مشكلة فى عفشة الفيرنا ارجو المساعدة
 

امس لاحظت ان العجلة الخلفية اليمين طالعة لقدام شوية عن الشمال ( يعنى العجلة الشمال فى منتصف الرفرف بالضبط - اليمين لاء جاية لقدام شوية )
المهم رحت للعفشجى قالى ان الشداد واخد خبطة و معووج و عايز يتعدل - رحت لواحد تانى قالى نفس الكلام
طيب اعدله ولا اجيب شداد جديد احسن ؟
و لو هجيب شداد اجيبة جديد ولا استعمال ؟
و سعره جديد كام و استعمال كام ؟
يا ريت حد يقدر يفيدنى

رد: مشكلة فى عفشة الفيرنا ارجو المساعدة
 

كانت حصلت معايا السنه اللى فاتت نفس القصه ديه بالظبط
العجله اليمين ورا كانت مقدمه حوالى 5 سم عن العجله الشمال

وعدلت الشداد ب15 جنيه عند عفشجى وكنت عامل حسابى اغيره ولكنه قالى هيتعدل وهيبقى كويس وفعلا عدلته وبقى كويس
ولغايه دلوقتى لما ارفع العربيه ف مشحمه او لما اغسلها اركز ف الابعاد وبلاقيها نفس الفروق

وعشان كدا اعدلو ومتكلفش نفسك

رد: مشكلة فى عفشة الفيرنا ارجو المساعدة
 

شكرا على اهتمامك و ردك
فعلا انا استعدلت الشداد و الراجل اخد 20 جنيه
بس عايز اعرف السبب علشان اخد بالى بعد كدا

رد: مشكلة فى عفشة الفيرنا ارجو المساعدة
 

ممكن تكون العربيه حكت أكتر من مره ف بلاعه او اى جسم صلب
والسبب التانى اللى انا برجحه هو ان ا لجزء اليمين ف العربيه هو اللى بيكون الاستهلاك ليه اكبر بمعنى ان دايما لما يكون معاك واحد راكب ورا دايما يركب ع اليمين
بصفه عامه الجزء اليمين دايما مستهلك سواء عفشه او كاوتش او حتى كفاءه صوت الباب ف القفل والفتح

رد: مشكلة فى عفشة الفيرنا ارجو المساعدة
 

اشكرك بس الشداد مالوش دعوة خالص بالوزن او الاستهلاك لأن معاليهوش اى تحميل
انما السبب اللى انا برجحه و ده بعد حوار مع العفشجى هوة ان حد رجع بالعربيه بسرعة للخلف و فردة الكاوتش اليمين ردت فى حاجة جامدة زى رصيف مثلا او حجر وده الاحتمال الاكبر - او ممكن زى ما حضرتك بتقول مطب او حجر من تحت و ده كان هيعوج الشداد لفوق مش بالجنب
عموما ربنا يستر
لأن شوارع مصر بقت حرام يتمشى فيها اول امس كنت فى القاهرة مع نسايبى و الشنطة كانت ماليانه و مراتى و حماتى قاعدين بالخلف - يعنى العربية كانت محمله - و من كفر الدوار لغايه المرج و بعدين شبرا الخيمة مافيش مطب الا و حك فى العربية من تحت و الجميل جدا ان فيه مطب العربيه اتعلقت فوقيه و العجل كان بيلف على الفاضى
ربك يسترها و الله المستعان

رد: مشكلة فى عفشة الفيرنا ارجو المساعدة
 

الفيرنا يا جماعة عربية اتعملت عشان تنجح بس للاسف اى تغير فى ابعاد الاطار بيبرجل العربية وناس كتير ركبيت جنوط 15 بس العربية معاهم كويسة انما ال 13 بصراحة بتعذب اصحابها فى المطبات لان عندنا جبال مش مطبات تحيااااااااااااتى