أريد تركيب طاقم صوت وشاشة واشياء أخري
 

السلام عليكم ورحمة الله وبركاته

أريد تركيب طاقم صوت كامل عربيتي سكودا فليشيا
عاوز اركب سماعتين بيضاوي فى الخلف
وسماعتين دائري للابواب

ومحتار فى موضوع الكاسيت هل أركب كاسيت بس ولا اركب جي ام
أنا محتاج صوت نقي وعالي أحيانا

وبخصوص الشاشة عاوزها اللى بتركب فى الشماسة علشان مخالفات المرور

أو ياتري جيب كاسيت بشاشة

أرجو الافادة
بالنسبة للتكلفة عاوز حاجة فى حدود المعقول يعني اللليلة على بعضها ممكن 1500 جنية او أكتر المهم حاجة تكون كوييسة

بالنسبة لفرش العربية كويس ومعقول بس عندي الكراسي الامامية من الجناب مقطوعة قطع صغير ياتري ليها حل عندكم ولا أركب طقم كسوة جديد

كنت محتاج شوية إكسسوارات زي مثلاً
طقم ستاير كبس
طقم عراقات
كسوة جلد للارضية
لو استيكرات لعتب العربية

وكمان فرش للشنطة

أرجو الافادة أنا من سكان مدينة حلوان
ياتري أنسب فرع هوة باب اللوق ولا السيدة زينب
متابع بأهتمام
للتواصل
0120121641
أشكركم مقدما

رد: أريد تركيب طاقم صوت وشاشة واشياء أخري
 

سماعات كينوود بيضاوى 500 واط دبل بيز
وسماعتين دائرى كينوود عادية او دبل بيز
+ جى ام سونى اكسبلود 350 واط
لو مش عندك كاسيت هات السونى اللى بيشتغل بالفلاشة
والشاشة على حسب المتوافر لكن اعمل حسابك على أكتر من 1500
الجى ام ب 380 والكاسيت ب 600 والسماعات ب 470 بيضاوى و190 الدائرية
والله أعلم الشاشة بكام لكن هى بتبدأ من 160 جنيه

رد: أريد تركيب طاقم صوت وشاشة واشياء أخري
 

اشكرك على ردك السريع

إحنا ممكن السماعات الدائرية نركبها اى حاجة معقولة

أنا عندي طاقم سماعات بيضاوي وجي ام صغير
بس الحاجات دي صيني هل ممكن نستعين بحاجة منهم لخفض التكلفة

وكمان الكاسيت اللى موجود بيونير بس قديم اللى بيشغل شرايط
ومفيهوش فلاشة أو AUX

وكمان عندي سماعتين سوني دائري حاولت اركبهم فى الابواب بس طلعت السماعات مقاسها كبير

رد: أريد تركيب طاقم صوت وشاشة واشياء أخري
 

رد: أريد تركيب طاقم صوت وشاشة واشياء أخري
 

طالما عندك الكاسيت الجى ام ب 380 جنيه من العتبة فى محل جنب راديو طلعت وبكده توفر تمن الكاسيت طالما هو بايونيير أصلى
هتلاقى كمان السماعات الكينوود التايلاندى بسعر حلو برضو :fun_36_3_11[1]:

رد: أريد تركيب طاقم صوت وشاشة واشياء أخري
 

السلام عليكم
افضل محل لاجهزة الانذار و كاسيت السيارة والسماعات وبكل مشتملاتهم وتركيبهم وبالضمان ولو حصل لهم اى شئ بعد فترة الضمان عندة مركز صيانة معتمد للتصليح بسعر كويس جدا وانا مجربة وعندة صنايعى اسمة ايهاب دة صنيعى هائل جدا وبيفهم ونضيف اوى
المحل اسمة كلاريون فى سانت فاتيما 155 شارع النزهة وتليفون المحل 26379396//26379392
اما الستائروالعراقات ممكن سبير كار كويس بس انا ما جربتهمش أنا كلاريون اتعاملت معاة وعرفهم وعارف شغلهم وبالتوفيق
تحياتى

رد: أريد تركيب طاقم صوت وشاشة واشياء أخري
 

أشكركم على المشاركة

وبالمناسبة معروض عليا كاسيت بيونير دوبل موديل pioneer fh p-4400 سدي دي وشريط
ومدخل AUX أنا مجربتوش بس شكلة قديم مفكوك من عربية لاند كروزر

هحاول اجربة لو طلع كويس يمكن ينفع