السلام عليكم ورحمة الله وبركاته

انا عندى عربيه 132 العربيه كانت تمام لحد ما سلك البنزين انقطع قولت اروح اغيره وقولت بالمره اكشف على العربيه المهم انا روحت اشترى سلك تانى المهم مالاقيتش نفس الطول وفجبت واحد اطول شويه 10 سم وغيرت بيجوهات وغير سير كاتينه وغيرت سير دينمو وغيرت ترس اللى تحت الاسبلتير وكابل من الموبينه الى الاسبلتير ( بكبل اخر بس مستعمل ) غيرت زيت وفلتر زيت وخراطيم بنزين وفلتر بنزين . انا كنت متوقع ان العربيه تبقى احسن من الاول بكتير ولكن حصل العكس حصل ان العربيه فى الطلعه لازم المس الاكسلتير براحه جدا لمسة هوا علشان تطلع ومتطلعش الا لما اشيل رجلى من على الدبرياج وحده وحده ولو غلطت ورجلى ضغطت على الدواسه بشده شويه كأنك هتزود واو بتقرص علشان تطلع مطلع او تعدى من عربيه يحدث العس ان العربيه ماتسحبش خالص وتحس انها هتبطل يعنى معرفش اطلع اضغر المطالع المكانيكى مش عارف حاجه وانا هغيره لانه هوه السبب . ملحوظه انا على اثر هذه المشكله رحت لبتاع الكربيراتير وضبط وعملت اكس ونظفه كويس ياريت حد يقولى الحل ايه ولو حد يعرف ميكانيكى كويس فى شبرا الخيمه او شبرا مصر او الهرم يقولى عليه بس يكون بيتقى الله

رد: مشكلة فى 132 عدم السحب ومافيش عزم خلص
 

راجع تركيب سير الكاتينة عند ميكانيكى اخر
وتقبل مرورى

رد: مشكله عدم السحب والعزم فى 132 ارجوكم
 

و الله انا كنت حقوللك كاربيراتير بس انت فى الاخر قولت انا ظبطت الكاربيراتير
انا كان عندى مشكلة فى السحب بس طلعت طقم دبرياج

بس تخمينى عندك انت المكشلة فى كابل البنزين (الاكسيلاتير)
اعتقد انه بيحصلله حاجه لما تضغط للاخر بيرخى او بيحصل حاجه مش بتوصل بنزين كويس

رد: مشكله عدم السحب والعزم فى 132 ارجوكم
 

طب ولية متكنش الكاتينة مش راكبة بالمظبوط؟؟؟؟؟؟

رد: مشكله عدم السحب والعزم فى 132 ارجوكم
 

بشكركم على الرد والاهتمام والحمد لله المشكله اتحلت وفعلا كان السبب سلك البنزين لانه كان بيرخى فى الاخر لانه مش بتعها وكان بتاع بالونيز الحمد لله واشكركم جدا

رد: مشكلة فى 132 عدم السحب ومافيش عزم خلص
 

شكرا على نقل التجربة
كنت فعلا حقول مراجعة على الكاتينة و على سلك البنزين لانه مقاسه مش صح

رد: مشكلة فى 132 عدم السحب ومافيش عزم خلص