سعر ماتركس لافيتا معاقين اتوماتك موديل فوق 2000
 

ممكن اسعار ماتريكس لافيتا اتوماتيك و مزايها و عيوبها لوسمحتم الرد سريعا
و هل جمارك اسكندرية ولا بورسعيد افضل الان و للعلم انا من اسكندرية بجوار المنطقه الحره
بس حابة اعرف ايهما افضل فى الاسعار

رد: سعر ماتركس لافيتا معاقين اتوماتك موديل فوق 2000
 

الافيتا سيارة ممتازة. اقدم موديل منها هو 2001 والاعلى فى سيارات المعاقين 2003. الاغلب بيكون 2001 و 2002. العربية بتيجى فول ابشن يعنى فيها زجاج كهرباء وفرامل ABS. الثمن يتراوح بين 38 الف و 42 الف حسب الحالة والموديل وإذا كانت اتوماتك أو مانيول. قطع الغيار متوفرة لانها شبة الماتركس بتاع غبور. افضل ما يميزها هو اتسعها وحجمها الممتاز فهى 4 متر فقط طويل وبهذا اقل 30 سنتى من الانوس و اقل 50 سنتى عن النوبيرا 2.

شوفى طبعا الجمرك عندك الاول لانى اسمع كثيرا ان اسكندريا السيارات فيها جيدة. مش متأكد ان فى فرق كبير فى الاسعار بين جمرك اسكندرية وبورسعيد. على العموم روحى شوفى المعروض الاول وشوفى رنج الاسعار كام وهو انتى عرفت رنج اسعار بورسعيد,,,

رد: سعر ماتركس لافيتا معاقين اتوماتك موديل فوق 2000
 

[QUOTE=tham1010;865324]الافيتا سيارة ممتازة. اقدم موديل منها هو 2001 والاعلى فى سيارات المعاقين 2003. الاغلب بيكون 2001 و 2002. العربية بتيجى فول ابشن يعنى فيها زجاج كهرباء وفرامل ABS. الثمن يتراوح بين 38 الف و 42 الف حسب الحالة والموديل وإذا كانت اتوماتك أو مانيول. قطع الغيار متوفرة لانها شبة الماتركس بتاع غبور. افضل ما يميزها هو اتسعها وحجمها الممتاز فهى 4 متر فقط طويل وبهذا اقل 30 سنتى من الانوس و اقل 50 سنتى عن النوبيرا 2.

شوفى طبعا الجمرك عندك الاول لانى اسمع كثيرا ان اسكندريا السيارات فيها جيدة. مش متأكد ان فى فرق كبير فى الاسعار بين جمرك اسكندرية وبورسعيد. على العموم روحى شوفى المعروض الاول وشوفى رنج الاسعار كام وهو انتى عرفت رنج اسعار بورسعيد,,,[/QUO
اشكر حضرتك على الرد و الاهتمام انا عرفت رنج الاسعار فى الاسكندرية بس
كنت محتاجة من حضرتك مشورة هلى الافيتا افضل ام النوبيرا 2 ام كيا شو ما من حيث قطع الغيار و الاعطال على فكرة انا جوابى هيدروماتك و لحضرتك جزيل الشكر

رد: سعر ماتركس لافيتا معاقين اتوماتك موديل فوق 2000
 

الافيتا افضل

رد: سعر ماتركس لافيتا معاقين اتوماتك موديل فوق 2000
 

النوبيرا 2 لو اوتوماتيك يبقي ابعدي عنها لكثره مشاكل الفتيس انما لو مانوال فهي افضلهم طبعا
الكيا شوما هتتعبي شويه في قطع الغيار مش متوفره زي النوبيرا نهائي
يبقي من وجهه نظري اللافيتا افضلهم لو ناويه فعلا علي الاوتو والعضو tham1010 هو اللي يفيدك اكتر في موضوع قطع الغيار لو هي هي قطع غيار الماتريكس يبقي توكلي علي الله :fun_36_3_11[1]:

رد: سعر ماتركس لافيتا معاقين اتوماتك موديل فوق 2000
 

حضرتك الافيتا حاليا فى بورسعيد مش هتقل عن 40 الف .. يعنى ممكن 42 او 43 او 45 وخصوصا انها اتوماتيك.. بس الحالات اللى بتيجى بتبقى غالبيتها زيرو .. وفى عربيات بتيجى بشويه اوبشنز زى الجنوط او يكون فيها كاسيت حلو كده ..

طبعا كركوبه الافيتا جميله واحسن من النوبيرا 2 (والنوبيرا 2 للعلم تبدا اسعارها من 30 الف الى 35 للحالة الشاذه) ..

انصح حضرتك تاخدى فكره فى بورسعيد مش هتخسرى حاجة بس حاولى تبعدى عن السماسره خالص وانا ممكن ادل حضرتك على كذا مكان تروحى عليه على طول علشان تلاقى طلبك باذن الله ...

بالنسبة للميزات الافيتا انها عربية عائلية وواسعه من جوه قعدتها تشبه الفان اكتر .. عيبها الكبييييييييير (من وجهه نظرى انا) هو التابلوه بتاعها .. انا شايف وجود العدادات فى نصف التابلوه ده شئ سخيف بالمره .. وقعده العربية اشبه بالميكروباص شويه واللى قاعدين جوه بيكونوا مكشوفين خالص للى بره لان الازاز مساحته كبيره اوى .. لكن دى مش عيوب ولكنها اذواق .. لكنها كعربية جميله جدا وناعمه ومريحه وصيانتها مفهاش اى مشكله .. ومتفرقش عن اى عربية كورى ..

يا اكون قدرت افيد حضرتك بالرد الكافى ...

تحت امرك يا فندم ..........

رد: سعر ماتركس لافيتا معاقين اتوماتك موديل فوق 2000
 

شاكرة لحضرتك جدا على الرد زوق حضرتك يا ريت لو حضرتك عندك حد يكون مضمون و بعيد عن السماسرة تفدنى و اكون شاكرة جدا لحضرتك و يا ريت بالرقام التليفونات لو امكن