|
الحقوونى!!
بعد ما قضيت زهرة شبابى فى دراسة كل انواع السيارات بمصر وبعد ما بعت الحديدة وجهزت فلوسى ونويت والنية لله على النيو اكسنت كلمت غبور لانى عاوزة حد موثوق فية ومش عاوزة وجع دماع وكان الرد انى ادفع "كل" المبلغ واستلم جواب المرور الاسبوع القادم اما العربية ففى اخر يوليو او اول اغسطس
كمان التامين 4.5% ولو امن برة ادفع مصاريف التصليح و اروح انا احاسب شركة التامين (وادى اول المشاكل) دبرونى اتصرف ازاى؟ |
رد: الحقوونى!!
مش فاهم شروط عجيبة جدا الصراحة لف عليها في المعارض و اللي تلاقيها معروضة و موجودة قدامك ادفع و استلم توتو علي كبوتو علي حد علمي النيو اكسنت مش نادرة للدرجة دي |
رد: الحقوونى!!
بالضبط كده و ازاي جواب المرور يجي قبل العربيه دي حاجه غريبه جدا
جواب المرور بناء علي رقم الشاسيه و الموتور بتاع العربيه لو موجودج جواب المرور يبقي العربيه موجوده اكيد فيه حاجه غلط |
رد: الحقوونى!!
لا ما هو الفكرة ان العربية "فى حكم" الموجودة لكن فى "المركب"!!
وعلى فكرة ممكن موضوع جواب المرور دة يقعدوا "يمطوحونى" فية شهر علما بان الكلام دة على لسان مدير مبيعات فرع من فروع غبور كمان اخر الفتاوى ان وكيل بيبعها اغلى اى : 78500 افتراء والله!!:00020080: |
رد: الحقوونى!!
لا سيبك من الكلام دا
هما عاوزين يمسكوا فلوس و خلاص ادفع مقدم حجز اوك انما تمن العربيه لاء شكرا حتلاقي العربيه في كذا مكان محترم و بتمنها و بضاعه حاضره |
رد: الحقوونى!!
من امبارح كلمت يتاع 10 وكلاء بس اللون مش موجود
ممكن اقتراح وكلاء محترمين؟ |
رد: الحقوونى!!
طب يا تري كانت شروطهم ايه لو حجزتي اللون دا
و التمن كان كام؟؟ شوفي شروط اي حد من العشره دول و اي منهم يتفق معاكي كاسعار و مواعيد تسليم و برضه ما تدفعش كل الفلوس قبل العربيه ما تيجي توتو علي كبوتو زي الباشمهندس احمد ما قال:) |
| الساعة الآن 02:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017