مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى السيارات العام (https://www.masrmotors.com/vb/forumdisplay.php?f=2)
-   -   ساعدونى قدامى سيارة هوندا سيفيك موديل 1984 (https://www.masrmotors.com/vb/showthread.php?t=110289)

mahmoudelmasry2016 13-03-2013 09:56 PM
ساعدونى قدامى سيارة هوندا سيفيك موديل 1984
 
قدامى سيارة هوندا سيفيك موديل 1984 صاحبها كاتب فى الاعلان ايه .....مجددة دوكو وسمكرة وفتيس جديد واتصلت قالى عربية حالتها كويسة بس راشة دواخل وخوارج قالى عشان البارومة وكدا وقالى سعرها 18 الف فعايز اخد رايكوا فيها مع العلم انه قالى باردو عايزلها حاجة ف العفشة كدا بس قال بسيطة عادى فا مش عارف اعمل ايه دالوقتى ومحتاااااااار بجد وخصوصا انه شكلها حلو تشبه الشاهين كدا ولونها دهبى وعجبتنى وموتور 1500 سى سى فا أرجوكم ادونى ارائكو وتنصحوا بأيه

mahmoudelmasry2016 13-03-2013 10:12 PM
رد: شباااااااااااب ضرورى ساعدونى
 
؟؟؟؟؟؟؟؟؟؟؟؟؟؟؟؟؟؟؟

AbOnOrA 13-03-2013 10:35 PM
رد: شباااااااااااب ضرورى ساعدونى
 
بص هى اى حاجة راشة دواخل تخوف والمفروض تكشف عليها عند سمكرى كمان مش ميكانيكى بس علشان يفيدك عن حالة الدواخل وخد بالك لما تيجى تبيع برضو هتقابلك نفس المشكلة واللى هيجى يشترى هيبقى خايف منها علشان راشة دواخل فاحسبها كويس واذا توكلت على الله وقررت تجيبها لازم تكشف عليها زى ما قولتلك وتعرف محتاجة مصاريف قد ايه وتبقى عامل حسابك متشتريهاش بكل الفلوس اللى معاك ويبقى معاك فلوس لاى مصاريف تحتاجها والا هتزهق منها ومن حياتك كلها لو فتحت بقها وممعاكش فلوس تصلحها ومش عارف تبيعها

more13 13-03-2013 11:15 PM
رد: شباااااااااااب ضرورى ساعدونى
 
اقتباس:
المشاركة الأصلية كتبت بواسطة mahmoudelmasry2016 (المشاركة 859562)
قدامى سيارة هوندا سيفيك موديل 1984 صاحبها كاتب فى الاعلان ايه .....مجددة دوكو وسمكرة وفتيس جديد واتصلت قالى عربية حالتها كويسة بس راشة دواخل وخوارج قالى عشان البارومة وكدا وقالى سعرها 18 الف فعايز اخد رايكوا فيها مع العلم انه قالى باردو عايزلها حاجة ف العفشة كدا بس قال بسيطة عادى فا مش عارف اعمل ايه دالوقتى ومحتاااااااار بجد وخصوصا انه شكلها حلو تشبه الشاهين كدا ولونها دهبى وعجبتنى وموتور 1500 سى سى فا أرجوكم ادونى ارائكو وتنصحوا بأيه
من خبرتى فى اللف والدوران على عربية مستعملة اقدر اقولك ان الهوندا سيفك الموديلات القديمة صعبة فى البيع وقطع غيارها كتير وغالية شواية
واهم حاجة عرفتها ان العربية اللى رشة خوارج مش مشكلة قوى زى اللى رشة دواخل دى بقى بتقلق وبتكون صعبة فى اعادة البيع
وعرفت ان فية عربيات مستعملة بتكون سهلة فى اعادة البيع زى 128 وخصوصا 1300 وكمان 131 و 132 لوحالتها كويسة والشاهين بس الشاهين النظيف بيكون اعلى من 30000
وعندك هيونداى اكسنت وسوزوكى سويفت وعلى فكرة انا شفت فى السوق سوفت موديل 93 واتباعت37500
ولو تقدر تروح السوق اكتر من مرة روح واتفرج وشوف الناس معظمها بيشترى اية
مع ملاحظة ان اسعار المستعمل فى الطالع
وربنا يوفقك وتلاقى عربية كويسة

