الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

السلام عليكم ورحمه الله
كنت عند الميكانيكى مع واحد زميلى وقولتله ان العربيه بتكركر معايا لما بنقل من الاول للتانى , ومتوقع يقولى ده من البنزين وانى اخف رجلى من البنزين شويه مع النقل.
بس خلف ظنى :sd:
وراح فاتح الكبوت ومبدل مكان كابل البيوجيهات 1-3 ودور العربيه شويه وبعدين رجعهم مكانهم.
جرب العربيه
جربت لقيت الدنيا اتغيرت وبقت احسن وصوت الكركره خف شويه والعربيه بتشد احسن.
سالته عملت كده ليه قالى بنضف البوجيهات من الكربون اللى عليهم .
مش عارف ينضف الكربون ازاى يعنى.
بس المشكله ان النتيجه كانت حلوه.سوقسوق

رد: الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

هتلاقية عمل الحركة دية والموتور قعد يعمل صوت فرقعة كدة اما يزود بنزين
الحركة دية بيعملوها عشان تنضيف الكربيراتير عموما

حضرتك سبب الكركرة اللى كانت عندك دى ممكن يكون بيك السلانسية كان عايز يتنضف

انا سمعت قبل كدة ان حركة تبديل البوجيهات دى خطر وممكن تأثر على الكرنك

على العموم خليك فى المضمون وهاتلك علبة منظف كربيراتير gunk ب 30 جنية تقريبا
وابقى استعملة بصفة دورية كل اسبوعين تلاتة مرة مثلا
وان شاء الله مش هتواجة اى مشكلة


بالنسبة لتنضيف الكربون من على البوجيهات بيبقى ليها طرق تانية
زى مثلا انك بتفك البوجية وتسخنة على النار وبعد كدة تصنفر السن بتاعة
او تغسلة ببنزين مثلا

رد: الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

ايوة بس دة غلط على الشكمان
لو عاوز ينضف الكربراتير يعمل كدة من الاسبراتير اخف شوية من تبديل سلوك البوجيهات

رد: الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

محتاجين تاكيد يا جماعه
الحركه دى اعملها كل فتره كده
ولا خطر على حاجه
لانى استسهلتها بصراحه وحاسس انها فوقت العربيه.

رد: الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

لأ فيه طريقة تانية أحسن وانضف من كده بكتير احزر من طريقة الميكانيكى لأنها بتبوظ الموتور من جوا

رد: الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

ليه اللخبطه دى بقه
هو الموضوع يخص البوجيهات ولا الكربراتير
والضرر على الموتور ولا الشكمان
مطلوب الفائده من ا لحكايه دى وضررها من فضلكم :014FDA~117:

رد: الميكانيكى بدل مكان كابلات البوجيهات لتنظيفها من الزيت ... الكلام ده صح ولا غلط؟
 

بياثر على الموتور ومش متاكد من حكايه الشكمان بصراحه
وتنظيف البوجيهات ممكن تفكلها وتنظفها باى فرشه حتى مش لازم نار وسنفره
وهات منظف كربيراتير ب 20 جنيه وريح دماغك