

شكرا لرد حضرتك وجميع الافاضل لكن السؤال ازاى اعرف غلطتى ولا هى مشكلة فى العربية؟ ولو انا كنت مضطر اروح لكهربائى غصب عنى لغاية ما اروح التوكيل وركب فيوز مثلا 20 مكان 10 تعمل المشكلة دى ؟؟؟ ارجو الرد من الجميع الافاضل حتى لا تتكرر المشكلة مع احد لا قدر الله.

رد: الضفيرة ساحت وضربت والحمد لله العربية ماولعتش
 

من اخطر الاشياء خطورة تكبيير الامبير الخاص بالفيوز
مثلا عندك لمبة الصالون والكاسيت وهكذا الفيوز بتاعهم حوالى 10 امبير ورحت انت ركبت فيوز 20 امبير تخييل اية اللى هايحصل هتلاقى ان الدنيا باظت عندك والفيوز ماحصلوش حاجة فاكيد الامبير الزيادة يعمل كدة علشان المصنع بيعمل الاسلاك حسب استخدامة فى العربية وبيركبلة الفيوز المناسب لية على اساس يحافظ على الضفيرة اولا ثم يحافظ على الجهاز على ان يتم اصلاح المشكلة ولو حضرتك قريت اى كتالوج بتاع اى عربية هاتلاقية كاتب انك تغيير الفيوز بنفس القدرة ولو ضرب تانى يبقى فى عندك مشكلة ارجو ان اكون افدتك