|
عايز اجيب فانتزيا 2010
شباب انا حابب اعرف ايه رايكم في فانتزيا 2010 مميزات وعيوب
وعايز اعرف هيا بجد موديل 2010 عايز بنزين 95 ؟؟ ولو فيها عيوب ايه هيا لاني معروض عليا فانتزيا اليجانس 2010 ماشيه 38 الف كيلو ب160 الف فهل ده سعر مناسب عليها ولا لا وعايز رايكم برده فيها كعامه |
رد: عايز اجيب فانتزيا 2010
السعر مناسب جدا بس اليجانس كامل يعنى مرايات ضم وسخانات كراسى
وهى وكيل ولا خليجى العربيه ماشيه 92 عادى جدا جدا والحمد لله العربيه ممتازه جدا توكل على الله لو العربيه فابريكه وسليمه اشتريها السعر كويس |
رد: عايز اجيب فانتزيا 2010
البنزين المفضل 95 لكن حد ادني 92
92 مش هيضر العربية بس افضل اداء للعربية 95 |
رد: عايز اجيب فانتزيا 2010
اقتباس:
مش عارف بخصوص كامله ومش كامله ديه انا اللي اعرفه ان العربيه 3 فئات التروبيتك ديه والسبورت والاليجانس هو فيه حاجة اسمها اليجانس كامله ومش كاملة ولا حضرتك تقصد اتاكد ان كانت اليجانس او سبورت اصلا ^_^ بس هاتاكد برده وشكرا علي التنبيه العربيه توكيل اه العربيه فابركيه برا وجوا بس صاحب المعرض رش فيها الاصطدام الامامي والخلفي عشان كانت حاكه فيهم كتير - علي حسب كلامه - وانا كعامه هاخد العربيه اكشف عليها برده في التوكيل عشان اتاكد لو فيها اي حاجة مش مزبوطه عشان موضوع انه راشش لها الاصطدامات ديه مش مريحني بصراحه بس كعامه لو طلع كلامه صح وسليمه وكل حاجة وراشه دول بس يبقي ايه النظام فيها حلوة ولا ايه رايكم ؟؟ بعدين معلش سؤال هو اليجانس 2010 بتختلف في اوبشن عن ال2013 ولا هيا هيا تقريبا يعني حابب اعرف لو فيها حاجة اقل ناقصه كده ومعلش علي تعبك :) |
رد: عايز اجيب فانتزيا 2010
رأيي الشخصي متشتريش عربية من صاحب معرض حتي لو برخص التراب صدقني لازم بتكون فيها حاجة غلط
وبعدين راشش اكصدمات عشان تجاريح ؟؟ منطقيا صعبا لان العربية المفروض فيها حساسات ركن فلو الاكصدمات لو مخبوطة خبطة بسيطة اكيد هتأثر عليها بص يا ريس الاسكودا فانتزيا عربية محترمة جدا جدا وموجود كسر زيرو كتيييييير اوي رأيي تشوفلك واحدة فابريكة برا وجو من الاكصدام للاكصدام بنفس السعر رأيي الشخصي وربنا يوفقك ويباركلك في اي عربية تشتريها :fun_36_1_39[1]: |
رد: عايز اجيب فانتزيا 2010
اقتباس:
الاليجانس نفسها فئات:CONGRA~238: يعنى ممكن تلاقى عربيه اليجانس فتحه سقف وجنوط وحساسات وكاسيت صغير ودى كاتوجرى (b) والتجار بتبيعها اليجانس عادى وبنفس السعر على العموم هى لو توكيل بتعرفها من الجنط16 والابانوس فى التابلوه والمصفحه حديد مش فبر وكتوب على شنطه العربيه آر توك وبيكون معاها كتيب الضمان والصيانه ودى التاجر مش هيظهره لك علشان ماتكتشف الكيلوات الاصليه للعربيه على فكره الموضه دلوقت كل عربيات 2010 بيخلو عدادها قريب من 40 الف كيلو وده هتكشف انت على آخر صيانه للعربيه فى التوكيل هتعرفك العداد ملعةب فيه ولا لا ومن ناحيه السعر لو العربيه سليمه فعلا السعر كويس لان العربيات دى زادت فى سعرها الايام دى وبالنسبه للفرق بين الاليجانس 2010 و2013 يعتبر لايوجد فروق وكماليات الاليجانس الكامله بتزيد زينون متحرك سخانات كراسى 2 اير باج فى الكراسى الاماميه كاسيت كبير مرايات ضم كهرباء |
رد: عايز اجيب فانتزيا 2010
طيب انا فيه عربية خليجي اليجانس زيرو بس موديل 2012 ب200 الف فهل ديه حلوة ولا تنصحوني بلاش الخليجي افضل ؟؟؟
وهل فعلا الخليجي مش مصفح من تحت ولا ايه الكلام ؟؟ بالنسبه للعربيه 2010 انا مش هاخدها الا لما اكشف عليها توكيل قبل مااشتريها عشان انا برده شاكك فيها وياريت تقولوا لي الفروقات بين اليجانس الخليجي والعادي وانواع الاليجانس برده عشان اول مرة اعرف ومشكورين والله :010104~171: |
| الساعة الآن 03:23 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017