سؤال فى كمبيوتر رحلات اللوجان
 

يا جماعة فى حاجتين فى كمبيوتر الرحلات مش فاهمهم واحد فيهم بيبقى الكيلومترات المقطوعة منذ تصفير العداد لكن انا مش عارف مين فيهم و التانى يبقى ايه
دى صورة لكل الاوبشنات بتاعة الكمبيوتر و كاتب على الاتنين اللى متلخبط بينهم 3 و 4
http://www.mostafabadawy.com/logan-trip.jpg

http://mostafabadawy.com/logan-trip.jpg

رد: سؤال فى كمبيوتر رحلات اللوجان
 

معقولة ملاك اللوجان مش عارفين الاجابة
ولا السؤال صعب

رد: سؤال فى كمبيوتر رحلات اللوجان
 

3 المسافة المقطوعة (كيلومتر) بعد آخر تفويلة
4 المسافة المقطوعة بعد تصفير العداد

رد: سؤال فى كمبيوتر رحلات اللوجان
 

شكرا استاذ جيمى الف شكر

رد: سؤال فى كمبيوتر رحلات اللوجان
 

كلام الاخ damdam41 مضبوط 100%

رد: سؤال فى كمبيوتر رحلات اللوجان
 

بص يا باشا .. انا افهمك ..

رقم 4 ده زى اى عربية تانيه .. ده عداد الرحلات اللى بيتصفر بزرار فى اى عربية تانيه .. وملهوش علاقه بالحسابات بتاعت الكمبيوتر ..

اما رقم 3 ده بيعد بعد اخر مره تصفر فيها الكمبيوتر ..

يعنى نفترض مثلا انت طالع سفريه .. ممكن وانت لسه تحت بيتك تجيب اى وظيفه من وظايف الكمبيوتر وتدوس زرار التصفير .. وبكده كل شئ بيتصفر (عدد اللترات المستخدمه - استهلاك البنزين - متوسط السرعه - وطبعا عداد مسافه الرحله رقم3) ..

اتمنى اكون قدرت افهم حضرتك ..

بالمناسبه حاجة كده فوق البيعه ههههههه

فى طريقه لمعرفه عدد اللترات الموجوده فى تنك البنزين ..

وانت طافى العربيه والكونتاكت دوس على زرار تصفير الكمبيوتر وخليك دايس وافتح كونتاكت ..

هتلاخظ حركه عدادات السرعه و الـ RPM وهيظهر رموز على الشاشه (كل حاجة فيها هتنور) .. متقلقش ده طبيعى .. دوس بقى على زرار الكمبيوتر اللى فى دراع المساحات .. هتلاقيه جابلك عدد اللترات اللى فى التنك ..

الموضوع ده قليل جدا من ملاك اللوجان اللى يعرفوه .. متقولش بقى لحد :fun_Whispering: هههههههههههه