مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - تتحرق الدولة.. (https://www.masrmotors.com/vb/showthread.php?t=108490)

تتحرق الدولة..

عارف ان العنوان صادم لكن هو ده لسان حال جميع التيارات السياسية:
تتحرق الدولة و احنا نعيش و الشعارات كآتى:
تسقط دولة الاخوان ..على اساس انها دولة تانية غير مصر ....
يسقط حكم المرشد على اساس انه هو رئيس الجمهورية و قاعد تحت ترابيزة الاتحادية بيقرص مرسى
يسقط الدستور على اساس ان المصريين اللى راحو صوتوا دول ملهومش اى قيمة ..و متوقعين ان الناس دى هتسكت على حقها ؟
انتخابات رئاسية مبكرة : ده و لا فى جمهوريات الموز ..الرئيس يقعد 6 شهور و نمشيه و نجيب غيره و يجيى انصار الرئيس السابق يمشوا الجديد طبعاً بس بعد شهر وواحد علشان يطلعوا اجدع من التانيين...كلام فاضى ميبلعهوش اى ساذج ...
سيبك من كل ده و بصوا على طريقة الحوار اللى بقت كلها شتيمة و قذارة و قلة ادب...و كلام اقل ما يقال عنه ان حقير من الجانبين ...و المصيبة بيقولوا الاقتصاد بيتدهور ...قولولى اى عاقل ممكن يجيلك يستثمر و يشغل فلوسه فى دولة بيتحرق قصرها الجمهورى كل خميس و جمعة ...
تعالى للإعلام ...اخيييي...اسوأ غسل بيتنشر و كله كذب و كذب صريح ..و بعدين يقولك الراى و ارأى الاخر .. بعد ما تكون الناس هاجت و حرقت و و الدم سال يقولك نشرنا التكذيب... و نجوم الفضائيات اللى بيتغنوا بالثورة دلوقتى هما هما اللى كانو بيقولوا للناس عيب متنزلوش ضد مبارك ده زى والدكوا ...
هى مجرد فضفضة و خواطر ....:121155~191:
يسقط كل شيئ و تحيا مصر :Wkiss5:

رد: تتحرق الدولة..

انما شاكر لل 50 عضو اللى كلفوا نفسهم علشان يقروا كلامى...:Wkiss5:اهو كلام بنقوله احسن ما الواحد :fun_broken:ينفجر..

رد: تتحرق الدولة..

والله هو فى حالة الناس المتأخونة الانفجار احسن :ROFL_C~118:

رد: تتحرق الدولة..

اللى مش عاجبه الكلام و حابب يفرز الناس و يقسمهم على كيف مرضه
ميدخلش يعلق ...و يخليه فى مشاركاته الشخصية:00db9337ef155724e 76

رد: تتحرق الدولة..

يا باشا رايك لازم يكون ليه كامل الاحترام طول مانت تعبيراتك مهذبه واى واحد يتريق على كلامك هواللى مش تمام
تقبل منى تحياتى :140109~347:

رد: تتحرق الدولة..

مع كامل احترامى لكل محبى مدعيين التديين و الاسلام و تطبيق الشريعة ،،،، الحاجة الوحيدة اللى مخليانى اصبر على مرسى و الاخوان انى اتفرج على واحد واحد من مؤيدينهم بعد ما مصر تدخل مرحلة اللارجوع او الذهاب بلا عودة و تكون تدهورت تماما بس أنا خايف من انهم يطلعوا يقولوا ديه مشيئة الله و لازم نتقبلها :019F3B~14: لانه لو فعلا ديه مشيئة الله لم يكن ليفرق لنا بين التوكل و التواكل اى انهم يعرفون انهم لا يفقهون شيئا فى الحكم و زى مابيتقال قعدوا يخططوا 80 سنة هيوصلوا للحكم ازاى بس مخططوش ازاى هيحكموا :Wkiss5:

رد: تتحرق الدولة..

اقتباس:

المشاركة الأصلية كتبت بواسطة AbOnOrA (المشاركة 845978)

والله هو فى حالة الناس المتأخونة الانفجار احسن :ROFL_C~118:

يبدو ان حضرتك متعرفشى اخوان يعنى ايه .
وعشان اقرب لحضرتك الصوره .لازم تستحضر قدام حضرتك الوضع السياسى للمنطقه العربيه :
1- نظم استبداديه .
2- احزاب معارضه غير فاعله وغير موجوده فى الشارع . ووظفبتها الوحيده انها تشرعن وجود النظم الاستبداديه . يعنى ان فيه معارضه وخلاص .
3- والاخوان تواجد فاعل بالشارع قاعده شعبيه واسعه ولا يقارن بها اى تيار آخر . هيكل تنظيمى رائع يشهد لكفاءته العدو قبل الصديق . جماعه تضم كوادر علميه ودعويه وسياسيه .
عارف حضرتك لو مكنشى فيه اخوان كان يكون الحال ايه ؟
كان استحاله تقدر تخرج من حلقه النظم الاستبداديه . لان البديل اللى باقى فقط هو الاحزاب اللى هى مجرد صوره ......... صوره وبس . وليس لديها القدره لانشاء منظومه حكم وسياسه .
............ ممكن حضرتك تقوللى جدلا : ( لو كده يبقى الاستبداد احسن ) .
وانا اقول لحضرتك دا رايك ولك كامل الاحترام وهو راى آخرين غيرك .... لا يحبون الاخوان . وهذه سنه الحياه فليس كل جيد او حسن يحبه الجميع .
تقبل تحياتى ،