|
الكابوت اتطبق في حادثة (بني ادم) , اعمل اية واحافظ علي سعر العربية
واحد طلعلي زي العفريت من ورا اتوبيس بيجري وانا رايح امتحان الساعة 8 ونص الصبح, وفمطلع كوبري 15 مايو في سموحة من ناحية مديرية الامن وانت رايح علي جرين بلازا و انا كنت ماشي علي 60 كم كدة , الراجل اتدشدش ( ربنا يشفية ) والموضوع كبر وبقت قضية وليلة كبيرة ...
المهم , الكابوت عندي اتطبق حتة منه ( ربعه مثلا ) والازاز اتكسر عايز اعرف اعمل اية فالكبوت دا اية الحل و بأي تمن , ارشة فالتوكيل ولا اغيرة كلة ولا اعمل اية بس اهم حاجة سعر العربية ميتهذش جنية واحد لاني كنت كلها شهر و هغير ( قدر الله ما شاء فعل ) , العربية سكودا فانتازيا 2010 |
رد: الكابوت اتطبق في حادثة (بني ادم) , اعمل اية واحافظ علي سعر العربية
كبوت استيراد نفس اللون وشكرا
شيل ركب وانتهي ولا كأنها اتخبطت :CHUBBY~36: |
رد: الكابوت اتطبق في حادثة (بني ادم) , اعمل اية واحافظ علي سعر العربية
لو زى مابتقول لازم تغير الكبوت كله
لانه استعداله صعب علشان القوايم والعصب الموجوده فيه وهتضطر تمعجن لكن تغيير الكبوت افضل وحاول تدور على نفس اللون استيراد كده العربيه مش هتنزل من سعرها المهم الراجل اللى اتخبط قدر الله ماشاء فعل خليك معاه للنهايه ودايما تطمئن عليه لانك ممكن تدخل فى مشاكل كبيره وربنا يحفظنا جميعا |
رد: الكابوت اتطبق في حادثة (بني ادم) , اعمل اية واحافظ علي سعر العربية
فعلا الاستبدال أحسن شئ لكن لف شوية عشان تجيب نفس اللون.
|
رد: الكابوت اتطبق في حادثة (بني ادم) , اعمل اية واحافظ علي سعر العربية
افضل شئ انك تشترى كبوت استيراد نفس اللون و اعتبر مفيش اى حاجة حصلت.....
|
رد: الكابوت اتطبق في حادثة (بني ادم) , اعمل اية واحافظ علي سعر العربية
اولا حمد لله على السلامه
وقدر الله وماشاء فعل من ناحية مشكله الكبوت واحد استيراد وان شاء الله تلاقيه بس اهم شىء ما تخدش العربيه معاك وانت بتشتريه عشان التاجر هيستغل الفرصه احسن استغلال :shwt: لكن انت عاوز كابوت فانتازيا وخلى اللون فى دماغك اول ما تشوف اى كابوت تسأل على تمنه وتقوم رازعه اللون ساعتها وشكرا ثانيا من ناحية مشكله الراجل اللى اتخبط دا خليك معاه للاخر ولو استلزم الامر علاجه بالكامل احسن من قواضى وسين وجيم ومحامين |
رد: الكابوت اتطبق في حادثة (بني ادم) , اعمل اية واحافظ علي سعر العربية
إنتا قلقان من المشكلة البسيطة وسايب المشكلة الأكبر على فكرة.
جنيه في تمن العربية مش هيفرق, لاكن إنتا هتصرف جنيه وإتنين وتلاتة ورى الراجل الي خبطه علشان ربنا يعفي عنك أولا وعلشان الراجل يتنازل على القضية ثانيا. ربنا يستر طرقك وطريقنا جميعا راكب أو ماشي. |
| الساعة الآن 10:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017