|
الفتيس بيقفش فى المرشدير !!
السلام عليكم انا يا جماعه حصل معايا اكتر من مره انى اكون ماشى بالعربيه شويه وبعدين اجيب مرشدير عشان أركن وبعدين اجى اجيب الاول الاقى الفتيس معلق ! حد ممكن يسألنى يقولى بتحصل كتير ؟ أقوله انا حاليا بخرج بالعربيه مره او اتنين فى الاسبوع وغالبا بروح بيها كارفور بمشى بيها بمعدل 20 دقيقه سواقه وبعدين اوصل كارفور وانا بحب اركن بضهرى فبجيب المرشدير وادخل بظهرى وبعدين اجى اجيب الاول الاقى التفيس مش عاوز يتحرك وقافش فى المرشدير طبعا بضغظ جامد اووووووووى عشان اجيب الاول والغريب ان بعد كده ممكن اجيب اول ومرشدير عادى جدا مفيش اى مشكله خالص المشكله بتحصل أول مره بس بعد المشى 20 دقيقه وانا بركن اول مره !! حد عنده تفسير للى بيحصل ده ؟ |
رد: الفتيس بيقفش فى المرشدير !!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!
|
رد: الفتيس بيقفش فى المرشدير !!
المشكلة ديه كانت بتحصل معايا في عربية دايهاتسو و كانت علي التالت لكن لو حصلت و الغيار قفش علي التالت ما ترجعش تاني و كانت حاجة جوا الفتيس تقريبا الدراع اللي بيحرك الغوايش جوا الفتيس أنا مش فاكر كويس لأن ده من ييجي 8 سنين. لكن حضرتك ممكن يكون الدبرياج عاوز يتظبط و ممكن تشوف بردو زيت الفتيس و ان شاء الله فيه ناس كتير هتساعدك في المنتدي لأن أنا معلوماتي علي أدي. ربنا يسهلك و تتحل.
|
رد: الفتيس بيقفش فى المرشدير !!
مشكلتك فلافيه المرشدين اما بيقفش فالفوول او برميل الغيار واسع ROSE4UROSE4U
|
رد: الفتيس بيقفش فى المرشدير !!
ِشكرا يا جماعه على الرد والاهتمام
بس عايز اوضح حاجه وهيا ان الفتيس فى باقى الغيارات زى الفل زى السكينه فى الحلاوه مفيش مشكله فى اى غيار الا المرشدير ده ومش دايما يعنى مثلا لما بستعمله وانا فى الجراج عشان اخرج بالعربيه بيبقى عادى بدى مرشدير واول عادى جدا امشى بعد كده بالعربيه بتاع نص ساعه واوصل مثلا كارفور واجى اركن بظهرى وادى مرشدير اجى بعد كده اجيب الاول عشان اطلع قدام الاقى الفتيس معلق مش عاوز يتحرك وبروح بضغط بقوه عشان افكه من المرشدير واجيب الاول وبعد كده ممكن اجيب الاول والمرشدير كذا مره و ميحصلش حاجه انا وقت من الاوقات حسيت الموضوع مرتبط بكارفور ههههههه اصل انا مره بعد ما روحت كارفور والمشكله دى حصلت طلعت من كارفور على سموحه وخدت تقريبا نفس المده فى السواقه ومع ذلك وانا بركن محصلش الموضوع ده وجيبت مرشدير وبعدها الاول عادى جدا انا تفسيرى للى بيحصل والله اعلم انى ممكن مثلا لما برجع بالمرشدير مسافه طويله بيقفش ولما برجع حته صغيره مش بيقفش ؟! هل ممكن يكون الكلام ده منطقى ؟ مع العلم ان انا السنه اللى فاتت مغير اسطوانه وديسك ومستر دبرياج علوى ومستر دبرياج سفلى يعنى تقريبا مغير طقم دبرياج كامل وكمان انا مش بخرج بالعربيه كتير يعنى كبير يومين فى الاسبوع يعنى الحاجات ملحقتش تستهلك |
رد: الفتيس بيقفش فى المرشدير !!
السلام عليكم خلاص بلاش تروح كارفور روح اي ماركت تاني هههههههههه غالبا العيب في غوايش الفتيس او ترس عكس الحركه في الفتيس على ما اعتقد تحتاج فك الفتيس والكشف عليه من الداخل والله المستعان |
رد: الفتيس بيقفش فى المرشدير !!
اقتباس:
هيا المشكله فى المرشدير بس وللحظات مش اكتر معتقدش من الدبرياج لانى لسه مغير طقم دبرياج كامل من سنه بس انا هبقى اشوف زيت الفتيس برده |
| الساعة الآن 09:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017