|
هو العيب في البطارية ولا الدينامو
السلام عليكم ربنا يجازيكوا خير بجد علي المنتدي ده لاننا كلنا بنستفاد منه لو سمحتم ياجماعة عندي استفسار ومحتاجه الرد ضروري عندنا عربية كيا سيفيا 2001 ولو سبناها يوم مانشغلهاش تيجي تاني يوم ماتدورش والبطارية تبقي نايمه خالص المهم غيرنا البطارية من حوالي شهرين وغيرنا الاوطاش وجبناها افيترا ب440 جنية واشتغلت كويس الحمد لله دالواقتي بقي كل مانسيببها يوم ماترضاش تشتغل ولازم حد يدور العربية وحد يزوء العربيه علشان تشتغل واحنا ماشين بيها بتبقي تمام ومش بتفصل ولا اي حاجة فقولنا خلاص كل يوم ندورها شوية امبارح بالليل مارضيتش تدور فجوزي وصل وصلة بالبطارية بتاعت عربيه تانيه وشحنها واشتغلت ومشي بيها شوية نزلت انهارده ادورها علشان ماتنامش مارضيتش تدور خااااالص فياتري نعمل ايه مع العلم ان انا وزوجي مالناش خبرة في العربية الصراحة والبطارية لسه جديده ماكملتش شهرين ياريت اللي يرد عليا يرد بالتفصيل لاننا ماعنديناش خبره وهل لو كشفنا علي الدينامو فبينكشف عليه ازاي ؟؟ هل بنروح عند كهربائي السيارات ولو هو اللي بيجي ؟ ولا هل بيتفك وبنروح بيه ولا لازم نروح بالعربية ؟ وهل نغير تاني البطارية ولا لاء ؟ وياريت لو حد يعرف كهربائي سيارات كويس في نادي الرماية يقولي علشان ده اقرب مكان ممكن اروحه انا اسفه للاطالة |
رد: هو العيب في البطارية ولا الدينامو
vet_moslem تحياتى
اولا بالنسبة للدينمو 1- المفروض انك عندك فى التابلوة لمبة للدينمو فهل اللمبة دى مع بداية الدوارة بتنور وتطفى ولا بتفضل منورة 2- العربية وانتم ماشيين بيها اللمبة بتنور 3- الكهربائى بيكشف على الديناموعن طريق جهاز قياس بيشوف بية الشحن مظبوط ولا لأ بيوص الجهاز فى البطارية وبتدورى وتزودى وتشغلى النور العالى ويشوف الشحن تمام ولا لأ 3- لو طلع عيب دينمو بيفكة ويعملة صيانة ويرجع تانى ممتاز |
رد: هو العيب في البطارية ولا الدينامو
اقتباس:
بالنسبه للمبه فكان في لمبه بتنور عند الاعطالات وطول ماهو ماشي وجوزي لما غير الشكمان بطلت تفضل تنور وبقيت مظبوطة الحمد لله يبقي كده نشحن البطارية ونروح بالعربية عند الكهربائي وهو يكشف عليه شكرا لرد حضرتك |
رد: هو العيب في البطارية ولا الدينامو
اقتباس:
انا لاقيتهم وانا باعمل سيرش علي النت لناس عندهم نفس المشكلة اقتباس:
اقتباس:
هو في صوباع فيه سلك واحد وصوباع فيه سلكين معلش انا معلوماتي واسئلتي بدائيه جدا |
رد: هو العيب في البطارية ولا الدينامو
السلام عليكم في قطاشين في البطاريه واحد موجب مرسوم جنبه (+) والسالب مرسوم جنبه (-) في الليل افصل القطاشين واتركها و عند تدويرها وصل الكبلان لو دارت يكون في تهريب في كهرباء العربيه لو لم تدور يكون للأسف عيب بطاريه وممكن تضع فوق البطاريه جزء من الكاوتش الداخلي لعمل عازل بينه وبين الكبوت والله المستعان |
رد: هو العيب في البطارية ولا الدينامو
معلش هو الموجب ده اللي موجود يمين ولا شمال ؟ هو في صوباع فيه سلك واحد وصوباع فيه سلكين معلش انا معلوماتي واسئلتي بدائيه جدا[/QUOTE] الموجب يا فندم مرسوم علية الرمز + والسالب مرسوم علية الرمز - مرسومين علىى البطارية طيب البطارية مطموسة ومفيش عليها رسومات يبقى حضرتك بالعين المجردة نشوف السلك رايح فين مربوط بالمتور او بجسم السيارة يبقى دا السالب غير كدة يبقى موجب طيب حضرتك مسالتيش لية نفصل كابل ( اعتقد الاجابة على السوال هتفيديك نفصل الموجب والا السالب) بختصار كل الى رد على حضرتك شاكك فى حاجة فى العربية بتسحب كهرباء يعنى اية بطارية السيارة عاملة زى بطارية العاب الاطفال لو الولد طفى الزرار غلط يبقى هتبقى العبة ممنورة ولكن مش شغالة ويجى تانى يوم العبة متدرضاش تشتغل وانا فى مثالى لا اقصد الاستهان باحد والله اعلم بالنية ولكن المقصود فى الحالة دى ان نعرف هل فى حاجة فى العربية لقطة كهرباء سلك مفكوك - بيلمس صاج العربية يعمل دايرة سلك قديم لكاسيت متقصش صح بختصار حضرتك تفصلى الكابل الى يريحك ( مع تفضيل فصل كبل الارضى ) وتشوفى تانى يوم دارت العربية يبقى فى تهريب فى السيارة متدرتش - يبقى هنا الكلام يختلف وهى ان شاء الله هتدور لان على حد علمى لو متدرتش ممكن نقل الشك فى البطارية والله اعلى واعلم واسف للاطالة والله المستعان |
رد: هو العيب في البطارية ولا الدينامو
اقتباس:
انا فهمت رد حضرتك ان شاء الله هاروح بكره اشحن البطارية عند الراجل واركبها وبالليل اعمل الاختبار ده واقول ايه اللي حصل |
| الساعة الآن 08:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017