مطلوب تسعير إكسل 1500 CC موديل 97
 

السلام عليكم

مازلت أبحث عن أول سيارة مناسبة للسفر و لأسرة مكونة من 5 أفراد

قدامي واحدة إكسيل موديل 97 ، 1500 CC ، دواخل فابريكة باور و4زجاج كهربا وجنوط اسبور صالون وكاسيت فابريكة كاويتش وبطارية جداد رخصة باور ستيرنج4 وسادة هوائية

فيه توكيل واحد

إيه رأيكم فيه ، و هو طالب فيها 30000 ، هل ده مناسب ولا قليل يشكك الواحد

و إيه رأيكم في العربية أصلا من خيث إستخدامي أنا و هي ولا الشاهين ؟

شكرا مقدما

رد: مطلوب تسعير إكسل 1500 CC موديل 97
 

و كمان ال 1500 CC ، كويسة ولا 1300 أحسن

من حيث الإستهلاك و قوة الماتور

و أنا خايف من قدرة تحمل الإكسيل لو فيه مثلا حمولة على العربية ، هل هي زي الشاهين ولا هاتتعبني ، في السفر مثلا

رد: مطلوب تسعير إكسل 1500 CC موديل 97
 

عربية محترمة وخليك احسن فى ال1500 بتبقى كاملة وقطع غيارها رخيصة ولكن يعيبها انها ضيقة شوية

رد: مطلوب تسعير إكسل 1500 CC موديل 97
 

الإكسيل كويسة لو أنت مش بتجري فوق الـ120 عشان ثباتها بيبقي في الضياع ، بس أنا عندي إستفسار هي الإكسيل فيها وسائد هوائية فعلاً لأن أنا كان معايا إكسيل 1500cc 1995 و مكانش فيها :THE_PR~18:

رد: مطلوب تسعير إكسل 1500 CC موديل 97
 

شكرا memo59 على ردك
بس بالنسبة لضيقها ، يعني أضيق من صالون الشاهين يعني مثلا ، ولا 5 يكونو مستريحين فيها عادي

iame_H
هو صاحب العربية بيقول إن فيها ، أنا لسه هاشوفها
و إيه حكاية الثبات ده ، أصل أنا محتار ، وديه أول عربية هاشتريها إن شاء الله ، فكرت في الشاهين و الإكسيل و كيا سيفيا ، و الواحد مش عارف يرسى و يركز في حاجة واحدة

رد: مطلوب تسعير إكسل 1500 CC موديل 97
 

أنا عن نفسي بستبعد الشاهين عشان شكلها التقليدي و مفيهاش كماليات و لو لقيت عربية شاهين فيها كماليات هتبقي معدية الـ35000 جنية ، الكيا سيفيا مش منتشرة أوي فممكن تتعب في قطع الغيار لو أنت برة القاهرة ، الإكسيل ..... طالما أنت لسة أول مرة تشتري عربية يبقي أكيد مش هتجري و معروف عن الإكسيل عموماً إن أنت لو عديت الـ120 العربية ممكن تطير و أنت ماشي و لو عايز تعرف أكتر عنها أسأل الأستاذ سيد هو معاه إكسيل ، أنا بقة رأيي الشخصي زود فلوسك بحيث أن يبقي معاك من 35000 لحد 37000 و هات سيات أبيزا عربية الكل يشهد بقوتها

رد: مطلوب تسعير إكسل 1500 CC موديل 97
 

الاكسل عربية محترمة جداااااااااا
خصوصا الـ 1500 فيها تحفة بصراحة
الصالون معقول وليس رحب
مش اديق من الشاهين ولا حاجة
موضوع ان الاكسل بتفقد ثباتها بعد الـ 120 كم
لا وضيف كمان على المعلومة دى انها بتفضل تتمرجح فوق وتحت من الشنطة
دة بيكون عيب فى المساعدين
ولو اتغيرو بمساعدين رياضية بتبقى افضل كتير وفعلا بيروح العيب الغبى دة