القدرة الحقيقية لكرولا MMT الجبارة
 

السلام عليكم و رحمة الله و بركاتة

مشكورين بعض الناس يقولون ان قدرة موتور تويوتا mmt هى 122 حصان كما هو مذكور بموقع تويوتا بجنوب افريقيا
http://www.toyota.co.za/models/

و يقولون ان التوكيل يقول ان قدرة السيارة هى 142 حصان

و مع العلم هذة المعلومة صحيحة لان
التوكيل يقول ان قدرة السيارة 91 كيلو وات عند 6000لفة بالدقيقة
مع العلم بأن الحصان الميكانيكى يساوى 746 وات
يصبح 91×1000/746 يساوى 122 حصان تقريبا
و ترك باور 157 نيوتن عند 5200 لفة

ولوحسبنا القدرة على 7000لفة التى هى اقصى قدرة للموتور التى يمكن ان تستخدم فى الظروف الطارئة دون تأثير كبير على سلامة الموتور تصبح
91×7000/6000 يساوى 106.17كيلو وات
106.17×1000/746 يساوى 142.31 حصان تقريبا
و ترك باور 211.35 عند 7000 لفة و طبعا ده يعتبر قوى جدا لموتور 1600cc
و هذا هو موقع الوكيل للتأكد
http://www.toyotaegypt.com.eg/cars/new_cars/corolla/specs.asp

و لو عايز تتأكد اكثر ارسل رسالة لمصنع جنوب افريقيا و اسألة 91 كيلو عند كام لفة للموتور

شكرا
http://corolla.toyotaegypt.com.eg/im...la-2008-w6.jpg

رد: القدرة الحقيقية لكرولا MMT الجبارة
 

معلش حضرتك جبت منين الحسبة العجيبة دى؟!!
قوة المحرك = العزم*السرعة.
خد بالك بقى من الحتة دى, العزم و السرعة متغيرين, العزم متغير مع سرعة المحرك وفقا لمنحنى يشبه الجرس, أى انه يكون منخفضا مع السرعات المنخفضة و يرتفع الى ان يصل الى 5200 لفة فى حالتنا هنا ليشكل قمة المنحنى (أقصى عزم), و بعدين يقل لحد ما يوصل الى 7000 لفة/دقيقة اللى هى اقصى سرعة للمحرك.
و بالتالى , معنى انو اقصى قدرة هى 122 حصان عند 6000 لفة انو ديه اقصى قدرة ممكن يولدها المحرك, و عند 7000 لفة هيبقى القدرة الحصانية أقل, لأن العزم هيقل عند 7000 لفة.

رد: القدرة الحقيقية لكرولا MMT الجبارة
 

رد: القدرة الحقيقية لكرولا MMT الجبارة
 

اتفق قلبا و قالبا مع استاذ فادي الله ينور عليك

رد: القدرة الحقيقية لكرولا MMT الجبارة
 

كلام فادي باشا مظبوط 100 في الـ 100

رد: القدرة الحقيقية لكرولا MMT الجبارة
 

استاذى الموقر فادى
كلامك مضبوط لكن
قوة المحرك=العزم×عدد اللفات

حضرتك بتقصد فى كلامك لما تكون قدرة المحرك ثابتة مثلا فى موتور كهرباء AC فعندما تكون القدرة او مصدر الطاقة ثابتة مثلا موتور 1 حصان اذا زادت السرعة قل العزم و اذا قلت السرعة زاد العزم و المتحكم فى هذا لابد ان يكون صندوق تروس او ناقل الحركة (الفتيس) الترس الاول اقوى و لكن سرعتة اقل من الترس الثانى لان فى هذة الحالة العزم يتناسب عكسى مع السرعة فكلما كان الترس اصغر اعطى سرعة اقل و عزم اكثر .
اما فى حالة عدم ثبات قدرة الموتور مثل موتور السيارات او موتور كهرباء DC فان السرعة تتناسب طرديا مع القدرة لذا فان كلما زادت القدرة ذادت السرعة .
مثال طفيف
موتور كهرباء تيار مستمر DC موصل على 6 فولت تكون سرعتة ثابتة لو وصل على 9 فولت طبعا لا سوف تزيد السرعة و العزم و شكرا

رد: القدرة الحقيقية لكرولا MMT الجبارة
 

حضرتك برضو مفهمتش كلامى قصدى, أنا هوضحلك قصدى بمثال تخيلى,

ده جدول لمنحنى العزم لسيارة تخيلية :
السرعة(أر بى ام) : 1000--- 2000--- 3000 ---4000--- 5000 ---6000
العزم (نيوتن متر) : 80-------- 90 ------100 -----120 -----100------ 70
القوة (حصان) --- : 15-------- 34 -----57------- 91 ------95 --------79

من الجدول ده, أقصى عزم للسيارة هو 120 نيوتن عند 4000 لفة/دقيقة,
و أقصى قدرة هى 95 حصان عند 5000 لفة/دقيقة.
دى الطريقة التى يتم احتساب بها أقصى قدرة للمحرك (لكن بنحسب عند سرعات أكثر تقاربا يعنى كل 100 ار بى ام مثلا), هتلاقى انو القدرة قلت عند السرعة النهائية (6000 ار بى ام), لأن العزم قل عندها بمعدل أكبر من السرعة.
معنى انو الكورولا 122 حصان عند 6000 لفة/دقيقة, فان هذه القوة سوف تقل عند 7000 لفة/دقيقة و سوف تبلغ 100 حصان مثلا.
و برضو الموضوع مفيهوش اذا زادت السرعة زاد العزم, العزم بيزيد مع السرعة الى حد معين هو العزم الأقصى, بعد كده بيزيد الاحتكاك داخل المحرك, و فى الصبابات, و يتسبب بتقليل العزم مرة أخرى مع زيادة السرعة.
ملحوظة قمت باحتساب الجدول بالمعادلة السريعة :
القوة الحصانية = العزم* السرعة(ار بى ام) / 5252