|
عربيتى الانوس2 بتبطل على المطب اية السبب
السلام عليكم اخوتى فى المنتدى ارجو من حضراتكم توضيح هذة المشكلة عندى عربية لانوس 2موديل 2006 كنت مسافر يوم الخميس 21/2/2013 المهم بعد لما مشيت حوالى 25 كيلو او اكتر بدات تبطل منى على المطبات انا قولت يمكن شلت رجلى من على الدبرياج دورت وكملت عملتها تانى على المطب خوفت يكون سير كاتينة بس لو سير كاتينة مش حدور تانى ومفيش اى لمبات تحزير او اى اشارة عن عطل معين واول مرة تعملها معايا على فكرة وصلت لمكان شغالى وبعد لما خلصت دارت عادى ولا اكن فى حاجة حصلت ارجو من اخوتى واحبائى السبب هذا العطل وشكرا
|
رد: عربيتى الانوس2 بتبطل على المطب اية السبب
حضرتك جرب تنضف فلتر الهواء ولو لقيته متسخ يبقى تغيره أفضل
واكشف ع البوجيهات لو عملت كدا ومفيش نتيجه يبقى اعتقد العيب هايكون ف بلاطه الاسبلاتير لانك بتقول بتبطل لما بتشيل رجلك من ع الاكسلاتير وقولى عملت ايه مع كرم بتاع الكاوتش ؟؟؟؟؟؟ |
رد: عربيتى الانوس2 بتبطل على المطب اية السبب
حضرتك جرب تنضف فلتر الهواء ولو لقيته متسخ يبقى تغيره أفضل
واكشف ع البوجيهات لو عملت كدا ومفيش نتيجه يبقى اعتقد العيب هايكون ف بلاطه الاسبلاتير لانك بتقول بتبطل لما بتشيل رجلك من ع الاكسلاتير وقولى عملت ايه مع كرم بتاع الكاوتش ؟؟؟؟؟؟ |
رد: عربيتى الانوس2 بتبطل على المطب اية السبب
الف شكرا احمد سويلم وهل فلتر الهواء يخلى العربية تبطل على المطب وهى اول مرة تعملها على العموم انا رايح بكرة للميكانيكى واشوف اية المطلوب وربنا يسترها
|
رد: عربيتى الانوس2 بتبطل على المطب اية السبب
بص ياباشا نفس المشكلة دي حصلت معايا في لانوس 1 من حوالي شهرين تلاتة كده وكنت مسافر وراجع على الصحراوي بلبيس واول ما وصلت للمطبات بتعمل معايا نفس الحوار ده كل ما اجي قبل المطب اشيل رجلي من على البنزين علشان اهدي شوية الاقيها تروح مبطلة
المهم نزلت فتحت الكبوت وبعد كام تجربة كان في قطعة كده فوق الرشاشات شبه المنظم بتاع البوتوجاز بس الحقيقة مش فاكر اسمها خلعت السلك اللي راكب فيها ودورت وفضلت معايا طول الطريق زي الفل ومفيش حاجة حصلت فرحت للميكانيكي وكذا ميكانيكي تاني قالي الغيه علشان بيبرجل العربية لما بيحصل فيه حاجة وفعلا من يومها لحد النهاردة وهو ملغي عندي وانا متضايق بسبب الحوار ده ياريت اللي يعرف اسمه يقولي لأني ناسيه خالص انا هرفع صورته مرفع http://khatwat.com/x.jpg |
رد: عربيتى الانوس2 بتبطل على المطب اية السبب
اقتباس:
عشان العادم ميكونش اول اكسيد النيتروجين فصله ملوش ضرر على العربية بالعكس العربية حتمشى احسن فى بعض الدول فصله جريمة يعاقب عليها القانون فى مصر لسة لان فى عربيات مفيهاش اساسا وارد تكون مشكلة صاحب الموضوع مشابهه و وارد يكون صمام ايدل يجرب يفصل زيك خرطوم ال egr لو مفيش نتيجة يجرب يعمل نضافة بوابة و صمام ايدل بس طالما معملتهاش تانى يبقى يسبها |
رد: عربيتى الانوس2 بتبطل على المطب اية السبب
شكرا ليك يا بشمهندس أنا كنت فاكر ان له دخل بالمنظومة بتاعة ميكانيكا العربية لكن حضرتك كده وحضتلي الموضوع لأني كنت متضايق من فكرة انه ملغي :)
شكرا يا هندسة :) |
| الساعة الآن 08:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017