|
عمرة كاملة للستروين AX
المكانيكي قالي يا باشا العربية بقت في الهواية لازم تعمل عمرة كاملة علشان خلاص كدا مش هتنفع تاني المهم بيقولي بئا العمرة هتتكلف بتاع 3800 وهوا اللي هيجيب قطع الغيار و كمان هوا اللي هيعمل كل حاجة انا هبقي اجبلكو التفاصيل والاسعار يا مسهل ادعولي
|
رد: عمرة كاملة للستروين AX
3800 جنية عمرة ستروين ax ليييييييييييييية؟!!! MAD
هو الموتور بتاعها استيراد عامل كام !!:thnkr: ماعتقدش انه يزيد عن 2500-3000 بالفتيس وممكن اقل كمان اسئل على الموتور استيراد عامل كام وخد معاك ميكانيكى بيفهم وتكون( بتثق فية ) وسقط مكنة على طوول ووفر وقتك وفلوسك وبالتوفيق ان شاء الله |
رد: عمرة كاملة للستروين AX
السلام عليكم انصحك هات انت قطع الغيار مش هو وياريت تسأل الأول علي الموتور لستيراد بكام وقارن تمنه بتكلفة العمره والله المستعان |
رد: عمرة كاملة للستروين AX
شكرا يا جماعة علي الرض السريع واحد من اصحابي نصحني قالي انتا متعرفش الموتور الاستيراد مشاكلة اية و عامل ازاي و قالي زبط اللي عندك علي الاقل انتا عارف مشاكلة والموتور الاستيراد بي 2000 جنية وبنسبة لقطع الغيار انا اصلن سالت عليها و لقيته بيقولي علي اسعار اقل و بعدين دة كمان هيعملي التكييف هيجيب كومبرسور و هيشحنة و هيعملي العفشة كمان و بيتكلم في 4500 لي هيظبط سكرة ودوكو ويرش العربة اية رايكم
|
رد: عمرة كاملة للستروين AX
4500 و هيشد العربية عمرة موتور كامله و عفشه و سمكرة و دوكو و تكييف!!!
طبعاً أحسن ما فى الموضوع أنك هتريح نفسك من وجع دماغ الصنايعيه, و لكن.... - أكييييييييييييد الفترة الزمنية للصيانه هتفتح منه أكتر ما أنتوا متفقين (لأنه ضمنك, و عاوز يشوف سبوبه جديده فممكن يركنك شويه) - ممكن يوفر و يسترخص فى قطع الغيار(ميجيبش الأصلى أو ميهتمش بالجوده) لو حضرتك هتشدها علشان تبيعها. يبقى ممتاز بس تتابعه علشان الوقت, لو بتشدها ليك أنت يبقى تتعب شويه. ما حكّ جلدك مثل ظفرك, فتولى أنت شئون أمرك. |
رد: عمرة كاملة للستروين AX
انا بشدها ليا انا مش ناوي ابيعها وبعدين معنديش اي مشكلة اتعب علشان خاطر اظبطها والمكانيكي طلع اصلن يعرف الناس بتوع عين شمس فؤج والناس دية وطلع قديم في السوق وبعدين لما حط ايدة في العربية اول مرة حسيت بفرق وهوا معملش حاجة في العربية شكلة فاهم في العربية بس انا كان نفسي اوديها لمركز صيانة نضيف مش مشكلة الفلوس بس المشكلة بئا الجودة والانجاز لان العربية مهمة جدا ليا في الشغل
وبعدين انا تعبت من كل شوية ادف فولس و يتنصب عليا انا لسة مغير دينمو للعربية بالمصنعية ب 400 جنية و الكهربائي التني تخد 100 علشان ضيرة الكهرباء كانت بردة متبهدلة و علي القرف دة كل شوية بيطلعلي مصيبة لسة مطلع العربية من عند الكهربائي بعد ما عملت الدينمو لقيت السير ابتدي يتقطع فا انا قرفت بئا و عاوز اشهدا واخلص علشا مسمعش منها تاني لان لو العربية اتعملت وبعديها بشهر لقيت حاجة فيها انا بجد والله ممكن اروح اقتل المكيانيكي لان انا هستلف الفولس دية ارجو الافادة وشكرا يا باشا علي الرض |
رد: عمرة كاملة للستروين AX
اقتباس:
يعنى هو هايعملك عمرة الموتور ب 3800 جنية ويسمكر العربية ويرشها ويجيب كمبريسور تكييف ويشحن التكييف ويشغلة وهايظبطلك العفشة كمان وكل دة ب 700 جنية ؟!!:F_14WA~16[1]: مش عارف لية انا مش مطمنلة الراجل دة هو شغال اية الراجل دة ميكانيكى ولا سمكرى ولا عفشجى ولا بتاع تكييف ؟! بص ياباشا عشان مايضحكش عليك مبدئيا شغل السمكرة والدوكو مش هيبان تلكفتة كام الا لما ترفع صور العربية على المنتدى هنا والسادة الاعضاء اصحاب الخبرة هايفيدوك بمتوسط التكلفة ثانيا شغل العفشة لازم تروح لعفشجى عشان يقولك عندك اية عايز يتغير او يتصلح ثالثا الموتور ب 2000 جنية استيراد (وممكن اقل لو من غير فتيس لو فتيسك سليم) والعمرة ب 3800 يعنى هاتوفر الضعف تقريبا والعمرة برضو مش مضمونة 100 فى المية وبالنسبة للمواتير الاستيراد لو خدت معاك ميكانيكى بيفهم وعندة ضمير ان شاء الله هاتجيب مكنة كويسة وكدة كدة بيبقى فى فترة تجربة بتجرب فيها المكنة لو فيها حاجة بترجعهالة تانى |
| الساعة الآن 09:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017