|
أستشاره بخصوص 127
مساء الفل على أساتذه المنتدى الكرام
قدامى عربيه 127 موديل 83 العربيه لسه معموله سمكره ودوكو وحاله البويه والصاج 90 % كويس ماتور جيد جدأ أستيراد 6 غيار صالون ممتاذ عفشه ممتاذه ماعده مساعد شمال امامى محتاج تغيير رخصه سنتين يعنى كل حاجه فى العربيه كويسه جدأ بس المشكله انها راشه دواخل والسبب ان كان فيه خبطه جامده فى الحوض من قدام على اليمين وسمعت فى الشاسيه وتم لمها بزرجينا وتم تصليحها ورش الحوض المهم انى انا عجبانى العربيه وعايز اخلص فيها بس الناس مخوفانى والميكانيكى موتلى سعرها خاااااااااااااااااااالص وقالى ملعوب فى اسسيتها هو صاحبها بيتكلم فى 10 الاف جنيه والميكانيكى لما شافها موت سعرها ووقالى اخرها 7.5 المهم انى نزلتها مع الراجل ل 9 الاف بالعافيه ايه رأيكم يا جماعه اخلص ولا بلاش احسن خصوصأ انى الفلوس ربنا العالم جايه ازاى وانى مش حمل بهدله ومصاريف ؟؟ وهل لو خلصتها الموضوع القديم بتاع الخبطه ده ممكن يفتح تانى ويتسبب فى مشاكل ولا طالما اتعمل خلاص مش هيفتح ؟؟؟ وياريت كمان اعرف رأيكم فى سعرها علمأ بأن كل حاجه سليمه ما عدا الموضوع بتاع الحوض ده وشكرأ جدأ جدأ مقدمأ :018A1D~146::018A1D~146: |
رد: أستشاره بخصوص 127
منتظر الردود ايه ياترى
|
رد: أستشاره بخصوص 127
؟؟؟؟؟؟؟؟؟؟؟؟؟؟؟؟؟؟؟؟:cry2 W9:
|
رد: أستشاره بخصوص 127
انا راى الشخصى ان كل ال128 وال127 مشكلة الحوض دى فيهم مأصلة لانهم على علب وبتفتح وتشرخ بسهولة فدى مش مشكلة واللى يقولك ان حوض عربيته فابريكا يبقى لاما محافظ اوى على عربيته لاما شغل سوق استنى برضه وشوف راى اخواتنا هنا يمكن ليهم وجهة نظر تانية
وربنا يباركلك فيها ويكفيك شرها مقدما |
رد: أستشاره بخصوص 127
zamanan2000 :018A1D~146::018A1D~146: شكرأ جدا لحضرتك
يعنى رأى حضرتك اخدها واتكل على الله ب 9 الاف واعملها بار شداد من فوق ومن تحت ولا ايه ؟؟ وياترى الخبطه دى ممكن تفتح تانى بسهوله وتقرفنى ولا طالما اتعملت خلاص ؟؟ ومستنى رد باقى الاعضاء المحترمين |
رد: أستشاره بخصوص 127
انصحك ابعد عنها تماما العربيه اصلا وحوضها سليم بيتشرخ مع المطبات فما بالك انه الشاسيه كان فيه استعدال ومسمع 90% هيفتح تاني ومش هتلاقيها مظبوطه شوف حاجه تانيه افضل وفكر في الماروتي عربيه كويسه وافضل من 127
|
رد: أستشاره بخصوص 127
موضوع البارات ده حلو جدا وبيحافظ على العربية كتير بس لو لاقيت واحدة احسن منها والحوض مش مخبوط هتبقى احسن كفاية عليها مشكلة الحوض المتجددة وبالنسبة لشكل العربية اللى عاجبك ده سهل لان اى عربية هتجيبها هتعرف تظبطها على مزاجك انت وبطريقتك والعربيات دى اصلا كمالياتها وقطع غيارها رخيصة جدا يعنى مش هتكلفك فى التظبيط المهم الاساسات مكنة وصاج الباقى امره سهل
|
| الساعة الآن 02:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017