مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جمارك السيارات (https://www.masrmotors.com/vb/forumdisplay.php?f=140)
-   -   استفسار عن جمرك عربيه هتنزل من السعوديه.. (https://www.masrmotors.com/vb/showthread.php?t=106189)

T-2 08-01-2013 04:23 PM
استفسار عن جمرك عربيه هتنزل من السعوديه..
 
سلام عليكم،،

لو سمحت يا رجاله عندي استفسار كده..

عايز اعرف انا لو معايا عربيه انا اول مالك ليها في السعوديه.. تمام

نوع العربيه تويتا كرولا 1600 موديل 2006 او 2007

وعايز انزلها مصر هدفعلها كام جمرك ؟

..

ولو كرولا 1600 بس موديل 2010 او 2011

وعايز انزلها مصر هدفعلها كام جمرك ؟

+

اخر حاجه بقي ،،

لو معايا هيونداي النترا 2013 وعايز انزلها هدفع كام ؟

اتمني ان حد يعرفني اسعار مش نسب يا رجاله الله يخليكم


وشكراً مقدماً

jojojojojo 08-01-2013 08:42 PM
رد: استفسار عن جمرك عربيه هتنزل من السعوديه..
 
للاسف انت محتاج حد علي علم بالتعريفه الجمركيه للسيارات بص حضرتك ممكن ترسل لجريده الاهرام في قسم بها للاسئله الجمركيه وهما هيجوبك يوم الجمعه في عدد السيارات وانا لو من حضرتك انزل التويوتا اللي هي 2006 او 2007 وهيبقي جمركها مناسب جدا عشان هي من حوالي 6 سنين فهيتم تخفيض جمركها وممكن يبقي ف حدود التلاتينات والعربيه ديه ممتازه وعليها قبول كبير جدا هنا في مصر بس لازم تكون المالك الاول ليها

T-2 09-01-2013 12:58 PM
رد: استفسار عن جمرك عربيه هتنزل من السعوديه..
 
اقتباس:
المشاركة الأصلية كتبت بواسطة jojojojojo (المشاركة 828542)
للاسف انت محتاج حد علي علم بالتعريفه الجمركيه للسيارات بص حضرتك ممكن ترسل لجريده الاهرام في قسم بها للاسئله الجمركيه وهما هيجوبك يوم الجمعه في عدد السيارات وانا لو من حضرتك انزل التويوتا اللي هي 2006 او 2007 وهيبقي جمركها مناسب جدا عشان هي من حوالي 6 سنين فهيتم تخفيض جمركها وممكن يبقي ف حدود التلاتينات والعربيه ديه ممتازه وعليها قبول كبير جدا هنا في مصر بس لازم تكون المالك الاول ليها
يعني مفيش حد هنا في المنتدي .. يعرف اسعار :sd:

طب لو سمحت ازاي اوصل لجريده الاهرام ؟!

M.TONSY 09-01-2013 01:11 PM
رد: استفسار عن جمرك عربيه هتنزل من السعوديه..
 
طيب قول قيمة الفاتورة كام لكل عربية وانا احسبها لك
وعموما دى النسب حسبتها مش صعبة
اقتباس:
اجمالي الجمارك والضرائب (61.00 %) تفصيلها جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)

M.TONSY 09-01-2013 01:20 PM
رد: استفسار عن جمرك عربيه هتنزل من السعوديه..
 
ملحوظة لحساب قيمة الفاتورة CIF = فيمة العربية بسعر المصنع* سعر الدولار مقابل العملة المحلية للبلد
لذلك فهى متغيرة بتغير سعر الصرف للدولار

M.TONSY 09-01-2013 01:25 PM
رد: استفسار عن جمرك عربيه هتنزل من السعوديه..
 
ودى كمان قواعد دخول السيارات من الخارج الى مصر لازم تراجعها الاول قبل ما تفكر بدخول السيارات الى مصر وهل تنطبق على حالتك ام لا

اقتباس:
أولاً : سيارات الصالون :
بالنسبة للإدخال النهائى للسيارات التى يستوردها المصريين المقيمون بالخارج :-

1- بقاء المواطن بالخارج مدة لا تقل عن تسعة أشهر .
2- أن يتم تملك وتسجيل السيارة فى ذات سنة الموديل .
3- أن يكون المشترى هو المالك الأول للسيارة .
4- استخراج شهادة " لمن يهمه الأمر " من إدارة المرور المسجلة لديهاالسيارة تتضمن تاريخ التسجيل وبيانات السيارة تفصيلاً ثم توثيقها من وزارةالخارجية الإماراتية ثم السفارة أو القنصلية المصرية .
قواعد عامة :
1- لا توجد قيود على شراء السيارات وتملكها وتسجيلها فى أول السنة أو فى آخر السنة طالما أن الشراء والتسجيل تم فى ذات سنة الموديل .
2- للتمتع بالتخفيض الجمركى الخاص بالسنة الأولى (10%) يجب أن يتم الشراء والتسجيل قبل تاريخ 1/10 من نفس سنة الموديل .
3- لا يتم ترخيص السيارات التى مضى على تاريخ صنعها عشر سنوات بما فيها سنة الموديل .
اظن كدة بقى معاك جميع المعلومات:THE_PR~18:

mercedes174 13-01-2013 10:29 PM
رد: استفسار عن جمرك عربيه هتنزل من السعوديه..
 
سلام عليكم انا هقول لك طريقة هتطلع لك الجمرك بتاع العربية تقريبى وليس بالظبط طالما ان العربية 1600 سى سى فيما اقل ( سعر العربية بالجنية اضربة فى 61% هيطلع الرقم التقريبى ) مثلا عربية تمنها 100000 جنية * 61% =61 الف جنية لو هتنزلها فى نفس العام قبل نهاية اكتوبر لو بعد نهاية اكتوبر هتخصم 10% من التمن الاصلى و عن كل سنة تالية 5% وزى ما قلت لك دا تقريبى وتحت امرك


الساعة الآن 05:23 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017