مصر موتورز مجتمع السيارات - كم مصروف عربية فيات 128 فى الشهر ( بنزين - زيوت

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

كم مصروف عربية فيات 128 فى الشهر ( بنزين - زيوت - غسيل )

عربية فيات 128 سعة 1100 سى سى .. تمشى مشوار يومى 20 كيلو متر.. الحالة العامة جيدة

رد: كم مصروف عربية فيات 128 فى الشهر ( بنزين - زيوت - غسيل )

الحسبه اللى هحسبها لحضرتك ديه بالنسبه لمصاريف الحاجات اللى حضرتك طالبها بدون ثمن الاصلاحات
حضرتك بتقول مشوار يومى 20 كلم يعنى فى 30 يوم =600 كلم شهريا

يبقى كالتالى
بالنسبه للبنزين هنقول لو العربيه هتستهلك كل يوم 4 لتر بنزين بحساب الزحمه والتسخين وعمل مشاوير بسيطه اخرى لا تتعدى 10 كلم
لو حضرتك هتستخدم بنزين 80 يبقى هتصرف شهريا حوالى 130 جنية

لو هتستخدم بنزين 92 يبقى هتصرف شهريا حوالى 240 جنية

اما بالنسبه للزيت فحضرتك ممكن تشترى زيت شل هيلكس الاحمر ب 75 جنية كل ثلاث شهور بمعدل الاستهلاك اللى حضرتك قايل عليه
يبقى هتتكلف كل ثلاث شهور كامله
جركن زيت ب 75 جنية و 15 جنية فلتر زيت و 10 جنية مصنعية تغير الزيت والفلتر

اما بالنسبه للغسيل فمثالا انا فى منطقتى فيه زى سايس بديله كل شهر 40 جنية و بيغسلى العربيه من بره كل يوم او يوم اه ويوم لا على حسب ما تحب

ويختلف السعر من مكان لمكان

والكلام ده بدون مصاريف الصيانه وديه مقدرش احددها لان ممكن شهر متصرفش جامد وممكن شهر تلاقيك بتصرف جامد جدا على الصيانه على حسب العطل

رد: كم مصروف عربية فيات 128 فى الشهر ( بنزين - زيوت - غسيل )

شكرا جزيلا للرد .. يعنى تقريبا ثابت كل شهر 200 ج غير احتمالات الاعطال وتغيير قطع الغيار :w6w2005041122053268

رد: كم مصروف عربية فيات 128 فى الشهر ( بنزين - زيوت - غسيل )

انا معايا 128 بقالها 8 سنين والحمد لله
انا راىى تعمل حسابك متوسط 300 فى الشهر للاسباب دى
- يوم ماتلاقيش 80 تقوم تحط 90 او 92
- الكاوتش عل فترة
- البطاريه
-اى خبطة تحتاج سمكرة ودوكو
- مصاريف الترخيص السنويه حوالى 300الى400جم
اى قطع غيار غاليه طرمبه بنزين او مياة او راديايتر او اسبراتير او مارش
صيانه الدبرياج حوالى 400 جم لما تغير الطقم كله
الفلاتر والزيوت
الاكراميات والنظافة والدخان وما شابه
كل دة مش بصفه دوريه يعنى مثلا شهر تصرف 100 والتانى 400 وشهر 600
بس المتوسط حوالى 300 جم علشان مش تزنق نفسك

رد: كم مصروف عربية فيات 128 فى الشهر ( بنزين - زيوت - غسيل )

اقتباس:

المشاركة الأصلية كتبت بواسطة ezzat2002mo (المشاركة 853903)

شكراSLAM .. كل واحد معاه فيات 128 يقول تقريبا بتصرف كام كل شهر .. مفيش سفر ولا جرى.. يدوب كل يوم 20 كيلو متر .. وايهما افضل 1100 سى سى ولا 1300 سى سى

رد: كم مصروف عربية فيات 128 فى الشهر ( بنزين - زيوت - غسيل )

الاستشارة من اهل الخبرة وارجو الرد :
انا معايا 14.000 جنيه فقط .. وعايز اشترى عربية بس اهم حاجة تكون موفرة فى استهلاك البنزين وتكون قطع غيارها متوفرة فى كل مكان وسعرها كويس .. بس خايف من فيات 128 لانى قريت كتير انها ضعيفة كبودى وبيحصل فيها شروخ .. ياريت النصيحة من اهل الخبرة اجيبها ولا بلاش وايه البديل عنها :140109~347:

رد: كم مصروف عربية فيات 128 فى الشهر ( بنزين - زيوت - غسيل )

اقتباس:

المشاركة الأصلية كتبت بواسطة mido1980 (المشاركة 855822)

شوف يابشا ال 14 الف دول يجيبوا 128 كويسه باذن الله وكمان 20 كيلو كل يوم مش مشوار وخد بالك موضوع الشروخ ده عادى وعلاجه حاجه بسيطه وسهله وبصراحه هي احسن اختيار وكمان اعادة البيع بتاعتها سهلة جدا وبالتوفيق واللى زيها برضه الريتمو او ال 127
وموضوع 1100 او 1300 ده لو بتحب الجرى انا معايا 1100 وزى الفل ولو لقيت 1300 برضه كويس