مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى الصيانة العام (https://www.masrmotors.com/vb/forumdisplay.php?f=4)
-   -   تغيير الرشاشات و اسعار الرشاشات الاستيراد (https://www.masrmotors.com/vb/showthread.php?t=107577)

Ahmed AlGamal 01-02-2013 12:24 PM
تغيير الرشاشات و اسعار الرشاشات الاستيراد
 
الرشاشات في عربيتي "لانوس 1" عايزة تتغير و الميكانيكي قاللي انه هيجيب نوع تاني غير الدايو لان رشاشات الدايو سيئة و هتبوظ تاني

هو قاللي انه هيجي اما رشاشات كيا سيراتو القديمة او النترا القديمة و عنده كمان حاجة الماني!!

و طبعا كل ده استيراد

ياريت خبرائنا في المنتدى يفيدوني هل النوع بتاعها افضل ليها ولا اغيره بنوع من الانواع ده

و ايه افضل و انسبحاجة للعربية في الانواع السابقة و يا ريت لو فكرة عن الاسعار اكون شاكر جدا

حسام البورسعيدى 01-02-2013 03:38 PM
رد: تغيير الرشاشات و اسعار الرشاشات الاستيراد
 
اعتقد رشاشات الاوبل ممكن تركب عليها ..

بس انا انصحك خليك فى رشاشاتها الاصليه احسن واضمن وهى مش سيئة ولا حاجة شغالة عادى جدا بس كل حاجة ليها عمر افتراضى ...

الرشاش الواحد بيعمل حوالى 50 جنية .. ولو هتجيب اربع رشاشات هاتهم بالمسطره وهيعملوا من 200 الى 250 جنية استيراد ..

Ahmed AlGamal 02-02-2013 03:58 PM
رد: تغيير الرشاشات و اسعار الرشاشات الاستيراد
 
اقتباس:
المشاركة الأصلية كتبت بواسطة حسام البورسعيدى (المشاركة 839374)
اعتقد رشاشات الاوبل ممكن تركب عليها ..

بس انا انصحك خليك فى رشاشاتها الاصليه احسن واضمن وهى مش سيئة ولا حاجة شغالة عادى جدا بس كل حاجة ليها عمر افتراضى ...

الرشاش الواحد بيعمل حوالى 50 جنية .. ولو هتجيب اربع رشاشات هاتهم بالمسطره وهيعملوا من 200 الى 250 جنية استيراد ..
طب ايه اخبار اسعار الانواع التانية؟

حسام البورسعيدى 04-02-2013 02:24 AM
رد: تغيير الرشاشات و اسعار الرشاشات الاستيراد
 
اقتباس:
المشاركة الأصلية كتبت بواسطة Ahmed AlGamal (المشاركة 839929)
طب ايه اخبار اسعار الانواع التانية؟
اسعار الانواع التانية ممكن تزيد حوالى 100 الى 150 جنية حسب توافرها

Ahmed AlGamal 04-02-2013 09:39 PM
رد: تغيير الرشاشات و اسعار الرشاشات الاستيراد
 
انا ركبت الالماني بتاعة الاوبل .. لونها اصفر كدا .. اربع رشاشات من غير المسطرة و قالي ان المسطرة بتاعتها مقاسها مايجيش على الي عندي

المهم خد 550 كله على بعضه ثمن الرشاشات و اجرة ايديه ( تركيب الرشاشات و ظبط الكومبيوتر قعد يقولي لازم نبرمجه و انا فرمته و حططله مخ جديد :D حلنجي هو شوية بس صنايعي - و غيرلي ال 3 سيور كاتينة و دينامو و تكييف و ده اكتر حاجة خدت وقت - و كان فيه صوت كده لما لاف يمين على بسرعة شوية كنت فاكره كوبلن بس قالي ده مش صوت كوبلن و طلع حاجة في دراع الباور ضبطها هو )

هل كده انا اتغلبت و لا ايه ؟ بصراحة هو ذوق جدا و صنايعي يستاهل قالي 600 بس انا ما رضيتش افاصل معاه جامد اديته 550 و اهم حاجة ان العربية ارتاحت

بالحق : خد الرشاشات القديمة هو .. انا كنت ناوي اخليهم معايا بس لقيته و هو بيلم العدة خدهم اتكسفت اقله خد هنا رايح فين هات دول :fun_10_9_206[1]:

amr elsisi 1 04-02-2013 09:57 PM
رد: تغيير الرشاشات و اسعار الرشاشات الاستيراد
 
هل السيور من عندة ولا انت اشترتهم
وراقب استهلاك البنزين
هلشان انت ركبت 1600 سي سي:shyy: والانوس 1500 سي سي

Ahmed AlGamal 05-02-2013 02:37 AM
رد: تغيير الرشاشات و اسعار الرشاشات الاستيراد
 
اقتباس:
المشاركة الأصلية كتبت بواسطة amr elsisi 1 (المشاركة 841481)
هل السيور من عندة ولا انت اشترتهم
وراقب استهلاك البنزين
هلشان انت ركبت 1600 سي سي:shyy: والانوس 1500 سي سي
لا السيور انا اللي اشتريتها , كده 550 ده ثمن الرشاشات و اجرة ايده .. متاكد من موضوع الاستهلاك ده ؟؟ على حسب كلامه ده كانت انسب حاجة للعربية


الساعة الآن 03:56 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017