السفر بال 128 ارجو المساعدة
 

صباح الفل
ايه الخطوات المتبعة مع الفيات 128 قبل السفر بها لتجنب اي اعطال او توقف مفاجي ايه يتغير ايه يتبص عليه ايه نتاكد منه ياريت تفيدوني لاني لسه جديد مع ال 128 وحاسس انها ممكن تغدر في اي وقت واي مكان وزمان فارجو مساعتكم والاستفادة من خبراتكم

رد: السفر بال 128 ارجو المساعدة
 

بص ياباشا .. اولا لازم تتاكد من الزيت ناقص ولا مظبوط
ثانيا لازم تتاكد من ضغط الاطارات +الاستبن
ثالثا لازم يكون معاك شنطه عده +سلك دبرياج +شويه فيوزات+تتاكد من كهربا السياره
حاول على قدر الامكان انك ماتجريش اوى بالعربيه +ان طريق السفر على قدر الامكان يكون فيه ناس
تاكد من ظبط زوايا العربيه +الفرامل
اخيرا ..توكل على الله :THUMBS~220:

رد: السفر بال 128 ارجو المساعدة
 

أحب أضيف كمان عمل Check على السيور و مياه الرادياتور و حمل جركن مياه إضافي و يفضل المياه الخضراء و طبعاً تربيط العفشة مع ظبط الزوايا.. و ربنا يستر طريقك :Bravo:

رد: السفر بال 128 ارجو المساعدة
 

شكرا يارجالة والي عنده ملاحظات او معلومات اكتر يفيدنا واهو منفعة للجميع

رد: السفر بال 128 ارجو المساعدة
 

رد: السفر بال 128 ارجو المساعدة
 

خد مواصلات اوفرك وريح دماغك

رد: السفر بال 128 ارجو المساعدة
 

تكرارا واستكمالا لما قاله الاعضاء الاعزاء احب اضيف شوية حاجات بم انى مالك لها بقالى 8 سنوات:
1- سلك دبرياج احتياطى اوعى تجيب المصرى لان المصرى بيقطع بعد كام يوم وعن تجربه الايطالى او اى نوع مستورد بيدى امارات يعنى الواير ينسل حبه حبه لحد لما يقطع.
2- شيك على الكبالن كويس يعنى لو فيه واحد او الاتنين بيطقطقوا بلاش تسافر احسن لانه لو فرط منك هتحتاس وخاصه لو على الطريق الصحراوى لازم تتجر.
3- تشبك على الزيت والمياة والبنزين والاستبن والكوريك .
4- يكون معاك فلوس احتياطى حوالى 200-300جم لاى حركة ندالة منها وبتحصل احيانا .
5- المساحات شغاله علشان المطر ومن غيرها مش هتعرف تمشى .
6- النور العالى والواطى مهم جدا يكون شغال.
7- تاخد زجاجات مياة مليانه كتير علشان لو الرادياتير بينقص فجاة فى السكة ماتقعدش تدور على حد يديك.
8- لازم يكون معاك موبايل لاى ظروف طارئه ويكون من الافضل انك تعرف نمرة ميكانيكى او اكتر علشان ممكن تحتاجه.
9- ودى مش اساسى بس ممكن تحتاجها انا عمرى ما احتاجتها وهى طقم بوجيهات احتياطى ومفتاح بوجيهات لتغييرهم وبرضه كام فيوز احيتياطى الواحد بربع جنيه لو حاجه ضربت
ولو افتكرت حاجه تانيه هبقى اقولك عليها وبالتوفيق بس الاهم دعاء السفر
" الله اكبر, الله اكبر, الله اكبر, سبحان الذي سخر لنا هذا وما كنا له مقرنين , وانا الى ربنا لمنقلبون , اللهم انا نسالك في سفرنا هذا البر والتقوى , ومن العمل ما ترضى, اللهم هون علينا سفرنا هذا , واطوا عنا بعده ,اللهم انت الصاحب في السفر , والخليفه في الاهل ,اللهم اني اعوذ بك من وعثاء السفر , وكآبة المنظر ,وسوء المنقلب في المال والاهل"