|
الصراحة المطلوبة والصراحة الغير مطلوية
كتبت هذا الموضوع من قبل فى أحد المنتديات ويهمنى جدا أن أعرف وجهة نظركم بالتفصيل
إذا قدّر الله لسيارة بحادث نتج عنه تغيير عدة أشياء بها مثل كبوت رفرف صدر أو أى شئ آخر وتم استبدال وتغيير واصلاح كل ما حدث على أفضل صورة بحيث لم يعد له تأثير على أداء السيارة إطلاقا ولا يمكن إكتشافه عند بيع السيارة هل تقص على من يرغب فى الشراء هذه التفاصيل واضعا نفسك فريسة خسف ثمن العربية عشرات الآلاف من الجنيهات أم تتمسك بسعر أقل من مثيلاتها فى السوق دون سرد هذاالتاريخ؟ أشبه هذا الموقف بشاب هداه الله وتقدم لخطبة فتاة... هل يسرد على أهلها تاريخه السابق وجميع أخطاءه التى عافاه الله منها أم يكتفى بحاضره؟ فى انتظار رأيكم |
رد: الصراحة المطلوبة والصراحة الغير مطلوية
سؤال صعب جدا الحقيقة ،،، فعلا ،،، بالنسبة ليا ،، مش هكدب ابدا و لا هاخبي بس هاقسم الموضوع لشقين لو حوادث عادية فعلا حاجة بسيطة في الصدر او الكابوت او الشنطة و خلافه هاقول للبيشتري بكل امانة و هاتمسك بالسعر اللي اشوفه مناسب لحد ما يجي النصيب و الناس دلوقتي بقت تفهم و عارفه ان مش كل حاجة بتفرق لو حادثة جامدة فعلا و وصلت لاساسيات العربية بحيث دمرتها الواقع هافضل ابيعها علي حالتها لأن تكلفة اصلاحها مش هتكون موافقة لتكلفة خسارة بيعها بس مفيش حاجة مبتفرقشي و مفيش حاجة بترجع زي بلادها ده شئ و تاني شئ دي قسمه و نصيب و ارزاق فلازم الواحد يرضي برزقه حتي لو كان حادثة |
رد: الصراحة المطلوبة والصراحة الغير مطلوية
الموضوع ده حصل معايا ولما قلت الحقيقه الناس ضحكت عليا و قالوا عليا غبيptmnlo123per111
مع العلم ان العربيه محدش عرف اي حاجه فيها وكل الناس بتفول عليها فابريكهptmnlo123per1127 |
رد: الصراحة المطلوبة والصراحة الغير مطلوية
شكرا علي الموضوع الشيق ده
انا عن نفسي بصراحه مابقولش بس بعمل حاجه احسن وهي بسيب العربيه للي عايز يشتريها يتفرج عليها زي ماهو عايز وبقوله ماتسالنيش علي اللي فيها اعتبرها مقلوبه:00020080: هات خبير يتفرج عليها واحكم انت عليها:HAPPY_~211: بس مش عارف كده صح ولا غلط ptmnlo123per184 |
رد: الصراحة المطلوبة والصراحة الغير مطلوية
شكرا لكل من تفضل بالرد
وفى انتظارالمزيد من الآراء |
رد: الصراحة المطلوبة والصراحة الغير مطلوية
هو أنا بس مش متقبل تشبية حكاية السيارة اللى عاملة حادثة و إتصلحت بحكاية البنى أدم اللى تاب
لأن فى الحالة الأولى دى سلعة و بيع و شراء يسرى عليها الحديث الشريف من غشنا فليس منا أما فى حالة الإنسان التاءب فمن ستره الله لا يجب أن يفضح نفسه إلا لو كان عليه حقوق لناس تانية المهم علشان مخرجش من الموضوع الأساسى الأصل و المثالى و اللى مابيحصش غالبا إن البضاعة تبقى على عينك يا تاجر و اللى عايز يعرف أى معلومها تتقاله بأمانه و اللى عايز يشترى حاجه يفحصها الفحص النافى للجهالة على رأى المحامين |
رد: الصراحة المطلوبة والصراحة الغير مطلوية
رأيي من رأي استاذ حازم شاهين في موضوع البني ادم و العربيه.
بالنسبه للعربيه لو فيها حاجه بسيطه مرشوشه و مش باينه بقول عليها و اللي يحصل يحصل. لسه بايعين عربيه ياريس من فتره و كان فيها خبطه في الباب و محدش ياخد باله منها و عملت عليها اعلان في المنتدي و قايل فيها ايه و اللي اشتراها مكنش واخد باله منها و برضه قولناله و لما عرف حب ينزل في التمن اللي اساسا احنا منزلين فيه 2000 جنيه علشان الخبطه ما وافقناش و اخدها زي ما احنا عاوزين . كل دا رزق و ربنا كاتب ان العربيه تتباع بالتمن دا فمفيش داعي للكدب |
| الساعة الآن 08:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017