فوجات لسيارة BYD F3
 

انا روحت التوفيقية علشان اشترى الفوجات لقيتها ب 150 جنية و فضلت الف لغاية ما وصلت لحد ما بقت ب 120 جنية - بس انا مشترتش علشان كان نفسى اجيبها زينون
المهم عرفت عن طريق ناس ان فى كهربائى شاطر كان شغال فى التوكيل و سابة و فاتح ورشة و كلمتة و قالى
لو مشترتش اشترى من واحد من عند الزاوية الحمراء سعرة احسن من التوفيقية و حاجتة مضمونة
و فعلا انا لسة جاى و اشتريتهم ب 100 جنية -- و اشتريت كمان طقم فانوس شبورة خلفى علشان انور المبتين اللى ورا مش واحدة و بفكر اعملهم مع نور الاستوب
و عايز اقول لما سألتة هتركبهم ازاى قالى هركبهم على زرار الشبورة الخلفى - كل دة فى التيلفون
--------------------------
دلوقتى يا جماعة علشان اللى اشترى الفانوس
اللمبة اللى فى الفانوس 27 وات مش 55 واط
دا مكتوب على الفانوس انة يستحمل لمبة حتى 55 واط 12v H3
دلوقتى بالمرة و انا بركبة عايز اجيب لمبة كويسة 55 وات -- سمعت عن لمض فيلبس رالى
بس مش عارف اجيبهم منين علشان يبقو مضمونين ولا بكام ولا اللى بيفع الشبورة
ارجو التفاعل علشان الفائدة تعم
و لما اركبهم اقولكم عملت اية

رد: فوجات لسيارة BYD F3
 

رد: فوجات لسيارة BYD F3
 

استاذ ايهاب ملك الليدات
بالنسبة للراجل بتاع قطع الغيار دا جنب اولا رجب قدام كشرى سيد حنفى
المحل اسمة شخلول - بس من الاخر قطع غيار عالية و سعر جامد
انا جبت كشاف فوجات ب 100 و طقم خلفى ب 30 جنية
و دة تيلفون شخلول 01224455753
بالنسبة للكهربائى عم حمدى زى العسل
الراجل دة كان شغال فى التوكيل و سابة زى ايميل بس عفريت بيتعامل مع العربية حلو
عنوانة فى الشرابية --
و انت جاى من غمرة و متجة الى احمد بدوى فى المستشفى العسكرى على اليمين اول شارع على اليمين بعد المستشفى هتدخل فية على نصيتة بتاع عصير قصب هتدخل لاخر الشارع و تدخل شمال تمشى 20 متر و تسأل على حمدى الكهربائى و دة تيلفونة 01142067404
و اللة الراجل بيتعامل مع العربية بأحتراف و فاهم كل حاجة بتتعمل ازاى
بس اللى يروحلة يقولة انا عرفتمك من النت او عن طريق بيتر علشان وعدنى بسعر خاص لشباب المنتدى
----------------------------------------
و على فكرة انا لسة جاى من عندة و ركب الشبورة الامامى على مفتاح الشبورة الخلفى و بالنور فى التبلوة كمان بينور و كان بيسألنى على طريقة اضائة الفوجات على العالى ولا الواطى
انا مبسوط انى ركبتة بس النور ضعيف بتاع الفوجات و على فكرة لما شاف اللمض اللى فى الكشاف قالى انها 55 واط مش 27 زى ما كنت فاكر بس نورهم مش قوى
و لما شافهم قالى دول زى التوكيل بالظبط نفس النقشة و خامتة حلوة عكس اللى كنت بركبة نقشة الكشاف نفسة من اول ما شافة قالى زى الاصلى
كان بيغير سلك اللمبة الاول داخل الفانوس علشان مكنش حلو و اول ما فتح بعد ما شكر فى الفانوس فتح لقى السلك محمل و قوى
بس اللى زعلنى علشان اركب الطقم اللى ورا لازم افك الاكصدام فلقيت نفسى هدخل فى قصة
فلغيتها
و اى استفسار انا فى الخدمة

رد: فوجات لسيارة BYD F3
 

رد: فوجات لسيارة BYD F3
 

شكر يابيتر على مجهودك الرائع وفعلا انت جيت فى الوقت المناسب لأن الحديث كثر على الفوجات وانت جيت حسمته ... اضفت .

