الغيار الاول بيعلي صوت الماتور بدون تسارع - فيات بونتو
 

رد: الغيار الاول بيعلي صوت الماتور بدون تسارع - فيات بونتو
 

كربراتير ولا انجكشن؟؟؟؟؟

رد: الغيار الاول بيعلي صوت الماتور بدون تسارع - فيات بونتو
 

كربراتير يافندم

ومع العلم ان محطوطلها بنزين 80

رد: الغيار الاول بيعلي صوت الماتور بدون تسارع - فيات بونتو
 

مش مهم 80 من 90
اعتقد المشكلة عندك فى الكربراتير عاوز ينضف ويتظبط خصوصا الباب الاول
وكمان عاوزين نمسك البوجيهات نصنفرها ونظبط الثغرة بتعتها على 60 بالفلر
وشاكوش الاسبراتير نصنفرة ونصنفر ترامل الوش والفحمة كمان
كمان نكشف على زيت الفتيس عشان شكل الفتيس كسلان عندك اوى

كل دة على اعتبار ان اسطوانة الدبرياج عندك سليمة يعنى الدواسة لتحت شم لفوق اوى ومفهاش رعشة فى الطلعة ولا رعشة اما تسخن العربية

رد: الغيار الاول بيعلي صوت الماتور بدون تسارع - فيات بونتو
 

متشكر جدا يافندم ربنا يزيدك علم
بعد اذنك ممكن تقولي تقريبا كلفة الحاجات ديه ايه ولو اسطوانه كامله ممكن تعمل كام؟

واتمنى حضرتك تشوف الموضوع ده
http://masrmotors.com/vb/showthread.php?t=103956

هو لنفس العربية اللي بنتكلم عنها وتقولي رأيك

متشكر جدا واسف لو بتقل عليك

رد: الغيار الاول بيعلي صوت الماتور بدون تسارع - فيات بونتو
 

تحت امرك وهاروح ابص على الموضوع التانى
كلفة الحاجات دى
نضافة كربراتير وعمل اللازم 60 جنية
البوجيهات الوكلام دة ممكن الميكانيكى ياخد 20 جنية

انماا لو هانغير الاسطوانة

هانشترى اسطوانة بـ حوالى 90 جنية

ومصنعية فك وتركيب من 80 الى 100 جنية حسب الميكانيكى
وهاينقص حوالى كيلو زيت فتيس بـ 15 جنية

رد: الغيار الاول بيعلي صوت الماتور بدون تسارع - فيات بونتو
 

شوفت الموضوع

وصفك للمشكلة بيروح لاسطوانة الدبرياج

هو الدبرياج عندك عالى اوى ؟؟؟؟

وخد بالك لو الفلوس معجزة شوية ورحت تغير اسطوانة الدبرياج احتمال كبير اوى تلاقى الدسك بالبلية عاوزين يتغيرو

ولو هاتغير الدسك والبلية هات الدسك استيراد متجبش جديد نصيحة