|
العربيه لسه جديده و حسه اني بهدلتهااا:( ياريت حد يساعدني
السلام عليكم
انا يا جماعه مديقه جدااااااااااااااا لاني خربشت العربيه و هي لسه مكملتش كام شهر بعد مجبت العربيه بكام يوم كنت دخله في شارع ديق و غصب عني خربشتها و من قريب لسه و انا طلعه من ركنه من الوش اتخربشت تاني جامد انا حاسه اني غلطانه اني جبت عربيه زيرو و انا لسه متعلمه السواقه انا الحمد لله مشي في الشارع كويس و كل شيئ المشكله كمان في الركنه بوقف الشارع كلووو ورايا عشان اركن لازم افضل ادور علي مكان بعيد عن الشارع الرئيسي عشان اركن برحتي في شارع عام بتكون صعبه اووي و مش بعرف و محدش بيستني حد و خصوصا لو بيركن بالعافيه مع اني بعتبر كل يوم بنزل بالعربيه بس كل مره بركن بحس اكني لسه بتعلم السواقه و مش بعرف اركن صح غير لما يكون في سايس ولا حد يوقف و يساعدني مع اني اخدت دروس بالهبل في موضوع الركنه بس بردو مش عارفه اركن صح لدرجه ان طلوعي بالعربيه بقا هم عليا :( بس كلو كوم و موضوع الخربشه الي حصلت فيها دي !! العربيه لسه ملحقتش حاجه و الله :( هي الخربشه الي فيها مش جامده اوي مش خبطه يعني لاء مجرد خربشه شالت الطلاء الي كان عليها و بينت الون الفضي لي تحت ده :( ياريت حد يساعدني في موضوع الخربشه دي هل اوديها لمكانيكي ولا اجيب القلم الي بيداري الخدوش ده ؟؟ لو حد جابو قبل كده ياريت يفدني جابو منين ؟؟ و تتفتكرو مع الوقت هل الركن بتاعي هيتحسن ولا الموضوع ده بيكون محتاج دروس تاني ؟؟ |
رد: العربيه لسه جديده و حسه اني بهدلتهااا:( ياريت حد يساعدني
وحضرتك بتركنى خلى بالك من المرايات الجمب واللى مرايا الى وراه وبصى وراك الابس السواقه تعود ليس لا والخدوش سبيها علشان العين بس لو نفسيا مش مرتاحه فى قلم بس مجربتوش متابع مع حضرتك لو حد جرب القلم يقولنا من ابو 20 ولا 40 ولا 60 ولا 99 لانهم كتير وكدة ودمتم بخير |
رد: العربيه لسه جديده و حسه اني بهدلتهااا:( ياريت حد يساعدني
اقتباس:
مع ان فيهم محترفين سواقة.. ولكن هذا ضريبة الزيرو,,, القلم الدوكو ده حمادة بالجنزبيل (( هجس اللهم اجعله فشر )) خربشة الدوكو لازم لها صنايعى دوكو محترم (مش ميكانيكى) يعنى وهذا للعلم. ونصيحتى ليكى ,, استنى شوية لغاية ماتبقى متمكنة من السواقة .. ومن الركنة بين العربيات كويس (علشان مش كل شوية نزعل على الدهان ونروح نعمل دوكو ) ودة هايخيلينا نخسر دوكو الفابريقة الأصلى يتاع العر بية.وآسف على الأطالة وشكرا. |
رد: العربيه لسه جديده و حسه اني بهدلتهااا:( ياريت حد يساعدني
بصى اولا قولى الحمد لله
وعموما الزيرو لازم يا خد عين شوية وبالنسبة للخرابيش متقربيش منها لسببين اولا : علشان يبعد العين عن العربية ثانيا : انك لو قربتى البوية من العربية هتخسرى موضوع الفبريكة بمعنى ان العربية علشان تفضل فبريكة متحطيش فيها اى بوية ومتزعليش فى موضوع السواقة والركن لان كل يوم هتخدى وتتعلمى حاجة جديدة ومبروك عليكى العربية بس مقولتيش نوعها ايه ؟؟ |
رد: العربيه لسه جديده و حسه اني بهدلتهااا:( ياريت حد يساعدني
القلم ده فعلا هجص بشهادة الشهود و ينفع فقط لو خربوش بسيط ما اشلش طبقة الدهان تماما. و الخرابيش ديه بتحصل في أحسن العائلات عادي طالما الحمد لله ما فيش خبطات (ربنا يستر) يبقي أنت علي الطريق الصحيح. الركنة بتيجي بالتعود و ممكن سيادتك يوم أجازة تدربي شوية و يا ريت ما يكونش جنب البيت. حتة كده ما تعرفيش حد فيها و جربي لحد ما يبانلك صاحب و بس.
|
رد: العربيه لسه جديده و حسه اني بهدلتهااا:( ياريت حد يساعدني
السلام عليكم ما تزعليش كل العربيات بتتخربش سواء بتعرفي تسوقي او لأ ربنا ينتقم من العيال الي بتمشي تخربش العربيات على الأقل انك انتي الي خربشتيها مش حد تاني صدقني بعيد عنك لما تنزلي وتجدي السياره متخربشه ومش عارفه مين الي عمل كده بتنرفز وتزعل اكتر من الي انت في والركنه بالتعود هتعرفيه وفي ناس كتيره بتتلخبط لما حد يقول لهم يمين وشمال لما يركنو والله المستعان |
رد: العربيه لسه جديده و حسه اني بهدلتهااا:( ياريت حد يساعدني
عادي جدا كل الزيرو متخريش ومخبوط خليها تاخد العين وبعد فتره لما تكوني تمكنتي اكتر من السواقه تبقي تعملي الخرابيش ديه مره واحده عند صنيعي محترم اهم حاجه تجمدي قلبك وتحاولي تتمرني علي الركن في عدم اوقات الزحام
|
| الساعة الآن 11:56 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017