يا ريت يابيتر عنوان المحل بتاع شخلول بوضوح اكتر لأنى من الهرم والمكان ده مش حافظه كويس وخصوصا انى عرفت ان فيه هناك كذا فرع لسيد حنفى بتاع الكشرى !!! SLAM

رد: فوجات لسيارة BYD F3
 

رد: فوجات لسيارة BYD F3
 

بص يا استاذ ايهاب
بالنسبة لسعر التركيب هو خد 30 جنية حق تركيب و 20 كتاوت لزرار الشبورة التاتش علشان يحافظ علية و قالى كدة يعش معاك عمر طويل
بصراحة حكاية الصور دى مجتش فى بالى لان استاذ ابو جينى قال انة ركبهم و حضرتك اشتريت الكشافات فقلت يعنى انا مضفتش اى جديد و بعدين انا رحت بالليل و هو راجل كبير فى السن و كنت بساعدة شوية فجاش فى بالى ان اصور
انا هنزل ابص على حاجة بالنسبة لنور الاكصدام الخلفى علشان انا شوفت افكار و عايز اشوفها فهصور الشبورة و ارفعها كمان شوية
بالنسبة للتركيب
فك مسمرين بس اللى فى اخر الكرتيرة و فك مسمار الماكيت اللى منظر و شد الفيشة و ركب الجديد و ربط تانى كل حاجة و بعدين قعد يظبط مفتاح الشبورة و بعدين راح مركب الشبورة التانى و بقى تمام
بس انا اخدت وقت علشان هعدنا نتكلم على السيارة و التوكيل
على فكرة الراجل دة بيصلح الامبوليزر بتاع العربية و لحد ما ساب التوكيل بمشكلة بيبعتولو تصليح لحد دلوقتى على كلامة و ساعات بيبعتلوة شغل من فرع الشرابية و كان عامل اختراع امان للعربية حلو لدرجة انك لو نسيت المفتاح فى العربية و نزلت منها و مشيت لو حد حب يشغلها و يمشى تعمل انذار و متتحركش و قالى دى برأة اختراع وورانى جرنان كان عامل معاة حديث على الانذار الجديد
و بيصلح اى اعطال كهربا فى العربية وورانى قطع الغيار
بأمانة راجل عفريت و زى العسل -- الراجل دة بالنسبالى كنز علشان انا كنت سألت كتير و عرفت من مش اى حد يعرف يتعامل مع كهربائ العربية
فكنت عمال ادور على حد جرب كهربائى كويس و الحمد للة وصلت و قلت افيد اللى بيدور بردو
مساء الخير استاذ هانى -- ازى حضرتك
بالنسبة للفوجات سلكها موجود زى ما شرحت هيفك الكرتيرة و يركب على طول مش هتاخد وقت بس كلمة الاول علشان مش موجود دايما
بالنسبة لنور الفوجات هو مش عاجبنى قوى ضعيييييف جدا
انا كنت هجيب لمبتين شبورة فى الاصلى فيلبس اسمها فيلبس رالى h3 55 واط و دول على ما سمعت 90 جنية المانى او من عند اى واحد بتاع كماليات 50 جنية او اقل وخدهم معاك و هو هيركبهم علشان نورهم ضعيف
بس انا اللى كنت فرحان و كنت مستعجل على التركيب هبقى اغيرهم بس لازم مايزدوش عن 55 واط
بالنسبة لعنوان شخلول
زى ما استاذ ابو جينى شرحلك بالظبط بعد ما تدخل يمين من الزاوية هتمشى اقل من 100 متر هتلاقى عمارة داخلة لجوة شوية هتلاقى اولاد رجب و بعدها شخلول
مبروك مقدما يا استاذ هانى