mahmoudelmasry2016 14-03-2013 02:09 AM
رد: شباااااااااااب ضرورى ساعدونى
 
تحياتى ,,,,,,,,, معاكوا حق وانا اقتنعت بجد بده وناس كتير قالتلى سيبك منها واحد صاحبى قالى اى موديل تحت التسعينات سيبك منه بتبقى مهلوكة وطالع عينيها كمان دى راشة دواخل وده يقلق فا قولت لا بلاها ام دى عربية

mahmoudelmasry2016 14-03-2013 02:16 AM
رد: شباااااااااااب ضرورى ساعدونى
 
اقتباس:
المشاركة الأصلية كتبت بواسطة AbOnOrA (المشاركة 859575)
بص هى اى حاجة راشة دواخل تخوف والمفروض تكشف عليها عند سمكرى كمان مش ميكانيكى بس علشان يفيدك عن حالة الدواخل وخد بالك لما تيجى تبيع برضو هتقابلك نفس المشكلة واللى هيجى يشترى هيبقى خايف منها علشان راشة دواخل فاحسبها كويس واذا توكلت على الله وقررت تجيبها لازم تكشف عليها زى ما قولتلك وتعرف محتاجة مصاريف قد ايه وتبقى عامل حسابك متشتريهاش بكل الفلوس اللى معاك ويبقى معاك فلوس لاى مصاريف تحتاجها والا هتزهق منها ومن حياتك كلها لو فتحت بقها وممعاكش فلوس تصلحها ومش عارف تبيعها
معاك حق يا ابو نورا بجد مشكوووووووووووور دايما متابع وبعمل بنصايحك

mahmoudelmasry2016 14-03-2013 02:21 AM
رد: شباااااااااااب ضرورى ساعدونى
 
اقتباس:
المشاركة الأصلية كتبت بواسطة more13 (المشاركة 859586)
من خبرتى فى اللف والدوران على عربية مستعملة اقدر اقولك ان الهوندا سيفك الموديلات القديمة صعبة فى البيع وقطع غيارها كتير وغالية شواية
واهم حاجة عرفتها ان العربية اللى رشة خوارج مش مشكلة قوى زى اللى رشة دواخل دى بقى بتقلق وبتكون صعبة فى اعادة البيع
وعرفت ان فية عربيات مستعملة بتكون سهلة فى اعادة البيع زى 128 وخصوصا 1300 وكمان 131 و 132 لوحالتها كويسة والشاهين بس الشاهين النظيف بيكون اعلى من 30000
وعندك هيونداى اكسنت وسوزوكى سويفت وعلى فكرة انا شفت فى السوق سوفت موديل 93 واتباعت37500
ولو تقدر تروح السوق اكتر من مرة روح واتفرج وشوف الناس معظمها بيشترى اية
مع ملاحظة ان اسعار المستعمل فى الطالع
وربنا يوفقك وتلاقى عربية كويسة
بص يا باشا معاك حق فعلا بس السوزوكى سويفت اخر مرة شوفتها على دوبيزل من كام يوم ب 26 الف وموديل 96 واستخدام سيدة وبتقول حالتها جيدة جدا ما فيهاش الهوا فا مش عارف صراحة انا احترت اجيب ايه ........ والمشكة اللى معايا اصلا حاليا فى حدود 20 الف وبفكر لو اجيب حاجة كويسة ب 30 مثلا ادفع دول واقسط الباقى على 3 شهور كدا والدى ييجى من سفره ويدفعهم فا مش عارف صراحة وبتمنى اعرف رأيكوا فى ده ولو حد قدامه حاجة كويسة ياريت يقولى


الساعة الآن 12:36 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017