مصر موتورز مجتمع السيارات - فرع التوكيل في العامرية بوظللي العربية

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - فرع التوكيل في العامرية بوظللي العربية (https://www.masrmotors.com/vb/showthread.php?t=104473)

فرع التوكيل في العامرية بوظللي العربية

فرع التوكيل في العامرية بوظللي العربية
عربيتي لوجان اتو عاملة حوالي 4200 كم ... مشكلة بدأت تظهر في العفشة ناحية الشمال و بأت احس بخشونة في الامام شمال ميكانيكي قالي ده المساعد الشمال قدام بدأ يحجر و اليمين طري رغم اني محسوك و حريص جدا على المطبات و الحفر جدا لدرجة اني بشل اللي ماشي ورايا.. المهم قولت احجز صيانة الخمسة و اروح طلبت الحجز يكون في فرع العامرية على اساس كلام الناس هنا ان هما الافضل في اسكندرية و احسن من فرع سموحة رحت امبارح الصبح و سلمت العربية الساعة 8:45 الصبح و فلتهم على مشاكلي
1-حاسس ان العفشة الحنب الشمال بقى ناشف و بيهبد شوية (المشكلة الرئيسة)
2-بدال الفرامل مريح شوية و الشوط بتاعه طويل سنة
3-لما اجي اجيب الفتيس لل (p) اسمع تكة كده بعد ماشيل رجلى من على الفرامل
استلمه العربية وم/ هبة قالتلي 3 ساعات و تجهز المهم اعدت في مكان الاستفبال و بما اني مدخن فكان كل شوية اطلع برة اخد سيجارة و ارجع على الساعة 10:45 قلت اخد لفة في المكز طلعت لغاية المغسلة اللي في اخر الفرع لاقيت عربيتي واقفة هناك و داخلة الغسيل ولاقيتهم بيغسلوا المواتير بالمياه قلت اكيد بقى التوكيل و عارفين هما بيعملوا ايه و حايداروا ايه في الموتور و كدا
المهم استلمت العربية على 12:00 الظهر و طلعت بيها المهم اللي لاحظته و اللي قاله عليه الاتي
1-تم ضبط خلوص البوجيهات لتوفير استهلاك البنزين
2-تم ربط العفشة و عمل تشيك اب كامل على العربية
اللي انا لاحظته ان
1-العربية رجعت زي ماكانت جديدة ماسكة نفسها و دريكسيون بقى تقيل زي الاول و المساعد الشمال فك
2-بدال الفرامل اتظبط
3-تكة الفتيس راحت
رجعت عند الجراج الشغل اللي بركن فيه لاقيت ان المساعد الشمال زي ماهو حجر تاني و المصيبة ان العربية بترعش جامد وبتقطع !!!!! رغم انه نفس البنزين اللي انا ماشي بيه بقالي 5 ايام و التانك لسه فيه التلت... العربية بتقطع و بترعش كأن كهربا العربية وطيت و حاتبطل مني او الرشاشات مسدودة و تفضل كده لغايت قرب سرعة 60 كم وبعد كده ماتحسش بحاجة..اجي افرمل و اقف تزيد الرعشة قوي كأن العربية حاتبطل وانا على (d) او (r) على (n) رعشة خفيفة ... حاتجن هو مش المفروض ان الصيانة تضبط العربية و تفوقها امال في ايه تاني اشد من التوكيل يتعمل عنده صيانه العربية كانت فلة شمعة منورة قبل الصيانة دلوقتي بقيت زبالة مش عارف اعمل ايه و و مش عارف ايه السبب المشكلة دي اصلا هل الغسيل و لا ضبط البوجيهات و لا ايه ؟؟!!