مطلوب موتور هيمي 6.1 مع كل وحدات التغذية
 

محتاج الموتور دة مع وحدات التغذية فتيس وكهرباء و ياريت السعر كمان علشان اكون على نور

رد: مطلوب موتور هيمي 6.1 مع كل وحدات التغذية
 

الحاجات ديه نادرة ومحتاجة تدويييييييييير

رد: مطلوب موتور هيمي 6.1 مع كل وحدات التغذية
 

أكيد محتاجة تدوير وبيني وبينك انا اعلنتها هنا في المنتدي على اساس عاوز طريقة أسهل من أني استورد الحاجة بنفسي لو فية حد بيستورد الحاجت دي او حتى بيستورد انواع تانية وينفع نوصية يبقي عشرة على عشرة ونعرف التكاليف كام

رد: مطلوب موتور هيمي 6.1 مع كل وحدات التغذية
 

فية أمل يا شباب

رد: مطلوب موتور هيمي 6.1 مع كل وحدات التغذية
 

صعب اوى يا باشا .. اعتقد طلب زى ده لازم ييجى اوردر مخصوص ليك .. تقدر تنزل للناس بتوع الامريكى وتسالهم ايه النظام .. وممكن تنزل بورسعيد تسال التجار المستوردين هناك وتتفق مع حد يجيبهولك ...

رد: مطلوب موتور هيمي 6.1 مع كل وحدات التغذية
 

انا ممكن اجيبة من الخليج بس حالات المواتير هناك بتكون على اخرها بتكون وحشة بجد وانا كمان خايف من التكاليف عاوز اعرف الميزانية هتكون عاملة ازاي علشان انا بعمل مشروع تطوير عربية مصرية 4*4
ودة أحسن موتور وفتيس نزل على فور باي فور وأخد اكبر جوايز عالمية لعدة سنوات

رد: مطلوب موتور هيمي 6.1 مع كل وحدات التغذية
 

ربنا يوفقك ....
و لو معندكش مانع ... ممكن حضرتك تشركنا معاك نتعلم منك .... و اكيد حتلاقى شوية خبرات ممكن تساعدك
و اكيد برضوا حتلاقى شوية مهتمين بالدفع الرباعى ( زى العبد لله ) :waving:

فيه واحد فى مدخل مدينة بورسعيد اسمه خليل .... ده الوحيد الى شفته فى بورسعيد عنده عربيات امريكانى بيبيع انصاص و مواتير ... جيب و دودج ... و مشفتش حد خالص فى عمارات بنك الاسكان بيشتغل فى الامريكانى

الحرفيين فيها ناس كتير بتشتغل فى الشيروكى و الجراند ..... بس .... و فيها واحد او اتنين بيشتغلوا فى الجى ام

فيه عند حضرتك شبين الكوم ... حاجات البليزر و الفان القديمة و كمان دمنهور

يقال ان الوكالة فيها حاجات للجيب .... بس انا معرفش عنها حاجة

لو حضرتك لم تجد الموتور ده ... انا ارشح لحضرتك المواتير القديمة شوية ( اعذرنى ... انا بحب الحاجات القديمة ) موتور الجى ام يوكن الهاف انجكشن .... سمعت من اكتر من واحد انه موتور اعطاله قليلة و عمره طويل و استهلاكه للبنزين احسن من المواتير الكربراتير
موتور التويوتا اللاند كروزر ..... 8 سلندر او 6 سلندر ... مواتير محترمة جدا جدا ... بس عيبها ان سعرها غالى

مواتير الديزل
بصفة عامة ..... افضل مواتير تصلح للدفع الرباعى .... خدمة شاقة .. تحمل عالى .. اعطال اقل
عندك موتور الجى ام ( او الكامنز ) الديزل ... 8 سلندر .. سعر الموتور بالفتيس الاوتوماتيك قرابة 8 الاف جنيه !!!
بس عيبه ندرة قطع غياره .....
عندك كمان مواتير الايسوزو الجامبو ... بس مزعج جدا
انا حبيت بس ادردش معاك ... علشان قلما اجد حد بيتكلم عن موتور اعلى من 1600 .. و كمان امريكانى !!!
انا معرفش حاجة عن الموتور الهيمى ده غير انه راكب فى العربيات الجديدة و انه بيوفر بنزين
ربنا يوفقك