|
شبكة علوية للفيات 128
السلام عليكم ورحمه الله وبركاته انا هنزل إن شاء الله النهاردة التوفيقية علشان اشترى شبكة فوق السيارة للفيات 128 هى مش شبكة هى عبارة عن حديدتين بيقربو وبيبعود عن بعض فكنت عايز اعرف فية نوع كويس والاسعار فى حدود كام ؟ مثل هذة التى فى الصورة بس للفيات 128 حاجة تكون فين وبكام ونوع اية وجزاكم الله خيرا http://www.masr1.com/di-M6TX.jpg |
رد: شبكة علوية للفيات 128
هتلاقيها إستثمارى وسعرها فى حدود 50 جنيه
والله اعلم |
رد: شبكة علوية للفيات 128
اقتباس:
علي فكره الصوره اللي حضرتك حاططها دي صورة عربيتي صح كده ولا لأ مركز معايا يا اتش بس انا مش زعلان ده شرف ليا حضرتك تقتبس صورة عربيتي بص بقي يا سيدي الشبكه دي بتتباع بالجوز يعني اتنين مع بعض وللأسف كل اللي في السوق منهم صيني والجوز انا جايبهم ب 25جنيه من شهرين من التوفيقيه :CHUBBY~36: :CHUBBY~36: |
رد: شبكة علوية للفيات 128
انا لاحظت انها عربية أيمن فعلا ؟
هو صورك رادار ولا اه يا أيمن :CHUBBY~36: شكلك بتشتغل فى المرور يا شيخ / مؤمن تحياتى وإحترامى |
رد: شبكة علوية للفيات 128
اقتباس:
انت بتقول فيها انهارده اتصورت رادار علي المحور كنت في شغل في فندق شيراتون دريم لاند وراجع مستعجل الظهر ولقيت رادار كده متثبت علي السور الفاصل بين الطريقين علي المحور اول مره اشوفه وراخ واخدني فلاش كده المصيبه ان المحمور كان فاضي واتصورت علي سرعة 160 كم ومن ساعتها وانا متكدر اوي والمشكله اني ملقتش لجنه علي المحور كنت دفعت المصالحه وخلصت بدل ما يطبقوا عليا الحد الاقصي ربنا يستر |
رد: شبكة علوية للفيات 128
مساء الفل على الناس الفل
وتحيه منى لحبيب قلبى العبقرى ا / هشام الجزار يا باشا والله ولا فيه رادار ولا يحزنون دى اشتغالة ياباشا والله كل الحكاية بيحطوا جهاز يدى فلاش وشكرا انت بتصدق ثلاث اربع اجهزة رادر المرور قديمة وعطلانه ولما بتصور تطلعك صورة اشعة مستشفى العظام السوده والله وكمان والله ( مع احترامى للفنان العظيم فريد الاطرش ) على كوبرى النيل فى محافظة من محافظات الجنوب واحد حبيبى قالى ركبنا كاميرات بتدى فلاش على الكوبرى وعلقنا يفت مكتوب عليها احترس السرعة مراقبة بالرادار ولا هى كاميرات ولا فيه رادار لان المرور استورد اجهزة طلعت مش عارفين يركبوها وبعدين لما ركبوها مش ضابطة وبتدى صور مش واضحة نعمل ايه الريس ابو بدلة كاكى فى القوضة المكيفة قال ركب وسيبها تخوف الناس فى مصر حصلت كل المعجزات وكل الاشتغالات وسلامى لام كلثوم وعادل امام واحلى طبق كشرى والناس الطيبة اللى بتنام على طبق فول مدمس مش حاسة باللى بيجرى حواليها وللجميع احترامى |
رد: شبكة علوية للفيات 128
اقتباس:
جزاك الله خيراً اقتباس:
لا صدقني لم أكن اعرف انا كنت ببحث فى جوجل فى الصور وفى الصفحة رقم 30 فى الصور وجدت صورة الشبكة اللى انا عايزها وكانت صورة سيارات أ/ أيمن ودة اللى لسة عارفة حالا رحت رفعتها على الموقع ولو لاحظت هتجد شعارين مصر موتورز علشان اكمل الموضوع اقتباس:
انا لو كنت بشتغل فى المرور كنت عملت لمصر موتورز احلي واجب تسلم على المشاركة |
| الساعة الآن 01:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017