مصر موتورز مجتمع السيارات - الصيانة الدورية العربية الانوس الخليجي موتور 1600 بالاسعار

مصر موتورز مجتمع السيارات (https://www.masrmotors.com/vb/index.php)

- دايو العام (https://www.masrmotors.com/vb/forumdisplay.php?f=164)

الصيانة الدورية العربية الانوس الخليجي موتور 1600 بالاسعار

السلام عليكم ورحمة الله وبركاته

(بسم الله)

انا حبيت اشارك معاكو تجربتي مع العربية الانوس الخليجي :danceW7:
انا اشتريت العربية دي من سنتين والحمد لله ماشية معايا زي الفل:THUMB_~112: وبسافر بيها الواحات كتير والحمد لله مش مقصرة معايا خالص ... انا حبيت اشارك بكيفية الصيانة الدورية للعربية ولو نسيت حاجه ممكن حد يكمل معايا :
في نوعين من الصيانة (صيانة قصيرة و صيانة طويلة ):vctry:
ناخد الاول الصيانة القصيرة وهي كالتالي::THUMBS~220:

تنضيف دورة المياة كل 3 شهور في اي بنزينة وتكلفتها بتكون تقريبا 25 جنيه.
تنضيف البوابة وحساس التسخين بالاسبراي المنظف كل 3 شهوروتكلفته تقريبا من 25 الى 35 جنيه. ( العلبة بتستخدم اكتر من 5 مرات)
تنضيف فلتر الهواء كل شهر تقريبا نظرا لظروف الاتربه في البلد . وده بيتعمل عند اي حد بتاع كاوتش او في اي بنزينة وما بيتكلفش حاجه خالص.
التأكد من مقياس الزيت و منسوب المياة و زيت الفرامل مرة كل اسبوع للتأكيد .
تغير فلتر الزيت مرة ومره ( تغير الزيت مرة بالفلتر و مرة من غير الفلتر). الفلتر تكلفته من 25 الى 40 جنيه.
الكشف على زيت الفتيس في نفس وقت تغير الزيت . للتأكيد.
تربيط عفشة كل 3 شهور وتكلفتها تقريبا 25 في موبيل.

تاني حاجه بقى الصيانة الطويلة :MADDRIVE

دي بقى بتكون بالكيلومتر ( انا بعملها كل تقريبا من 25000 الى 30000 كيلومتر) وهي بتكون كالتالي:
- تغير طقم سيور ويتكون من :

سير الكاتينة بتكلفته الاصلي GM ب 240 جنيه والكوري بيعمل من 60 الى 75 جنيه.
سير دينامو وتكلفته حوالي 25 جنيه.

سير تكييف وتكلفته حوالي 25 جنيه.

- تغير فلتر البنزين ( حوالي 40 جنيه).
- تغير فلتر الهواء ( حوالي 25 جنيه).
- تغيير طقم البوجيهات ( تكلفته حوالي 55 جنيه).
و المصنعيه بالنسبه للصيانة الطويله عند ميكانيكي نضيف بتكون تقريبا من 100 الى 150 جنيه .

و إ ن شاء الله العربية تفضل معاكو نضيفه و ماتقصرش معاكوا .. ولو حد عنده اي افكار تانيه يا ريت يكتبها عشان الكل يستفيد .