طلب مساعدة في تجهيز مغسلة سيارات
 

السلام عليكم
ان شاء الله اقوم بالاعداد لتجهيز مغسلة سيارات "متواضعة"

فاريد خدمة من اخوانى في الاماكن والماركات والاسعار "الجديد والمستعمل"

1- مكنة غسيل
2- مكنسة
3- كمبرويسور 200 لتر
4-مكنة فوم هواء

واى اضافات اخري
وجزاكم الله خيراً :) :) :)

رد: طلب مساعدة في تجهيز مغسلة سيارات
 

حضرتك شوفت مكان الأول؟ المكان أهم حاجة في المغسلة و أظن لازم تفكر في تغيير زيوت كمان.

رد: طلب مساعدة في تجهيز مغسلة سيارات
 

لقيت مكان وبدور على مكان افضل ان شاء الله
لو عندك اقتراح لمكان....اكون شاكر ليك ^_^

في انتظار الجواب على اسئلتي :))

رد: طلب مساعدة في تجهيز مغسلة سيارات
 

هو حضرتك بتدور في أنهي منطقة؟

رد: طلب مساعدة في تجهيز مغسلة سيارات
 

القاهرة "مصر الجديدة عين شمس المطرية
المهم الايجار ميزدش عن 1500 جنيه ويكون قدامه مساحة فاضية ^_^

رد: طلب مساعدة في تجهيز مغسلة سيارات
 

عامة أنا شوفت حاجتين و عاجبني جدا. أولا لو هتاخد محل يستحسن تاخد محل باكيتين جنب بعد علي الواجهة يعني زي ما تقول محلين جنب بعض عشان ممكن تدخل عربيتين جنب بعض و لو واحدة خلصت غسيل ممكن تخرج و تدخل واحدة تالته بسهولة لكن لو المحل بالطول يعني مثلا 4 متر علي الواجهة و 10 متر لجوة بردو ممكن تدخل عربيتين لكن لو اللي جوه خلصت هتضطر تستني اللي برا لما تخلص يا اما تخرج اللي برا الأول و بعد كده تخرج اللي جوه و بعد كده تدخل اللي كانت برا تاني. الفكرة التانية لو تعرف تاخد قطعة أرض فاضية حوالي مثلا 200 متر و تعمل فيها المغسلة هتديك فرصة تشتغل براحتك و تخدم أكثر من عربية في الوقت الواحد. علي فكرة أنا شوفت ناس كتير عاملين الفكرة التانية ديه و جامدة جدا الصراحة. ربنا يكرمك و يكرمنا.

رد: طلب مساعدة في تجهيز مغسلة سيارات
 

ربنا يكرمك ..أفكار رائعة
الحاجات الىل انت شوفتها فين ؟
تقصد حاجات للايجار ولا تقصد انك شوفت امثلة ؟