|
لأصحاب الصنى اركن عربيتك واطمن انها مش هتتسرق
الحمد لله اشتريت صنى 2008 اول امبارح بس كنت قلقان من ركنة الشارع عشان لسه بدور على جراج
كنت هركب جهاز فصل الكهربا لقيت صاحبى معاه نيسان برضو قالى على فكرة احسن قولت انقلها للى عنده النيسان اهى نوايه تسند الزير بعد ماتطفى العربية فى درج تحت الدركسيون عالشمال شيل الدرج هوا بيتشال بسهوله هتلاقى عندك فيوزات كذا صف اخلع اللى مكتوب عليه رقم 15 غالبا هوا تالت واحد من عاليمين فى تانى صف ملحوظة: مش هتعرف تشيلو بإيدك فى مشبك بلاستيك هتلاقيه محطوط فوسط الفيوزات هتفك الفيوز بيه احفظ مكان الفيوز كويس عشان لما تعرف ترجع تركبه فمكانة خد الفيوز معاك فى المحفظة او خبيه فاى حتة فى العربيه لحد ماترجع عن تجربة العربية مبيتدورش من غيره او بتدور ومتمشيش عشان بيفصل دورة البنزين خالص... ارجو انى اكون افادت اى حد |
رد: لأصحاب الصنى اركن عربيتك واطمن انها مش هتتسرق
شكرا يا باشا على المعلومة
|
رد: لأصحاب الصنى اركن عربيتك واطمن انها مش هتتسرق
طب خلى باللك ممكن المنتدى يكون فى حراميه
خلى بالك |
رد: لأصحاب الصنى اركن عربيتك واطمن انها مش هتتسرق
فكرة جميله والف مبروك على العربيه ربنا يحفظهالك :fun_36_1_39[1]::fun_36_1_39[1]::fun_36_1_39[1]:
|
رد: لأصحاب الصنى اركن عربيتك واطمن انها مش هتتسرق
طمنتى اصلى ناوى اخلص فى واحدة صنى:fun_36_1_39[1]:
|
رد: لأصحاب الصنى اركن عربيتك واطمن انها مش هتتسرق
ههههههههههههههههههههه
الموضوع دة بالنسبة لحرامي لسة فى كىجى وان مش هيفرق معاة لانة هيعمل junmper على طرفين الفيوز باى حتة سلك :balloons71: |
رد: لأصحاب الصنى اركن عربيتك واطمن انها مش هتتسرق
معظم سارقي السيارات شغالين اصلا كهربائية سيارات
يعني لو العربية مدارتش حيفهم الليلة وبسهولة حيعديها احمى سيارتك باكثر من وسيلة قفل الدركسيون + جهاز انذار + اي وسيلة تانية وقبل ذلك كله توكل على الله تعالى اجعل السارق يكسل عن سرقة سيارتك ويبحث عن سيارة اسهل منها مش من قلة السيارات في الشوارع حيقعد يكسر القفل وبعدين يعمل ويعمل وحط السيارة في شارع منور |
| الساعة الآن 07:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017