محتار ياجماعة بجد
 

ازيكم ياجماعة عدت بعد غياب طويل اخباركم اية كلهم يارب تكونوا بخير :lvly:

كنت عايز اخد رائيكم فى عربية اجيبها تكون عملية وسريعة انا معايا bmw 2004

ودى بتاعة الجرى واللعب لكن لو حبيت اجيب عربية جمبها تكون عملية

على الارض ومش متعبة فى مصاريفها وثابتة وشكلها مقبول اية ناس قالتى جيب اوكتافيا اليجانس 2010 مستعملة وقسطها وناس قالتى لا الزيرو حلو مدام بقى تقسيط

لانسر البومة ولا السيراتو ولا الالنترا ولا كروز ولا تويوتا كورولا ولا الجراند تريوس

استبعدت الالنترا لانى مش حاببها وكروز عربية بتزحف وكورولا شكلها سخيف

يبقى بقى البومة ولا سيراتو ولا جراند تريوس ولا اوكاتفيا مستعمل ولو عايز اجيب مستعمل تقسيط يبقى منين معلش لسة مستجد فى مصر وعايز اعرف

رد: محتار ياجماعة بجد
 

مفكرتش فى الباسات ؟

رد: محتار ياجماعة بجد
 

ما تشوف حاجة رينوووووووووو

رد: محتار ياجماعة بجد
 

رد: محتار ياجماعة بجد
 

الباسات ياكبير عربية محترمة بس مش شبابى وبعدين الفولكس حراق اوى اوى
وكفاية عليا بى ام يعنى خبطين قى الراس توجع هههههههههه

رد: محتار ياجماعة بجد
 

الرينو عيبة انة الكترونيات اكتر من الازم ومعقد زية زى اخواتة الفرنساوين
ومش اى حد يفهم فية غير انة سعر بيضيع بعد سنتين وليا تجربة مع ابى عمى الى اشترى ميجان بانوراما وكانت ايامها عربية بنت حلال لكن بعد كدة ظهر عيوب فى الكروت وكمان السخونة وكمان سعر العالى لقطع الغيار دى 2008 وب45 الف وهو محافظ عليها ومش بتاع جرى هههههههههههه

رد: محتار ياجماعة بجد
 

انا بفكر فى الاربعة لاسباب التالية

1- الاوكتافيا اليجانس المستعمل ( لان دى عربية الالمانى وانا بموت فى الالمانى ومنتشرة وقطع غيارها معقولة وعربية شكل ومنظر بجد حلو واوبشن بتاعها عالى بس فين الاقى حالة نضيفة واقدر اقسط سعرها )

2- لانسر البومة السوبر اكشن زيرو ( اعلى فئة فى الانسر عربية بنت حلال بقت حبيبة المصرين زيها زى البيجو في يوم من الايام عربية بتسحمل بس متسمتعش بسواقتها زى الالمانى لكن ميزتها كل مكانيكى يفهم فيها وقطع غيرها فى كل حتة مش هغلب بس شكلها قديم اوى وطابلوة من 2000)

3- الجراند تريوس ( عربية كويسة وواسعة وعائلية اوى وعالية بس ثبات زفت غير السحب هيبقى تقيل)

4 سيراتو ( اوبشن حلو شيك منتشرة ناس كتير بتشغل فيها وبتشكر فيها بس انا لاثق فى الكورى والهندى والصينى ابدا:bb127bc6eab060e3e23)