مصر موتورز مجتمع السيارات - لو عايز اعمل رخصة درجة تالتة اعمل ايه؟

اقتباس:

المشاركة الأصلية كتبت بواسطة محمدحسن الغالى (المشاركة 861968)

انا من محافظة الشرقيه وكنت طلعت رخصه خاصه من مرور الدقى جيزه وعايز انقلها للمحافظه بتاعتى فاعمل ايه ؟؟ ولوعايز اعمل رخصه تالته اعمل ايه انا سمعت انى ممكن اروح اسلم الرخصه الخاصه وادفع فلوس نقابه وتامين وكل مصاريف التالته واعمل كمسيون واستلم التالته فهل ده صحيح ارجوكم ساعدونى

أخى العزيز .. لا داعى لنقل الرخصة الخاصة إلى مرور الشرقية لأنك لن تستفيد شئ من نقلها ..الشرقية مثل الجيزة فهذه ليست رخصة سيارة ..
ثانيا / بالنسبة للرخصة المهنية ..تنسى خالص الرخصة الخاصة وتحطها فى جيبك وهقولك تعمل إيه:
1- تعمل فيش جنائى ( صحيفة الحالة الجنائية )
2- تعمل إشتراك فى نقابة السائقين لوكنت هتشتغل سائق أو أى نقابة تانية حسب نوع شغلك
3- تجيب أصل المؤهل بتاعك - أو إستمارة الإعدادية - أو شهادة محو الأمية حسب حالتك
4- تجيب أصل شهادة الخدمة العسكرية أو شهادة إعفاء نهائى
5- لو كنت موظف فى جهة حكومية لازم تجيب موافقة من جهة عملك
6- عدد3 صور شخصية + صورة البطاقة واهم شئ يكون سنك مش أقل من 21 سنة
7- تاخد كل ما سبق وتروح المرور وتقدم على رخصة مهنية وهناك هياخدوا منك الورق ويحددوا ميعاد للقومسيون الطبى ..تروح فى الميعاد وتكشف وبعد إسبوع تروح المرور تشوف النتيجة وبعدها يحددوا ميعاد إختبار الكمبيوتر وإختبار القيادة ..وبعد النجاح فى الإختبارات هتاخد تصريح بـ 3 شهور لغاية ما تروح تدفع التأمينات وبعدها تاخد رخصة 3سنوات ...
النصيحة الأخيرة ..هى إنك تروح تشترك فى مدرسة تعليم القيادة التابعة للمرور وتدفع الرسوم لأنها بتسهل كتير فى إستخراج الرخصة لو كنت مش واثق من نفسك فى إجتياز الإختبارات بسهولة ..والله الموفق