مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   سؤال فى هيونداى النترا 2012 (https://www.masrmotors.com/vb/showthread.php?t=110560)

Abo malak 88 19-03-2013 04:27 AM
سؤال فى هيونداى النترا 2012
 
السلام عليكم ورحمه الله وبركاته
اولا انا معايا هيونداى النترا 2012 ماشيه 7 الاف
ما عملتش صيانه غير على الف كيلو وغيرت زيت 10 الاف
المشكله العربيه حاسس ان صوتها على شويه وسحبها بقى ضعيف الى حد ما
مع العلم ان ما نظفتش الموتور خالص ولا الفلاتر وبصراحه ما عنديش خبره ف الكلام ده
العربيه بتسخن مع انها مش بتمشى كتير
اعمل ايه يخلى السحب يرجع زى الاول وهل اغير نوع الزيت يعنى بلاش 10 الاف

احمد على 1999 19-03-2013 10:08 PM
رد: سؤال لخبراء العربيات ارجو المساعده
 
بتسخن ازاى ؟

eng/walaaeldeen 19-03-2013 10:16 PM
رد: سؤال لخبراء العربيات ارجو المساعده
 
السلام عليكم
هي العربيه مانوال ولا اوتوماتيك
لو اوتوماتيك راجع على زيت الفتيس وفلتر زيت الفتيس
لو مانوال راجع علي ظبط لجلاش الدبرياج
والله المستعان

حمدى مخترع مانيوال بدون د 21-03-2013 06:33 PM
رد: سؤال لخبراء العربيات ارجو المساعده
 
البجوهات الى فيها لو بتاعت الزيرو غيرها الى ان جى كى الاصلى ابو صامولة سابتة ب55 جنيه وخدها مشوار طويل 30ك مثلاا ما تجبش الخامس امشى عالربع فقط على سرعة90 ك هتحس بفرق جامد وادعيلى وما تقلش السر ده لحد ههههAHLNWSHALNAHLNWSHALN

Abo malak 88 23-03-2013 10:45 AM
رد: سؤال لخبراء العربيات ارجو المساعده
 
اولا . شكرا للاساتذه اللى ردو الاستاذ حمدى مخترع مانيوال بدون د متشكر جدا هانفذ واقولك
الاستاذ .eng/walaaeldeen انا مغيرتش اى حاجه ف العربيه وخايف اروح لحد مش فاهم خصوصا ف الفتيس
الاستاذ احمد على . العربيه ممكن تقف ف الجراش يوم او اتنين ولما ادور واسخنها واروح مشوار صغبر جدا افتح الكبوت الاقى سخونيه جامده

memodina1 23-03-2013 09:39 PM
رد: سؤال لخبراء العربيات ارجو المساعده
 
اقتباس:
المشاركة الأصلية كتبت بواسطة Abo malak 88 (المشاركة 863382)
اولا . شكرا للاساتذه اللى ردو الاستاذ حمدى مخترع مانيوال بدون د متشكر جدا هانفذ واقولك
الاستاذ .eng/walaaeldeen انا مغيرتش اى حاجه ف العربيه وخايف اروح لحد مش فاهم خصوصا ف الفتيس
الاستاذ احمد على . العربيه ممكن تقف ف الجراش يوم او اتنين ولما ادور واسخنها واروح مشوار صغبر جدا افتح الكبوت الاقى سخونيه جامده
بص يا فندم اولا موضوع السخونة انت بتقول افتح الكبوت الاقى سخونة
طيب حضرتك ما دا طبيعى جدا مجرد خمس دقايق قادريين على جعل الماتور سخن ووصول درجة الحرارة لمعدلها الطبيعى لسخونة المحرك ولكن معدل الحرارة الطبيعى للماتور بالنسبة لينا بتحسن انى الجو ناااار طيب نطمن ازاى انى الحرارة مظبوطة بص على مؤشر الحرارة اللى فى التابلوة لو طيبعى وفى المنتصف يبقى تمام لكن لو بيعدى عن كدة يبقى هنا تقول العربية بتسخن مش مجرد الكبوت سخن تقول انى العربية تسخن

تانى حاجة مع احترامى للجميع البوجيهات انت بتقول ماشى 7000 كيلو يبقى ملهاش لزمة تتغير وحتى لو عايز تغيرها هات بتوع العربية الاصلى ومتجبش اى نوع تانى

الافضل ليك حاليا تنزل الزيت وتغيرة ب شيل 5000 وتغير فلتر الزيت واهم حاجة طبعا تغيير فلتر البنزين ونظف فلتر الهواء كويس فى البنزينة والكبوت ابقى خلى البنزينة تنظفة بالهواء فقط لازالة الاتربة منة وجرب وتوكل على الله ومتقلقش من سخونةالكبوت اى عربية هتلاقيها سخنة طبيعى جدا
طالما المؤشر الحرارة مظبوط


الساعة الآن 08:00 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017