|
اول غيار زيت للانوس الزيور
السلام عليكم ورحمه الله وبركاته
أولا : احب أشكر المنتدي والاعضاء المحترمين اللي موجودين فية . ويارب يجعل كل المعلومات اللي هما بيفيدوا بيها الناس في ميزان حسناتهم بإ ذن الله . انا الحمد لله استفدت من المنتدي هنا جامد لما كنت محتار اشتري عربية اية ؟ انا الحمد لله أشتريت عربية لانوس زيرو بس دي اول تجربة معايا مع الزيرو ومش عارف لسة الحاجات اللي بتوع الزيرو بيعملوها :D :ff5a34af6efef0e643e فانا عاوز اعرف اغير الزيت بتاع المصنع علي كام كيلو ؟؟؟ الناس بتوع المعرض اللي انا اشتريت منة واحد قالي روح غير علي 5000 والتانى قالي خليها 2000 اما التالت قال غير علي 1000 !!!!!!!!!!! " مش عارف اية الحيرة اللي هما فيها دي دي العربية المفروض تكون اتحفظت خلاص " والسؤال التانى : لو غيرت الزيت برا التوكيل كدا العربية تخرج من الضمان ولا اية ؟؟ والف شكر مقدما . واعتذر عن الإطالة :iloveyou24: |
رد: اول غيار زيت للانوس الزيور
السلام عليكم غير زيت في التوكيل علشان الضمان والله المستعان |
رد: اول غيار زيت للانوس الزيور
اقتباس:
بس اغير الزيت بعد كام كيلو |
رد: اول غيار زيت للانوس الزيور
اتصل برقم خدمه العملاء بتاعت منصور وهما هيفهموك كل حاجه او شوف كتيب الضمان هتلاقي فيه كل مواعيد الصيانات والف مبروك اهم حاجه متقرص علي الموتور وحاول متعديش سرعتك 80 ومتفتحش المكيف اول الف كيلو ويفضل تعمل صياناتك مع اللتوكيل هيحافظلك علي العربيه لاطول فتره
|
رد: اول غيار زيت للانوس الزيور
5000 كيلو وغيره فى التوكيل
|
رد: اول غيار زيت للانوس الزيور
أولاً مبروك عالسياره ربنا يديك خيرها ويكفيك شرها وثانياً العبدلله من حائزي هذه السياره الجميله وردي هو غير الزيت علي 5000ك وإذا كنت بتمشي كتير غير موبيل1 ده 10000ك ولو بتمشي قليل غير 3000ك برضه موبيل وعلي فكره صيانة ال5000ك مجاني فالتوكيل وإذا غيرت زيت بره التوكيل مفيش مشاكل مش هتخرج من الضمان بتاعها شغل الكهرباء هو اللي ممكن يخرجها من ضمان الكهرباء
|
رد: اول غيار زيت للانوس الزيور
الف شكر والله يا جماعه وربنا يباركاكوا علي المعلومات دي ويجازيكوا كل خير
الف شكر |
| الساعة الآن 05:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017