|
مياه السوزوكي التو و حاجة غريبة أول مرة أشوفها
السلام عليكم و رحمة الله و بركاته
كنت امبارح بعمل صيانة للعربية عشان عملت 90,000 كم و أنا مبقتش أروح التوكيل من بعد 65,000 كم سوزوكي التو 2008 800 CC المهم واحد صحبي نصحني اني أنضف دورت المية ، نزلت الصبح أشوف المياه في القربة و إتفاجئت انها فاضية و مفيهاش نقطة مية ، مع العلم اني مكنتش بعمل check عليها عشان مكنتش بشتكي من أي حاجة غير طبيعية في تبريد العربية و مؤشر الحرارة اداؤه متغيرش من ساعة مجبت العربية من الزيرو و المروحة شغالة و بتفصل عادي يعني المهم رحت عند بنزينة كالتكس و قلتله عايز اغسل دورة المية و أغير المية (كان أمامي اختيارين : مياه خضراء سعودي ب 35 جنيه و مياه خضراء أميركي ب 65 جنيه و أنا اخترت الامريكي ) المهم الدورة إتغسلت و و غيرنا المياه (أخدت 5 لتر بالفاقد ) الغريب بقى اني لما روحت البيت و ركنت العربية ، فتحت أشوف القربة ، لاقتها برضه فاضية و برضه العربية مش بتسخن و مؤشر الحرارة و المروحة شغالين عادي و مفيش تغيير أنا مش عارف هو ده الاداء الطبيعي للعربية ولا فيه حاجة غريبة ؟ و هل المفروض أزود مية ولا إيه ؟ |
رد: مياه السوزوكي التو و حاجة غريبة أول مرة أشوفها
كدا فى تسريب
|
رد: مياه السوزوكي التو و حاجة غريبة أول مرة أشوفها
اية ياباشا الي انت فية :sd::sd:
فين تشيكك علي العربية زود مية تاني وخليك متابع لو بتنقص اكشف اين التسريب انت كدة ممكن تشيع المكنة وهيا لسة جديدة |
رد: مياه السوزوكي التو و حاجة غريبة أول مرة أشوفها
أخر الاخبار
امبارح واحد صحبي نصحني إني قبل ما أعمل أي حاجة لازم أعمل check إن دورة المياه مفيهاش هواء ، و ده عن طريق اني أنزل الصبح و العربية باردة ، أفتح القربة و أزود لحد Full ، و بعد كدا أدور العربية و أزود الرادياتير و هي دايرة و أفضل أزود بنزين و كل متنقص المياه ازود لحد لما المروحة تشتغل و تفصل المهم عملت كدا ذي ماهوا قاللي ، و قفلت الرادياتير و القربة المياه فيها كانت عند Full ، جه في بالي حاجة ، طب ليه مجربش اشغل التيكييف ؟؟؟ المهم شغلته و ببص على القربة لقيت المياه ابتدت تنقص فيها ، المهم زودت مياه تاني في القربة و وصلت في الأخر إن مستوى المية في القربة يبقى عند Full و التكييف شغال و لسة هجرب العربية المية هتنقص فيها تاني ولا لأ سؤالي بقى ، ليه مع التكييف العربية ابتدت تسحب من القربة ؟؟ حاجة أخيرة هو لو فيه تسريب في العربية بيبان و هي وقفة ولا لما تمشي ؟ سؤالي ده عشان العربية طول ماهية واقفة و مش دايرة المية مش بتنقص ، و بعد اللي عملته إلنهردة برضه مكنش فيه تسريب و هي دايرة عشان مخدتش مني مية تذكر يعني ، هو ذي ماقلت لما التكييف إشتغل مياه القربة ابتدت تنقص و أنا زودتها و سبتها دايرة بالتكييف و محصلش نقص في مياه القربة لحد مبطلتها و بالمناسبة الكلام ده أخد وقت طويل حوالي 45 دقيقة |
رد: مياه السوزوكي التو و حاجة غريبة أول مرة أشوفها
هو دورة التبريد فيها محبس لاخد الهوا ؟
حكاية تسريب يبان و هى واقفة او واقفة و دايرة او ماشية بيبقى على حسب مكان و طبيعة التسريب |
رد: مياه السوزوكي التو و حاجة غريبة أول مرة أشوفها
والله يا أستاذ أحمد أنا معنديش فكرة إذا كان فيها محبس لاخد الهواء ولا لأ
أنا بس سؤالي ، ليه لما شغلت التكييف ابتدت تسحب مياه من القربة ؟ |
رد: مياه السوزوكي التو و حاجة غريبة أول مرة أشوفها
اقتباس:
عموما تملى تابع الحرارة وياريت بلاش نسيب المية فى الردياتير بالكام سنة عشان حتى لو ميه خضرا أصلية لازم هتعمل املاح وتاكل فوش السلندر وحضرتك عارف مكونات العربيات الجديدة عمرها ماهتستحمل زى عربيات زمان فإجراء إحتياطى بنغير ميه الردياتير بالكامل مع غسيل دورة التبريد كل 6-8 شهور او كل موسم صيف شتا وإستخدم مياه موبيل الأصلية 80 ولو غالية هات الأمريكى 60 ولو غالى هات كولانت وطنية 35 ولو غالى هات مية خضرا ماتريكس جركن أخضر ب 15 جنيه 4 لتر تركيز 70%:23_10_13: تقبل مرورى |
| الساعة الآن 07:39 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017