|
مقبل على صيانة 30000 كم و محتار أروح التوكيل ولا لأ
السلام عليكم و رحمة الله و بركاته
دلوقتي يا جماعة أنا أمامي 3 اسابيع و أعمل صيانة 30000 كم ، و بيني و بينكم أنا من اللي شفته في صيانة 25000 km كنت حالف ما أروح فرع القطامية دة تاني بس دلوقتي أنا رجعت أفكر ، طب أنا لو عملتها برة التوكيل هطلع من الضمان ، و كمان الصيانة المرة ديه مفيهاش غير تغيير زيت و فلتر بس و ممكن تيل فرامل بس أرجع و أقول و أنا إيه يضمنلي إن العربية تطلع ذي ما دخلت (تطلع أسوأ يعني أو فيها عيب مكنتش داخلة به ) و ميحصلش ذي ما حصل في الصيانة اللي فاتت على الرغم من ان استاذة داليا كانت موصية عليا Byd عربية أتقن الصينيون صناعتها و فشل المصريون (توكيل القطامية ) في صيانتها http://www.masrmotors.com/vb/showthread.php?t=104575 بجد أنا محتاااااااااااااااااااااا اااااااار و هتجنن مش عارف أعمل إيه |
رد: مقبل على صيانة 30000 كم و محتار أروح التوكيل ولا لأ
ماحدش هاينصحك تسيب التوكيل عشان خسارة الضمان
انت لو متضرر يبقى سيب التوكيل |
رد: مقبل على صيانة 30000 كم و محتار أروح التوكيل ولا لأ
أنا مع حضرتك ، بس هي الفكرة إن إحتمال الضرر مش أكيد يعني ممكن تعدي على خير و خصوصاً إن دة تغيير زيت و فلتر بس ،
هقولك مثلاً على حاجة حصلت الصيانة اللي فاتت ، العربية و العامل بيفك العجل خدش الجنط و لما سألته رد عليا و قاللي يا باشا دة عادي ممكن تحصل احنا بنتعامل في حاجات ميكانيكا و دة عادي إنه يحصل اللي أقصده من الموقف دة ، إن دة ملوش دعوة بطبيعة الصيانة ، سواء كبيرة أو صغيرة |
رد: مقبل على صيانة 30000 كم و محتار أروح التوكيل ولا لأ
نصيحة لوجه الله لا تترك الضمان ولكن قم بشراء قطع غيار افضل من السوق - مثلا لا تركب البوجيهات من التوكيل حيث انهم يقومون بتركيب بوجيهات الادا الخاصة بموتور بالكربراتير وليس لموتور الانجكشن والافضل شراء بوجيهات ngk الياباني الاصلي من التوكيل بالمعادي - كذلك لا تشتري تيل الفرامل من التوكيل لان جودتها سيئة وتأكل الطنابير بل قم بشراء نوع كوري بعلبة زرقاء ((( اتش كيو))) - لكن قم بالتركيب فالتوكيل
|
رد: مقبل على صيانة 30000 كم و محتار أروح التوكيل ولا لأ
اقتباس:
رأى حضرتك يحترم .. ولكن التوكيل هايرفض يركب التيل اللى جاى من برة(وهايقول لة انا عندى التيل) :01FDAB~189: |
رد: مقبل على صيانة 30000 كم و محتار أروح التوكيل ولا لأ
أنا بقى ليا رأى مختلف عن كل الزملاء اللى شاركوا
أنا رأيى توكل على الله وإعمل الصيانه بره التوكيل وده للأسباب الآتية 1. من خلال 6 زيارات ليا فى التوكيل إكتشفت إنهم بيتعلموا فى العربية ولا ليهم أى ميزة ف التعامل 2. إحتفاظك بالضمان ليس له أى معنى لأن عند حدوث مشكله هيكون حضرتك السبب من وجهه نظر التوكيل حتى لو ماليكش فيها خالص (هديلك مثال صغير أنا عوامة البنزين عندى بتقرا غلط من 17 ألف كم ودى طبعا مافيهاش أى شبهة سوء إستخدام منى خالص راحوا البهوات بتوع التوكيل طلعونى حط بنزين بتراب من النوع الردئ وعملولى توصية بتفريغ 50 لتر بنزين وغسل التنك - ماذا وإلا تبقى مصر تمشى فى نفس السكة الغلط) وفى الآخر بوظوا العوامة زيادة عن ما كانت لدرجة العربية بقت تقطع بنزين والمؤشر على النص 3. الصيانة مهما كانت تافهة هتدفع فيها مش أقل من 80 جنيه زيادة عن برة مابين مصنعيات وضريبة وطبعا الرقم ده لوجمعتوا على بعضة مرة على مرة حتى لو حاجه باظت وغيرتها هتبقى موفر تمنها مسبقا (مثال عندى العوامة بالطرمبة ب400 جنيه لو أنا وفرت التوكيل 5 مرات كنت لميتهم وجبت واحده ووفرت لمشاوير رايح جاى والقعدة 7 ساعات عشان أغير زيت) 4. جميع من معة العربية تم توصيته بتغيير تيل وطمبورة على ما لا يزيد عن 25 - 30 ألف كم وده معناه إن التيل نوعة سئ جدا جدا وإصرارك على التغيير فى التوكيل معناه إن دى هتبقى عاده عند حضرتك تغيير تيل وطمبورة وده مبيحصلس فى أى عربية تانية حتى الفيات التعبانة (تغيير الطنابير ممكن تصادفة مره كل 7 - 10 سنوات) إذن الخلاصة وفر فلوسك ووقتك وإمل شغلك صح برة مرة واحده وإعفى نفسك من حرقة الدم بتاعت إن أى حاجه هتبوظ عندك هتبقى ضمانها آخرة قبل الرقم إللى حضرتك عاملة ب5 آلاف كم ودى خبرة لناس قالوا الكلام ده إن معرفش إيه ده ضمانه 20 بس وده ضمانه 30 بس وهكذا وممكن برضة حد من إللى إتعرض للمواقف دى يفيدنا برأيه مرة تانية فى الموضوع ده وأخيرا أنا قبل منصحك بكده بدأت بنفسى وعملا صيانه ال25 برة وإشتريت دماغى ووفرت فلوسى |
رد: مقبل على صيانة 30000 كم و محتار أروح التوكيل ولا لأ
بصراحة انا اكتر حاجة بحبها اني اعمل الصيانة لوحدي وخصوصا لما يكون التوكيل سئ زي توكيل البي واي دي
وثانيا متخفش من موضوع الضمان انا عمري ما سمعت ان في عيب صناعة خطير ظهر في الاف ثري واي حاجة تظهر حلها سهل جدا |
| الساعة الآن 12:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017