استشارة فنية لسيارة باسات مستعملة 2008
 

السلام عليكم :
اعضاء المنتدي الكرام وخصوصا قسم الفولكس واجن,
انا كان لي صديق عاوز يشتري سيارة باسات , وفعلا توجهنا لسوق السيارات في مدينة نصر يوم الجمعة السابق , ووجدنا عدة سيارات اغلبهم كانوا 2007 الي 2008 ويتراوح عداد الكيلومترات من 60000 الي 200000 , واستقرينا علي سيارة باسات 2008 سوداء اللون فئة اولي
كان مطلوب فيها 158000 , واستقرينا علي 150000 في النهاية .
وتوجهنا لمركز خدمة وفحص كان في بنزينة وطنية وتم الكشف علي السيارة بجهاز كومبيوتر وكانت النتائج كالاتي :
- تغير تيل وطنابير للأربع فرد.
-حساس هواء (مش عارف ايه ده).
- كارتيرة زيت واخده خبطة وعاوزة تتغير (برده مش عارف أي ده هيا كانت حاجة كده تحت الموتور علي اليمين او الشمال مش فاكر ).
- طقم مساعدين امامي .
-الكلاس متغير بواحد مش اصلي .
- بكرة الانوار متغيرة بواحدة مش اصلية .
-زيت الفتيس عاوز يتغير عشان مش اصلي .

مش فاكر كان في حاجة تاني ولا لأ .
بس صاحبها هوا المالك الثاني ليها من 2011 حتي الان .

انا مش خبير في الباسات او أي حاجة تاني الصراحة .
بس استفسراتي عن الاتي :

-1 الفتيس dsg ايه مشاكله وعيوب وازاي اعرفها . هي كانت بتنتش في النقلة الاولي تقربيا اثناء التجربية .
2- الموتور fsi 1600 cc , لازم بنزين 95 ولا لأ . وصحابها بيقول انوا غير حاجة كده في التوكيل خلها 92 بس لازم يكون نظيف ( مسكت نفسي بالعافية اني مقولوش ان نظيف في طرة محبوس عشان الجو العام ميتعكرش صفوة)حلوة صفوة ديه.
3- بوجه العموم ايه الي ممكن اكشف عليه علي أي عربية باسات .

شكرا مقدما واسف للإطالة.

رد: استشارة فنية لسيارة باسات مستعملة 2008
 

بلاش منها خالص .. العربيات الالمانى يتقبى كسر زيرو يبلاش لان قطع الغيار ناار يعنى مثلا المساعدين الماميان اعتقد الواحد الاصلى مش حايقل عن 2000 للمساعد الواحد .. اعتقد ان العربية حتعوز تقريبا 10000 "انا مش خبير اوى فى الاسعر " كمان لو تجيب قطع غيار اصلى
اما بالنسبة للفتيس انا غيرت بلف الفتيس " BODY VAVE" ب14 الف لعربيتى سكودا A5
الموتور FSI اعتقد بياخد 92و 90
150000 مبلف محترم و حرام من وجه نظرى تجيب بيه حاجة مستعملة تقرفك بعد جدة

رد: استشارة فنية لسيارة باسات مستعملة 2008
 

عزيزي

سيارةالمانية وممتعة بالقيادة والتقنية لكن تحتاج الى مصروف وهذة تحتاج الى صيانة في التوكيل

وخصوصا انت تحتاج الى تغيير فوري لزيت وفلتر الفيتس

حساس الهواء او Air Mass Miter سعرة مكلف وهو المسؤل عن كمية الهواء الداخلة للمحرك

السيارة تحتاج الىى صيانة مكلفة

المبلغ 150000 ملبغ كبير ارى ممكن يشتري سيارة اسبرانزا تيكو 2000 سي سي اتوماتيك

زيرو افضل منها ويبقى مبلغ عندة

بالنسبة للبنزين محرك FSI 2000 سي سي مشى مع بنزين غير معروف نوع الاوكتين

بس كا يضاف لة محسن ولاتوجد مشاكل

تحياتي

سيف

العراق

رد: استشارة فنية لسيارة باسات مستعملة 2008
 

عزيزي

سبب تلف BODY VAVE هو عدم تغيير زيت الفيتس مع الفلتر اذا يغيير الفلتر

يجب تغيير زيت الفيتس كل 20000 كم ويكون الزيت حسب مواصفات الشركة المصنعة للسيارة

فان BODY VAVE لن يتلف ابدا

الشيء الثاني للمحافظة على BODY VAVE هو ططريقة القيادة الصحيحة للسيارة

تحياتي

سيف

العراق

رد: استشارة فنية لسيارة باسات مستعملة 2008
 

خليه يشتري عربيه جديده بالمبلغ ده احسن بكتير من انه يجيب عربيه بقالها 5 سنين وبدات تطلب قطع غيار وقطع غيار الالمانى غالي

رد: استشارة فنية لسيارة باسات مستعملة 2008
 

1- السعر غالي على الشغل اللي حيحصل فيها (يعني سعرها المعقول حوالي 135000)
2- ناقل الحركة في 2008 عادي مش DSG
3- المحرك ال 1600 لازم بنزين 95
4- ب 150 الف ممكن تجيب موديل 2010 حالتها كويسة جدا

رد: استشارة فنية لسيارة باسات مستعملة 2008
 

بالنسبة لنقطة ان المحرك بيحتاج بنزين 95 . هوا قال ده فعلا بس هوا اضاف انوا عمل حاجة في التوكيل حولها من 95 الي 92 . فنا مش متأكد من الكلام ده .

بالنسبة للفتيس جايز اكون غلطان . وبفرض طلع dsg هل فيه مشاكل في النوع ده . ولو عادي برده ايه مشاكله

شكرا جزيلا لكل الأعضاء الكرام