مقارنة بين فيات بونتو ، سوزوكى التو و اسبيرانزا a113
 

السلام عليكم
برجاء الافادة انا عايزة اشترى عربية مستعملة صغيرة فى حدود 37000 و مترددة جدا ما بين الفيات بونتو و سوزوكى التو و اسبيرانزا a113

انا استعمالى خفيف يعنى يا دوب الشغل و المشاوير العادية و مش محتاجة حاجة فوا اوبشنز بس المهم انها تكون كويسة و ما تتعبنيش ولا احتاج كل شوية انى اروح لميكانيكى

يعنى كفاية انها تكون فيها تكييف و باور و سنتر لوك.

ارجوكم الافادة
و شكرا

رد: مقارنة بين فيات بونتو ، سوزوكى التو و اسبيرانزا a113
 

عربية مستعملة صغيرة = اسبيرانزا a113
فى حدود 37000 = اسبيرانزا a113
المهم انها تكون كويسة و ما تتعبنيش ولا احتاج كل شوية انى اروح لميكانيكى = اسبيرانزا a113

بدون تحيز و مع الوضع في الإعتبار إني بشكل شخصي مابحبش الصيني قوي بس الـ A113 هي الإختيار الأنسب لمتطلباتك و هاتعجبك سواقتها جداً و مش هاتتعبك في الصيانة و الأوبشنز بتاعها كتير.. يعني تقريباً الإختيار محسوم.. و بالتوفيق :286:

رد: مقارنة بين فيات بونتو ، سوزوكى التو و اسبيرانزا a113
 

شكرا جزيلا لرد حضرتك

بس من اللى قريته هنا على المنتدى ان الاسبيرانزا بتحتاج تربيط كتير و قطع غيار,, ممكن تكون قطع الغيار سعرها مش غالى بس انا حيبقى صعب عليا انى كل شوية اروح لميكانيكى يربطهالى و يغيرلى قطع الغيار
علشان كدة انا عايزة عربية متكونش مشاكلها كتير حتى لو امكانيتها مش عالية اوى زى الاسبيرانزا.

رد: مقارنة بين فيات بونتو ، سوزوكى التو و اسبيرانزا a113
 

اولاً موضوع (تربيط كتير) ده المقصود بيه تربيط العفشة و دي حاجة عادية في كل العربيات بس هي زيادة حبتين في الإسبيرانزا الكبيرة الـ 516 لكن في الـ A113 مش كتير قوي و ممكن تعمليها مره كل شهر أو شهر و نص و مبتاخدش أكتر من 3 دقائق عند أي ميكانيكي أو بنزينة.. أما حكاية تغيير قطع الغيار فده حاجة مش مقلقة لأن قطع غيارها متوفرة و كويسة و إلى حد ما معمرة كمان و مافيش حاجة إسمها أروح للميكانيكي كل شوية يغيرلي حاجة.. الكلام ده مش حقيقي

عموماً حاولي تسألي أكتر علشان تقتنعي و ربنا يوفقك للي فيه الخير :THE_PR~18:

رد: مقارنة بين فيات بونتو ، سوزوكى التو و اسبيرانزا a113
 

رد: مقارنة بين فيات بونتو ، سوزوكى التو و اسبيرانزا a113
 

انا متشكرة جدا على ردود حضراتكم ,,,, بس ممكن اعرف البونتو افضل فى اية؟؟
و موديل سنة كام يكون فى حدود امكانياتى؟؟؟؟؟؟؟؟؟؟؟

رد: مقارنة بين فيات بونتو ، سوزوكى التو و اسبيرانزا a113
 

انا أعرف ان البونتو أحسنهم فعلا بس هيا قطع غيرها عالية شوية عن الكورى بس فى متناول اليد بس قطع غيرها معمرة يعنى مش أتحتاجى كل شوية تغيرى العفشة انا معايا بونتو 95 عربية حلوة فيها باور وسنتر لوك وتكييف قصدى يعنى البونتو أمكانيتها وكماليتها عالية

ولو حضرتك عايزة تعرفى اى نوع أدخلى على اللينك ده فيات بونتو كلاسيك
http://masrmotors.com/vb/showthread.php?t=62560