مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مصر بايكرز (https://www.masrmotors.com/vb/forumdisplay.php?f=146)
-   -   سؤال عن الفيسبا الكريستاله (https://www.masrmotors.com/vb/showthread.php?t=110509)

باسم تيجو 18-03-2013 04:06 AM
سؤال عن الفيسبا الكريستاله
 
عاوز اعرف اكتر عن الفرق مابين الاسبيدي والكريستاله ويعني ايه بستم ويعني ايه صباب واني افضل برضوا لو حد يقدر يفيدني اكون شاكر ليه لاني ناوي انزل اشتري اليومين الي جايين فيسبا وعاوز اجمع معلومات قبل ما اجيب علشان استقر علي اني نوع .
وربنا يوفقني في حد يعرف يفيدني

mohamedgp 19-03-2013 12:37 PM
رد: سؤال عن الفيسبا الكريستاله
 
تقريبا الاتنين على صباب الفرق فى الفلاشرات كريستال ولو ركزت فى باغة الفانوس هتلاقيها غير بتاعت الاى جى وكمان فيها شنطه ورا ودواسة حريمى من الجنب ومرايات وامبير للبنزين يعنى الفرق اكسسوار بس قرايبى شغالين فيها بيقولو ان فى فرق فى الشاسيه يعنى الاكسبرس امتن فى الخامات من الاى جى

كومندا 19-03-2013 12:54 PM
رد: سؤال عن الفيسبا الكريستاله
 
اقتباس:
المشاركة الأصلية كتبت بواسطة mohamedgp (المشاركة 861960)
تقريبا الاتنين على صباب الفرق فى الفلاشرات كريستال ولو ركزت فى باغة الفانوس هتلاقيها غير بتاعت الاى جى وكمان فيها شنطه ورا ودواسة حريمى من الجنب ومرايات وامبير للبنزين يعنى الفرق اكسسوار بس قرايبى شغالين فيها بيقولو ان فى فرق فى الشاسيه يعنى الاكسبرس امتن فى الخامات من الاى جى
كلام سليم ولكن مفيش فرق فى الشاسيه بين الاكسبريس اللى هيه الكرستاله يعنى والاي جى الاتنين واحد
الاسبيد اللى كانت بتنزل الاول لحد 2010 هيه اللى تفرق عنهم ان صاجها تقيل عنهم
لكن الاكسبريس والاى جى الاتنين واحد فرق الكمليات بس
زى ما فى عربيات فاضيه وعربيات فول اوبيشن
هات الاى جى ودلعها انته على مزاجك بالفرق اللى بنهم


باسم تيجو 21-03-2013 03:46 AM
رد: سؤال عن الفيسبا الكريستاله
 
كوماندا ومحمد شكرا جدا ليكوا ربنا يسهل بس هي تيجي وانا ادلعها
طيب هبقي رخم معاكو شويه لو انا هرخصها سنة وهعمل رخصه دراجه بخارية ليا انا هروح معايا في حدود كام كده ولو حد يعرف الورق المطلوب يبقي زي الفل :)

كومندا 22-03-2013 08:20 PM
رد: سؤال عن الفيسبا الكريستاله
 
ترخيص الفسبا سنه +رخصة قياده دراجه ناريه ليك الاتنين فى حدود 250الى 300
فى حاجه نسيت اقولك عليها
شكمان الاى جى صوته اعلا من شكمان الاكسبريس
بس انته ممكن تشترى شكمان الاكسبريس ب130 جنيه وتركبه وفى منه انواع من اول 80 جنيه

باسم تيجو 23-03-2013 02:59 AM
رد: سؤال عن الفيسبا الكريستاله
 
ربنا يخليك يا باشا وشكرا ع الرد انا ربنا كرمني وبخلص اهه في شرا الكريستاله وفي خلال الشهر الي جاي بعد ما تيجي ناوي اركب لها عده صوت بس تكون حاجه كويسه وفي نفس الوقت سعرها حنين لو تقدر تقولي ع حاجه زي كده ماركتها ايه او كام وات او كده يبقي زي الفل جدا وابقي تقلت عليكم موووت :)

كومندا 23-03-2013 12:41 PM
رد: سؤال عن الفيسبا الكريستاله
 
والله ياباشا لو اعرف مش هتاخر عنك بس انا مليش فى عدد الصوت
بس بما انك هتركب عدة صوت يعنى هتركب بطاريه يبقا ركب انزار كمان بالمره
اهو امان ومش غالى بيعمل حوالى 65 جنيه
وهات بطاريه جافه والامبير بتاعها عالى عشان متريحش منك كل شويه


الساعة الآن 08:01 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017