لكل ملاك شيفرولية لانوس برجاء الدخول
 

ان شاء الله ناوى اجيب شيفرولية لانوس 2013 وكنت عايز اعرف المميزات والعيوب من الناس اللى معاها العربية و اية اخبار استهلاك البنزين فيها وابص واراجع على اية وانا بستلم العربية
انا اسف طولت عليكو
وشكراَ مقدماَ

رد: لكل ملاك شيفرولية لانوس برجاء الدخول
 

عربية زى الفل فى بعض الناس اشتكت من التقفيل
لكن عن تجربة فى عربيتين من بعد 2009 ، الصراحة كويسة مش وحشة
لكن دلوقتى خلى بالك قطع غيارها رفعت عن زمان لأن الطلب زاد اوى عليها لأن 35% من التكاسى لانوس

رد: لكل ملاك شيفرولية لانوس برجاء الدخول
 

شكرا ياباشا على الاهتمام بس كنت عايز اعرف اخبار استهلاك البنزين اية :THE_PR~18:

رد: لكل ملاك شيفرولية لانوس برجاء الدخول
 

رد: لكل ملاك شيفرولية لانوس برجاء الدخول
 

المميزات:
- رخص وتوافر قطع الغيار والاكسسوار
- سعر اعادة بيع كويس
- سرعة فى البيع (فى الزنقات طبعاً)
- سهولة التصليح والصيانة

العيوب:
- تقفيل اكثر من سيىء
- صاج ضعيف
- عزل سيىء
- موتور وفتيس خشن
- ثبات سيىء (بعد 120)
- فرامل ضايعه
- بطة مع التحميل والتكييف
الكلام ده على اساس انى معايا 2012
رأى الشخصى : شوفلك حاجة غير اللانوس لو مصمم على جديد... أما لو عاجباك اللانوس شوفلك حاجة دايو نضيفه احسن لأن فعلاً منصور ظلم العربية دى.
وتقبل تحياتى

رد: لكل ملاك شيفرولية لانوس برجاء الدخول
 

بصراحة انا اشتريت 2013 من حوالى 3 شهور وهيه لحد دلوقتى ممتازة
بس عيوبها
طبعاً الصاج خفيف ودا فى كل العربيات الحديثة
تقريباً
السحب بطىء فى البداية لكن بتسحب بس عايزة طريق سريع يعنى مافيهوش مطبات
وثباتها معقول :fun_car:
وانتا فيها لو قفلت الزجاج تحس بالرمل اللى بيخبط فى العربية من تحت وصوته ودا معرفش ليه
وكمان فيه حاجة مهمة موش عارف ليه القطط بتحب تدخل فى العربية من تحت ولحد دلوقتى تالت مرة أطلع قطه من الماتور عن طريق الكبوت ولولا ستر ربنا موش عارف كان هيحصل ايه
أشغل العربية وأفاجأ بدربكة فى الموتور بس أول ما بحس ببطل العربية وفى الاخر أفتح الكبوي وتنط القطة
ههههههههههه
تكييف لحد دلوقتى كويس
استهلال البنزين كان عالى فى الاول ودا اعتقد عشان التليين انما دلوقتى معقول بس انا ما حسبتش لحد دلوقتى استهلاكها
بس فى الاخر هنقول حاجة اذا نظرت الى السعر بالنسبة للعربية هتلاقيها أفضل عربية فى فئتها السعرية
واتوكل على الله

رد: لكل ملاك شيفرولية لانوس برجاء الدخول
 

وأنا سألت واحد شغال فى التوكيل
قال ان شركة العربيات من 2009 لحد 2012 كان تقريباً عليها ملاحظات والشركة اتلافت الملاحظات دى فى 2013