كفية انهاء اجراءات البيع يوم الجمعه
 

السلام عليكم ورحمة الل وبركاته

سادتي الكرام
احتمال يكون الموضوع ده قد طرح سابقا بالمنتدي ودا شيء اكيد لانه موضوع مهم وخاصه ان سوق السيارات يوم اجازه اسبوعيه
وكذلك يوم الاحد وبيحصل كتير انه بيكون ويوافق عطلات رسميه حكوميه كثيره .
وانا بصراحه خدت لفه صغيره في القسم الخاص بالترخيص ونقل الملكيه وملقتش اجابه علي سؤالي .
وخوفا اني الف وادور واتوه زي امبارح واوصل طنطا وارجع من غير فايده . فقلت افتح موضوع جديد وانا وحظي . يمكن ربنا يرزقني بولاد الحلال اللي يدلوني ويوفروا عليا اللف والدوران .
وخاصه اني ناوي باذن الله انزل بكره السوق علشان انتهي من موضوع العربيه ودعواتكم معايا .
المهم علشان مطولش علي حضراتكم سؤالي هو :
كيف يتم عملية البيع والشراء رسميا وانهاء الاجراءات يوم الجمعه
وكيف يتم عمل توكيل للمشتري بالسياره او عمل عقد بيع ؟
ولا ايه اللي بيحصل بالظبط ؟

:fun_36_3_1[1]: مع الشكر والتقدير !!!!!!!!!

رد: كفية انهاء اجراءات البيع يوم الجمعه
 

هاحكيلك على تجربتى مع واحد صديقى فى شراء هوندا سفيك
دفعنا 2000 جنيه وكتبنا عقد ابتدائى
وروحنا يوم الاحد استلمنا العربيه وعملنا التوكيلات ف الشهر العقارى

واسمع كمان ان ف شهر عقارى بيكون فاتح يوم الجمعه جوا السوق بس لازم فلوسك طبعا كلها تبقى جاهزه عشان تعرف تستلم العربيه من صاحبها القديم

يارب اكون أفدتك

رد: كفية انهاء اجراءات البيع يوم الجمعه
 

تسلم يا حيبي
بس احكاية اني ادفع فلوس كعربون لحد يوم الحد معتقدش
اما حكاية ان فيه شهر عقاري بالسوق فانا سمعت الكلم دا قبل كده بس مش متأكد منه

:fun_36_1_39[1]: ولك شكري وتقديري

رد: كفية انهاء اجراءات البيع يوم الجمعه
 

اللى انا متأكد منه ان الشهر العقارى فى سوق السيارات شغال الجمعه
انما اللى بأكد عليه انك تاخد معاك سمكرى وميكانيكى بيفهم عشان السوق مليان نصابين

رد: كفية انهاء اجراءات البيع يوم الجمعه
 

بلاش السوق في اليومين اللى ما يعلم بيهم الا الله دول اشترى العربية من مكان معروف او من واحد انتا عرفه

رد: كفية انهاء اجراءات البيع يوم الجمعه
 

اهلا حبيبي
انت فين من بدري يا راجل ؟

طيب خلصنا من حكاية الشهر العقاري !

نيجي لموضوع السمكري والميكانيكي وححاول اشوف حد منهم اخده معايا باذن الله !!

فيه حاجه كمان افتكرتها وهيا هل لازم بطاقة المشتري تكون ساريه وغير منتهيه
ولا دي بانسبه للبائع فقط ولو بطاقة المشتري منتهيه ايه يكون الحل ؟

وهل يفضل اني احجز مبلغ من ثمن السياره لحين احضار شهادة بيانات وشهادة مخالفات من المرور ؟ وفي حدود كام ؟
:140109~347: مع شكري وتقديري

رد: كفية انهاء اجراءات البيع يوم الجمعه
 

رأيي اتفق مع صاحب العربية و روح خلص كله في يوم واحد. يجيب شهادة المخالفات الصبح و يقابلك في الشهر العقاري يعمل التوكيل و ياخد فلوسه و تاخد العربيه و التوكيل و شهادة المخالفات لكن خلي عينيك في وسط راسك النصابين أكتر من الناس المحترمة في اليومين دول.