|
الركنة بين العربييتين عشان انا خلاص هاتجنن
السلام عليكم
ازايكوا يارب تكونوا بخير انا عندي مشكلة ازلية ف موضوع الركنة بين عربيتين دي مش باعرف اعملها خالص انا لسه متعلمة السواقة بقالي كام شهر و الحمد لله بقيت باخرج بيها كويس لكن مش باعرف اركن خالص اما يكون واقف سايس جانبي يقولي يمين وشمال او لما باغلب خالص باسيبها كده ف الشارع :) حد يقولي ازاي اركن ينوبكوا ثواب |
رد: الركنة بين العربييتين عشان انا خلاص هاتجنن
http://youtu.be/UW0nPZT36MM
بصي علي الفيديو دا يمكن يساعد |
رد: الركنة بين العربييتين عشان انا خلاص هاتجنن
بصي هو موضوع الركنه بين عربيتين ده بيكون موهبه من عند ربنا ويا ما ناااس بتسوق حلو ومبتعرفش تركن بين عربيتين وانا واحد من الناس دي بقالي سنتين باسووق وعمري ما عرفت اركن صح بين عربيتين كان لازم جزء من العربيه يبقي طالع بره الصف لحد ما من فتره صغيره اضطريت اركن بين عربيتين وف شارع لو مركنتش بين عربيتين صح هاقفله فتعبت نفسي شويه وف الاخر ركنت صح الصح قلت اعمل زي ما باشوف الناس بتعمل وهي بتركن والحمد لله ركنت فمتقلقيش خااااااااااالص كله بالتعود والمحاوووله
|
رد: الركنة بين العربييتين عشان انا خلاص هاتجنن
طيب ربنا يطمنك:) انا اخر مرة كنت ف شارع صغير و مفيش غير ركنة بين عربيتيين وكان معايا والدتي و قعدت بتاع ربع ساعة احاول اركن فيها معرفتش لحد ماجه راجل كبير كده و قالي تحبي اركنهالك قولت له ياريت بصراحة انقذني ربنا يكرمه
|
رد: الركنة بين العربييتين عشان انا خلاص هاتجنن
الموضوع عاوز شوية تدريب فقط لاغير والامر ليس بصعب ممكن في اي مكان فاضي في الشارع تحطي اي حاجة في الارض اكبر من مسافة العربية بقليل (( زي الاراطيس بتاع المرور كده )) ومرة واتنين عتلاقي نفسك اتعلمتي زي الفل تركني بين اي عربيتين .....
|
رد: الركنة بين العربييتين عشان انا خلاص هاتجنن
فيه فيديو للركن أحد الأعضاء المحترمين كان وضعه هنا فى المنتدى ممكن حضرتك تبحثى عنه , لأن مش عارف اوصل للنك بتاعه
الخلاص للركن بين عربيتين (خصوصا لو المسافة بنهم صغيرة) نفترض مثلا انك ماشية فى شارع وعاوزة تركنى شمال بين عربيتين راكنين شمال اتبعى الآتى : 1- لازم المسافة بين العربيتين تكون اطول من عربية حضرتك بمقدار نصف متر على الأقل 2- تقفى موازية للسيارة الأمامية وبينك وبينها مسافة حوالى 30- 60 سم بالعرض والأكسدامات الخلفية للسيارتين على مستوى واحد 3- لفى الدركسيون كله شمال وانتى واقفه 4- ابتدى ارجعى براحة حتى يكون منتصف سيارتك (عند القايم اللى فى النص) مقابل للأكسدام الخلفى للسيارة الأمامية اللى راكنه , عند النقطة دى قفى بالسيارة وبعدين 5- لفى الدركسيون لليمبن شوية بشوية وانتى بترجعى براحة وببطىء وخدى بالك من وش العربية بتاعتك لأن ممكن تخبطى فى اكسدام السيارة الأمامية 6- اول ما تحسى ان السيارة بقت واقفة عدل , لفى الدركسيون واعدلى الطارة فى النص , وشدى فرامل اليد يارب اكون افدت حضرتك |
رد: الركنة بين العربييتين عشان انا خلاص هاتجنن
:hehehe:https://www.youtube.com/watch?v=0vCZB_kiN9A
جربي الطريقة دي كده وربنا يستر علي العربيتن وعربيتك بالمرة ههههههههه |
| الساعة الآن 11:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017