مشكلة رعشه ولا يوجد عزم خالص
 

معايا نوبيرا اوتوماتيك 2001 العربيه فجاءه ملقتهاش بتسحب وانا ماشي وقفت لقيت الموتور بيرعش جامد سواء علي غيار او علي ال ان لو الارض مستويه بتمشي بس بطيييييييييء ولو في مطلع ولو بصيت لو مطب حتي ممكن متطلعوش والحمد لله روحت بيها ممكن حد يقولي المشكله في ايه

رد: مشكلة رعشه ولا يوجد عزم خالص
 

بص يعني أنا ممكن أكون بافتي 36_1_5[1] بس معلوماتي تنحصر في إن ده ممكن يكون حاجة من تلاتة و هم بالترتيب البوجيهات و أسلاكها ثم المباين (جمع موبينة أو بوبينة) و أخيراً لا قدر الله الفتيس و كلهم ممكن تكشف عليهم عند كهربائي محترم.. بالتوفيق و خليك منتظر أراء تانية اخى الكريم

رد: مشكلة رعشه ولا يوجد عزم خالص
 

هو نفس المشكلة كانت عندى وكان العيب فى الموبينة:Bravo: بص حاول تكشف الاول

رد: مشكلة رعشه ولا يوجد عزم خالص
 

ما هو يا اما بوجيه فصل او مش شغال كويس بسبب ان البوجيه نفسه بايظ
يا اما الموبينه فيها مشكله

رد: مشكلة رعشه ولا يوجد عزم خالص
 

<P>ليه مش بنفكر فى الديسك والاسطوانه&nbsp;&nbsp;&nb sp;&nbsp; <IMG class=inlineimg border=0 alt=0 src="http://www.masrmotors.com/vb/images/smilies/pty.gif" smilieid="417">مجرد سؤال</P>

رد: مشكلة رعشه ولا يوجد عزم خالص
 

الحمد لله شاكرين للكل بس طلعت موبينه الميكانيكي قالي اتحرقت عشان غسلت الموتور بالماء جبتها كوري ب 255

رد: مشكلة رعشه ولا يوجد عزم خالص
 

احكيلكم عشان الكل يستفيد ....... الموبينه خلت موتور العربيه يرعش معايا جامد والعزم راح من العربيه خالص لدرجة اني شكيت في الفتيس الاوتوماتيك .... الميكانيكي بيشيل كل سلك بوجيه من فوق الموبينه لو بيطلع شرز يبقي شغال واللي مبيشرزي يبقي مش شغال وفعلا وراني 2 كانو فاصلين جبت موبينه ب 240 جنيه كوري ( اسف كتبتها فوق غلط ب 255 ) بعد مجربت 2 صيني وكانوا شغالين بس بينورو لمبة الاعطال دية الوحيده اللي اللمبه منورتشي عليها والاصلي كانت ب 550 ( بس شكيت انها اصلا اصلي عشان مكانشي مكتوب عليها جي ام فمرضتشي اجيبها ) .
+++++ ملحوظه اتأكد انه السلوك سليمه عشان متشتغلكشي يعني لو بوجيه بيشرز معاك جرب بيه هو علي الاربع فتحات بتوع الموبينه يعني قربه من الفتحه لو شرز يبقي الفتحه بتطلع كهرباء لو مشرزشي يبقي الفتحه دية قاطعه . او هات سلك سليم ووصله علي بوجيه متأكد انه شغال وجرب بيه علي فتحه فتحه في الموبينه .