افضل عربية عائلية جديدة مانيول ..... بحد اقصى 80 الف جنيه
السلام عليكم ورحمة الله وبركاته
فى البداية احب اوجه التحية للمنتدى و اعضائه الكرام القائمين عليه انا لسه جديد جدا فى عالم العربيات وناوى ان شاء الله اتأهل و اتعلم السواقة واطلع رخصة وربنا يكرمنى واشترى عربية انا محتاج عربية عائلية تكون واسعة من جوه وتكون مانيول وميكانيكا محترمة وعالية عن الارض وتستحمل لأنى لسه جديد فى السواقة وتكون جديدة مش مستعمله وتكون بحد اقصى بـ 80 الف جنيه وياريت كمان لو تقولوا لى افضل مكان اشترى منه و يكون معتمد لأنى هشترى تبع بنك انا تابعت فى الفترة الاخيرة و شوفت الزيادة الكبيرة فى الاسعار و الجنان اللى شغال دا وعارف ان اكيد الاختيارات قلت بس قلت اسال اهل الخبرة و استفاد من خبراتهم؟؟ وشكرا مقدما لكل اعضاء المنتدى |
رد: افضل عربية عائلية جديدة مانيول ..... بحد اقصى 80 الف جنيه
عندك اختيارات كويسة ان شاء الله
مثلا 1- شيفرولية افيو او لانوس بس الافيو اعلى عن الارض وهما الاتنين واحد ويمكن اللانوس احلى فى المجمل 2- رينو لوجان 3- جيلى امجراند دول اللى فى بالى دلوقتى وربنا يوفقك |
رد: افضل عربية عائلية جديدة مانيول ..... بحد اقصى 80 الف جنيه
اشكرك جدا اخى الكريم على اهتمامك
بس انا عندى سؤال تانى .... معلش استحمل قله خبرتى انا كنت قريت فى المنتدى هنا ومنتديات تانية عن ان الافيو فيها عيوب كتير مثلا زى ان حالها بيدهور جدا على الطريق مع تشغيل التكييف وفيها مشكلة فى RPM بيرتفع لوحده و العربية واقفة وفيه ناس بتقول ان دا عيب عام فى كل الافيو هل الكلام دا فعلا و لا دى حالات خاصة مش عامه بالنسبة للانوس .... هيا طبعا عربية ممتازة بس ايه رأى حضرتك هيا افضل ولا الفيرنا عشان بميل اكتر لشكل الفيرنا فهل اداء الفيرنا كويس و لا اللانوس افضل بفارق كبير اخير بالنسبة للوجان .... انا كنت ناوى اجيب العربية دى فى الاول بس بعد كدا رجعت لأنى سمعت عن ان قطع غيارها غايله و تكاليف الصيانة كبيرة فهل الكلام دا فعلى ولا قطع غيراها اسعارها طبيعيه؟؟ مرة تانية بعتذر ليك عن كتر الاسئلة .... بس دا لقله خبرتى وانى بحاول اوصل لافضل اختيار بالسعر دا |
رد: افضل عربية عائلية جديدة مانيول ..... بحد اقصى 80 الف جنيه
اقتباس:
نيجى بقا لمقارنتها بالفيرنا انا معاك ان الفيرنا شكلها مريح اكتر لكنها اضيق من جوة وبرضه مش عالية قوى بالرغم من انهم علوها ورفعو الشكمان بتاعها وكمان فراملها مش متناسبة مع تسارعها المهوووول هى عربية شبابية اكتر من عائلية بالنسبة للوجان قطع غيارها كانت غالية انما دلوقتى اسعارها كويسة وانا فى رأيي انها زى الافيو بالظبط فى العلو والوسع بل الافيو يمكن يميزها شوية انتشارها الاكتر من اللوجان وسهولة بيعها بعد كده بسعر كويس وصاجها احسن شوية. من الاخر كده لو عايز رأيي هات الانوس وتوكل على الله. ربنا يوفقك ان شاء الله |
رد: افضل عربية عائلية جديدة مانيول ..... بحد اقصى 80 الف جنيه
اقتباس:
وانت طالب عربية واسعة خلى فى بالك اختيار الاسبرانزا 516 اوسع عربية ممكن تجبها |
رد: افضل عربية عائلية جديدة مانيول ..... بحد اقصى 80 الف جنيه
اقتباس:
بس هوا للاسف على كلام حضرتك كدا .... اللانوس مش هتنفع معايا لأن عائلتى مكونة من 5 افراد و انت عارف المطبات المصرية بتبقى معموله بضمير اوى فالعربية كدا هتتبهدل منى فدلوقتى الاختيارات محصورة بين اللوجان و الافيو ايه رأى حضرتك؟؟ اقتباس:
حضرتك عندك حق بخصوص الفيرنا بس بالنسبة للاسبرنزا .... انا لا افضلها نظرا للشكل الخارجى بردة فأية رأى حضرتك بردة .... هل اللوجان افضل ولا الافيو؟؟؟ |
رد: افضل عربية عائلية جديدة مانيول ..... بحد اقصى 80 الف جنيه
رأيي و عن ثقة إن الأفيو عربية محترمة و كل ما يثار عنها إشاعات أو عيوب فردية زي ما قال drali و ده على الرغم من إني شخصياً مش باحبها لكن ده رأي شخصي لا يقلل من قيمة السيارة أو سمعتها في السوق
|
الساعة الآن 12:50 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017