مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   لادا LADA (https://www.masrmotors.com/vb/forumdisplay.php?f=120)
-   -   صليبة الكردان و الفتيس ... مشكلات تنتظر حل (https://www.masrmotors.com/vb/showthread.php?t=106624)

zing0 16-01-2013 07:04 PM
صليبة الكردان و الفتيس ... مشكلات تنتظر حل
 
السلام عليكم
كالعادة لازم أرخم عليكم كل شوية بأسئلتى, و حاسس أنكم لو شوفتونى هتـ.....:070104~242:
معلش مفيش غيركم, و الموقع عندى بقى هو جوجل (الصفحة الرئيسية)
و الحمد لله أتهبلت و بقيت بأوفر من مصروف البيت علشان أصرف عالبيت الثانى.

المهم....
عندى مشكلتين عاوز أعرف علاج ليهم:
1- صليبة عمود الكردان , الميكانيكى بيقولى تعبانة و عاوزة تتغير , بتطلع صوت من مدة و الأخوة هنا قالولى سيبها شوية هى ليها صوت التكتكة المميز مع المور.
هل عدم تغييرها له مشاكل و لا لازم أغيرها؟ (يعنى فى آثار جانبية)

2- الفتيس عندى بيستهبل, الغيار الأول و المرشدير بيعلقوا, و ساعات الثالث.
متأكد إنى دايس دبرياج للآخر و ماشى بالعصايه فى المجرى بتاعها صح بس ألاقيها مش عاوزة تمشى كأنى هأكسرها.... حلها إيه دى؟

منتظر ردودكم

screamseko 16-01-2013 08:39 PM
رد: صليبة الكردان و الفتيس ... مشكلات تنتظر حل
 
بالنسبه للصليبه يباني ب35 جنيه الصليبه دي بتمتص عزم الموتور والشد وهي بايظه حتعد تسمع تكتكة حديد في حديد
وبالنسبه للفتيس خلي ميكانيكي يربطلك عصاية الفتيس من تحت حاجه اسمها لقمه او معلقه حاجه زي كده هي اللي بتعمل كده

hassanin_lada 16-01-2013 10:00 PM
رد: صليبة الكردان و الفتيس ... مشكلات تنتظر حل
 
اقتباس:
المشاركة الأصلية كتبت بواسطة screamseko (المشاركة 832058)
بالنسبه للصليبه يباني ب35 جنيه الصليبه دي بتمتص عزم الموتور والشد وهي بايظه حتعد تسمع تكتكة حديد في حديد
وبالنسبه للفتيس خلي ميكانيكي يربطلك عصاية الفتيس من تحت حاجه اسمها لقمه او معلقه حاجه زي كده هي اللي بتعمل كده
بالاضافه لكلام العضو

فتيس الادا رخم خصوصا في المارشير

والحل السحر ليه هو انك لما تيعلق معاك تقوم عطيها الغيار ال 5 وترجع علي طول علي المرشدير

زي ماتكون مديها ال3 وبتدي الرابع

هتلاقي الغيار اتاخد معاك زي الحلاوه ولا هتحس اصلا انك بتديها مارشدير وادعيلي واعيلي لمونيكا ان ربنا يهديها عليا

mr_astra 16-01-2013 10:14 PM
رد: صليبة الكردان و الفتيس ... مشكلات تنتظر حل
 
بالنسبة لصليبة الكردان هات واحدة يابانى اصلى نوعها تويو
بالنسبة لتقل الغيارات
بطل العربية وادى كل الغيارات
لو بتيجى مستريحة يبقى حضرتك عاوز ترجلش على الدبرياج شوية وتاخد الهواء بتاعة
انما لو بتيجى بصعوبة برضو يبقى نشوف زيت الفتيس
وحشو عصاية الفتيس
يا اما بقى لقدر الله الفتيس يكون فية مشكلة


zing0 19-01-2013 10:17 AM
رد: صليبة الكردان و الفتيس ... مشكلات تنتظر حل
 
اقتباس:
المشاركة الأصلية كتبت بواسطة mr_astra (المشاركة 832094)
بالنسبة لصليبة الكردان هات واحدة يابانى اصلى نوعها تويو
بالنسبة لتقل الغيارات
بطل العربية وادى كل الغيارات
لو بتيجى مستريحة يبقى حضرتك عاوز ترجلش على الدبرياج شوية وتاخد الهواء بتاعة
انما لو بتيجى بصعوبة برضو يبقى نشوف زيت الفتيس
وحشو عصاية الفتيس
يا اما بقى لقدر الله الفتيس يكون فية مشكلة

مش فاهم, أنا عندى الدبرياج تقيييييييييل جداً. هل ده معناه إنه بيأثر عالفتيس؟

Hisham.Elgazzar 19-01-2013 10:34 AM
رد: صليبة الكردان و الفتيس ... مشكلات تنتظر حل
 
كمال الخراط بتاع الكرادين هو احسن واحد يظبط موضوع الكردان من الألف للياء
مشكلة الفتيس عويصة طالما ناشف فى الغيارات ده غير موضوع الدبرياج التقيل ده الديسك ناشف
انما ماتصلحش فتيس بيتغير بواحد استيراد افضل والكردان عد كمال الخراط فى ميدان الظاهرAHLNWSHALN

Ahmed_Esmail 07-03-2013 09:42 AM
رد: صليبة الكردان و الفتيس ... مشكلات تنتظر حل
 
اقتباس:
المشاركة الأصلية كتبت بواسطة mohsal (المشاركة 856226)
بالنسبه للفتيس حاول تشوف تصليح له لو غوايش او اى حاجه بسيطه غير كده غيره بواحد استيراد ومتصرفش عليه ممكن يكلفك انا جبت ال 4 سرعه استيراد ب 600 جنيه وشغال زى الفل - بالنسبه لصليبه الكردان احذرك لالالالالالالازم تتغير فى اقرب وقت ومتمشيش بيها كده ابدا لان بتاكل وتكسر الفلنشه ولو انت ماشى بسرعه وحصل ان الفلانشه اتكسرت عمود الكردان هيقع منك وممكن لاسمح الله تقبل منك العربيه نفس الحكايه دى حصلت معايا وربنا ستر

بسم الله ما شاء الله الله ينور عليك يا mohsal يا برنس والله انا ده اللى كنت حقولهوله بالظبط

وكمان بالاضافة لكلامك الحلو ده بالنسبة للغيارات روح للميكانيكى يرجلشلك على الدبرياج وان شاء الله تكون حاجة بسيطة:fun_36_3_1[1]:


الساعة الآن 12:23 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017