|
إستفسار موجه للأعضاء الإسكندرانية المحترمين
السلام عليكم أولاً.. أنا عايش في القاهرة بس نصي التاني إسكندراني من ناحية والدتي و أهل والدتي كلهم عايشين في إسكندرية و لغاية وقت قريب كانت سفرية إسكندرية بالنسبالي كأني رايح الشارع اللي ورانا! 444546 لكن من حوالي ثلاث أو أربع سنين بقيت باحس إن إسكندرية مابقتش زي الأول يعني الزحمة كانت في الصيف بس بسبب إخواتنا الفلاحين :110105~127: و كانت في أماكن معينة زي خالد بن الوليد و الأماكن اللي فيها شواطئ شعبية.. و بعدين الزحمة في الصيف تطورت و بقت طول الصيف و في كل حته و التطور الأخير إن البلد بقت على طول زحمة.. صيف و شتا و في كل مكان POLICEE.. مشيت على البحر أو الترام أو أبو قير مافيش فايدة زحمة السنين.. كان زمان الواحد لما يحب يروق أعصابه ينزل إسكندرية و أروح شقتي في عمارات العبور-شارع ونجت و أنزل أتمشى برجلى أو بالعربية و عندي مليون مكان أكل فيه أكل ماحصلش.. فطير من دهب, كبدة من الفلاح, أسماك من حودة أو شعبان أو بلبع :10CC26~164:.. لكن دلوقت للأسف سفرية إسكندرية بقت تقيلة على قلبي و باتمنى مايحصلش أي ظروف عائلية تضطرني أنزل.. المشكلة فيا ولا في البلد؟! هل أنا بافتري عليها ولا هي اللي غلطانة.. نفسي يا اسكندرية ترجعي زي زمان بس قول للزمان إرجع با زمان :pty:
|
رد: إستفسار موجه للأعضاء الإسكندرانية المحترمين
للاسف اسكندرية بقت اسوء مما تتخيل فى المرور وده لان :
1- الباعة الجائلين افترشوا معظم الشوارع و الشوارع دى بقت حارة واحدة . 2-سيارات الاجرة والسرفيس فى كل مكان وقوف بعرض الطريق وفى الملفات و التقاطعات ومطالع ومنازل الكبارى وسير عكس الاتجاه . مفيش عندنا امن مفيش عندنا مرور مفيش عندنا نظام مفيش ادنى مستويات الامن والامان والنظام .... اسكندرية يمكن مش تابعة لمصر .. تحياتى |
رد: إستفسار موجه للأعضاء الإسكندرانية المحترمين
إيه يا إسكندرانية.. إنتوا كمان مابقيتوش طايقين البلد و هاجرتوا ولا إيه؟! HPPYBUS
|
رد: إستفسار موجه للأعضاء الإسكندرانية المحترمين
يا باشا حمد الله على السلامة.. :funny25:
بس اللي إنت بتقوله ده كان موجود من زمان يمكن زاد شوية بس معقولة يكون هو السبب؟ |
رد: إستفسار موجه للأعضاء الإسكندرانية المحترمين
والله يا باشا مش عاوز اقولك اولا انا من الاسكندريه الاسكندريه سواء صيف - شتا - خريف - ربيع زحمة مووووووووت و حاجه قرف بجد لان مفيش اى تنظيم مرورى علشان تحس بالهدوس لازم تمشى بالعربيه من 2 بليل و لغاية الفجر بعد كده :sd::sd: |
رد: إستفسار موجه للأعضاء الإسكندرانية المحترمين
صح أبتداء من 2 بليل تلاقى الشوارع فاضية بطريقة غريبة جدا وتبقى فى نفس الوقت جميلة جدا أنا من هواة اتسكع بالإسكندرية بليل سواء على رجلى أو بالعربية وكمان بعد الساعة 2 تخش فى شوارع معينة تلاقى الشوارع كانها مهجورة أنا بروح لغاية الساعة من محرم بك الساعة 2 أو 3 بروح فى حوالى ربع ساعة من شارع أبو قير السكة بتبقى صحرواى فاضية جدا خلى نزولك يبقى بليل هتلقية أجمل وأجمل بس وأنت على البحر خلى بالك من المعتيه اللى بيجرو بتهور زيادة عن اللزوم إسكندرية كانت زمان حاجة تانية بس السبب زى ما أ/ يحيى قال لحضرتك زحمة باعة جائلين ميكروبصات تاكسيات وأى حد يوقف فى أى حتة ويمشى معاكس أنا لسة من كام يوم نزلت من كوبرى محرم بك وطالع الكوبرى اللى بينزل الطريق السريع اللى هو الزراعى لقيت فيرنا نزلة من الكوبرى معاكس وبعديه بكام يوم نفس الكوبرى 2 موتسكيل عاملين عليه سابق فى المعاكس الله يخرب بيتهم هما على بتوع الموتسكيلات يركبلهم سماعات ويمشو يشغلو على آخره كانهم لوحدهم فى الشارع ويقعدو يترقصو قدامك وأنت سايق ويزنقو عليك بس أنا وأعوذ بالله من قول أنا أتشهرت عندنا فى محرم بك أن مفيش موتسكيل يقعد يترقص قدامى ويطلع سليم من قدامى فى ناس محترمين بيبقو سايقين بأحترام بعديهم العيال ولاد التييت يزنقو على الناس وعلى عربيات زيرو وبنات يكونو سايقين يزنقوا عليهم أروح أنا داخل بعربيتى علية ياما يقع من على الموتسكيل ياما أقعد أزنق علية زى ما بيعملوا معنا لدرجة أنهم بقو بيلقو لما يشوفونى بس هما اللى أجبرو الواحد أنو يعمل كده أنا عارف أنى كده غلط بس ساعات بتقفل جامد وروح فيهم بقلب مينفعش معهم الا كده.
أخوك محمد |
رد: إستفسار موجه للأعضاء الإسكندرانية المحترمين
يا خسارة.. الواحد كانت لما تضيق بيه الدنيا من 10 سنين أيام الكلية كان يطلع يجري ياخد القطر أو كنت أسرق عربية الحاج و أطير على إسكندرية و أقضى أحلى يوم يديني طاقة و حماس يكفوني سنة قدام.. دلوقتي الواحد عايز يوم كامل علشان يوصل إسكندرية أصلاً nononono
|
| الساعة الآن 08:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017