سؤال مهم لانى عملت حادثه
 

السلام عليكم
انا مش هطول على حضرتكم انا عايز بس حد يدلنى
انا عملت حادثه من فتره كنت فاكر العربيه ضاعت خالص بس ربنا رزقنى بسمكرى رجع العربيه جنى بجد بسم الله ما شاء الله حتى العضم من فوق وتحت والشاسيه والحوض بالكامل تحس انه مش مخدوش حتى ولا اى حاجه زى ما كانت بس المشكله ان فيه كام خربوش كده فى جزء صغير فى الحته اللى صدر العربيه والحديدتين اللى هم بينزلو لتحت من الصدر اللى بيتربط فيهم الفانوس وباين فى واحده فيهم ان كان فى حرفها اللى هو المفروض مسطره ان كام فيه دق بسيط
انا بصراحه عملت العربيه كده ورشيتها بالبويه الالمانى اللى بيقولو عليها
السؤال هنا بقى الخرابيش والحاجات اللى قولت عليها فى صدر العربيه دى تأثر عليها وعلى سعرها عند البيع اصل انا كنت رايح ابيعها يومها وربنا مأردش ؟؟؟
ارجو الافاده ؟

رد: سؤال مهم لانى عملت حادثه
 

يا باشا صور العربية
و ان شاء الله نفيدك
:THUMBS~220::THUMBS~220:

رد: سؤال مهم لانى عملت حادثه
 

شاكر جدا لحضرتك وجارى تصوير العربيه

رد: سؤال مهم لانى عملت حادثه
 

ايوة طبعا تاثر
طالما الشنب مردود على البارد بياثر فى حالة العربية ......لا وكمان حضرتك رشيتة

رد: سؤال مهم لانى عملت حادثه
 

المفروض حضرتك تعمل كل الشغل نضيف و مش يبان و بعد كده و أنت بتبيع لازم تعرف المشتري ان العربية مرشوشة و طبعا تمنها هيقل و لازم تعمل كده عشان ربنا يباركلك.

رد: سؤال مهم لانى عملت حادثه
 

خليك صريح مع المشتري واطلب فيها اللي انت عايزه وان شاء الله تتباع بس اهم حاجه الصراحه في البيع عشان ربنا يباركلك في فلوسها ومحدش يدعي عليك وبالتوفيق ان شاء الله

رد: سؤال مهم لانى عملت حادثه
 

يا جماعه انا مش رشيت العربيه من جوة خالص ولا فيها بويه من جوة حتى اتشققت الخبطه كلها كانت قدام والحمد لله ساتر ربنا انى كنت مركب اكصدام لانوس 1 بصراحه حمال اسيه شال اكتر من تلات ارباع الخبطه
اكيد طبعا هقول للى هيشترى علشان كده بسئل علشان ابقى عارف الدنيا هتمشى ازاى عموما نا هصور صدر العربيه واوريهولكو